السلام عليكم و رحمه الله و بركاته
درس رقم 4 لتعليم لفات الطرح الجديدة
مع الماكييره و مصممة لفات الطرح دينا سلام Dina Sallam
بنائا على طلب احد الأعضاء عملتلكم طريقة لفة الطرحه اللى اطلبت منى
و دى صورتها
نبدأ الخطوات
الخطوة الأولى :
هتلبسى بندانه قطن اللى بتكون زى البونيه و دى مهمه اوى علشان تثبت الطرحه اللى فوقيها و متتزحلقش و تربطيها ربطتين كويس اوى من الضهر
الخطوة الثانيه :
تجيبى طرحه ساده و هتتنيها حته صغيره و تظبطيها فوق بالبندانه بحيث تغطيها و تربطى الطرحه من ورا و خلى طرف منهم اطول شويه من التانى
ده شكل الطرحه بعد ما اتربطت من الخلف
الخطوة الثالثه :
هتمسكى الطرف الأطول و تلفيه تبرميه زى الصوره
الخطوة الرابعه :
هتلفى الطرف اللى برمتيه على الكحكه من الخلف بحيث تكون ملفوفه على الكحكه لفة كامله و تثبتيها بدبوس من فوق علشان متتفكش
الخطوة الخامسه :
هتبرمى الطرف التانى الأقصر و الطرفين هيكونو فى جنب واحد
الخطوة السادسه :
هتلفى الطرفين على بعض زى الصوره
و تمسكيها بدبوس من تحت علشان متتفكش او بأستك صغير
الخطوة السابعه :
هتحطى ورده فى الطرحه و تثبتيها بدبابيس
و ده الشكل النهائى
أنتظرونى فى لفات طرح جديدة
و أى حد عايز يعرف طريقه عمل لفه طرحه معينه يقولى او يبعتلى صوره ليها 
F:
طريقة حلوة,بس عسى ما تظهرون للشارع بهذا الشكل؟!
إذا إيه,الله المستعان هذا صار تلاعب بالحجاب!!
وإذا لا إيه طريقة حلوة ومقبولة وشياكة بعد مع بعض الجلابيات..
شكراً لك..