درس مكياج دارج هالأيام وايد حياكم 2024.

جنكم ماكلين يهااااااااااال الفريج :B_wink:

يالله نبدي الدرس ..

طبعاً أشكر وايد إدارة عروس الكرام على موقع التحميل اللي ساعدني وايد ..

وسهل علي مهمة تحميل الصور ..

مثل كل مرة ..

ننظف الوجه ونحط كريم الأساس المناسب .. والباودر .. ونغمج الحواجب ..

ونلبس العدسات .. ونحط بودر نثر ثقيل شوي على أعلى عظمة الخدين ..

وأبيض تحت الحاجبين

بعدين نكحل العين من داخل نفس لون العدسات تقريباً ..

الخطوة ثالثة .. نحط خط كحل ثقيل أسود فوق العين ونسحبه شوي ..

طبعاً نوع الكحل سائل .. أنا أستخدم كحل محمود سعيد .. ووايد حلو ويثبت ..

وأعرف وحدة تستخدم كحل ( أي لاينر ) بودي شوب .. سعره 6.00 د.ك تقريباً ..

الحين نخط خط الكحل السائل من تحت .. ويكون خط ثقيل من أخر العين ..

وطبعاً إذا صعب تضبطون الكحل السائل خط ثابت ..

ثبتو إيدكم .. وحركوا راسكم .. راح ينرسم الخط بروحه .. ومتساوي بعد ..

طبعاً تحسون أنه صار خط الكحل بارز وايد .. ومو وايد حلو ..

نجيب فرشة الشدو العادية .. وناخذ الشدو بدرجة اللون الأزرق الرمادي الباهت ..

بس شوي وخفيف .. علشان يقلل من حدة وبروز الكحل السائل الثقيل ..

ونرسم رسم خفيف يصير على خط الجفن المتحرك ..

وبريشة الشدو .. ندمجه شوي مع الكحل السائل ..

(( ملاحظة : بنات أحياناً تحسين أنهم ما يندمجون لأن الكحل السائل جف وثبت

واللون فاتح صعب يندمج .. جيب شوي شدو رمادي غامج .. وأدمجيه ويا الكحل والشدو ))

وبعدها نحط البلاش ونحدد الخشم ..

أنا أشجع طبعاً لون البلاش المشمشي .. لأن أحلى وأكثر لون يضبط ويا أغلب الألوان ..

ونشيل الباودر بريشة مثل ريشة البلاش الكبيرة بلسمات خفيفة ..

طبعاً يا خسارة كان ودي يبين الخشم بس تعرفون قوانين المنتدى ..

ونحط الروج الأحمر ..

وهذا هو درس المكياج الدارج عندنا بالكويت هالأيام ..

الروج الأحمر مع الكحل الأسود الثقيل ..

أنا طبعاً وايد عاجبني وحابته ..

بس الناس أذواق .. في بنات تحس أنه أوفررررر ..

فحطيت لكم طريقة .. وأهي الاستغناء عن الكحل أسفل العين ..

وتغيير لون الروج .. حسب اللون المفضل ..

أتمنى عجبكم الدرس ..

والقادم أجمل بإذن الله .. :1_3:

بس شرايكم بأصولة .. <<<<< مدلعة نفسي ..