ازيكم يا عرايس
هتكلم معاكم المرة دى عن ديكور الفرح وازاى ممكن نخلية في افضل شكل ممكن وبأقل التكاليف والامكانيات بحيث ان تكون المناسبة سعيدة فعلا وعلى ذوقنا ومن غير ارهلق مادى
لو الفرح في البيت
اول حاجة هنعملها هنلم عفش البيت كلة ونخزنو في اوضة او نحطة عند الجيران وبعدين هندى الحيطة وش بوية نضافة وانا قبل كدة نزلتكم موضوع اننا ازاى ندهن الحيطة بنفسنا
وبعد كدة نبدأنفكر في تفاصيل الفرح من اكل واضاءة والورود وغيرها
بالنسبة للأكل
بما ان المكان مش واسع يبقي مش هيكون في اكل هنعمل ترابيزة مدورة هنحط عليها مفرش لغاية الارض يكون ستان وعلية تورتة العروسة ممكن تكون دورين وهنحط كرسيين للعروسة والعريس ممكن يكونوا كراسي البيت ونغطيهم بقماش ستان
لاضاءة جميلة بدون تكاليف
الاضاءة مهمة جدا لانها بتفرق في شكل الصور وطبعا الصور الى بتقعد وبتكون ذكري لليوم دة فلازم نهتم بيها جدا
وبالنسبة للاضاءات فية دلوقتى زى ستارة نور موجودة عند الكهربائى وهبى عبارة عن مجموعة سلوك صغيرة فيها مجموعة من المبات الصغيرة في حجم الحمصة
ومش ضروري نشتريها ممكن ناجرها اهم حاجة يكون كل المبات لون واحد هنغطى بيها كل حيطان البيت
الورد لون واحد
ايكد بما اننا بمناسبة سعيدة يبقي لازم يكون فيها ورد وانا شايفة ان الاشيك والاجمل اننا نوحد لون الورد الى هنحطة كلى فعلى سبيل المثال لو المناسبة فرح ممكن لون الورد يكون احمر ومعاة خضرة لونها اخضر ونحط بوكية ورد بين الكرسيين بتوع العرايس
وممكن في الحالة دى نخلى لون الكرسيين والترابيزة اللى عليها التورتة والمفرش كلهم لونهم ابيض
بوكية الرود من صنع ايدينا
فابلنسبة لبوكية الورد ممكن نعملة لنفسنا فهنشتري نوع من الاسفنج المخصص لبوكية الورد اسمة اويزيز بيكون لونة اخضر
بنجيبة ونحطة في مية وبعدين نصفية وبعد كدة بنحطة في طبق زجاج او فخار ونبتدى نغرز فية الوردة والخخضرة بتاعتنا بطريقة عشوائية وعلى زوقنا وبالالوان الى احنا بنحبها
صوانى الفرح
بالنسبة لصوانى الفرح ففية صوانى للشربات والشيكولاتة والحلويات
فبالنسبة للى هنقدم فيها الشربات هنزوقها بشرائط لونها احمر وابيض وهنفرد ورد على الصينية من فوق قبل ما نحط الكوبايات وياريت يكون لون الورد احمر وبعدين نحط كاسات الشربات الحمراء
اما صوانى الشيكولاتة فممكن ان تكون ملفوفة بورق احمر واخضر
علشان الفرحة تكمل
علشان فرحتنا تكمل وكل الناس تعرف اننا عندنا فرح لازم برضو نزوق مدخل العمارة والسلم لحد مانوصل لشقة العروسة وبالنسية لسلم العمارة هنزوق كل الترابزين بالقماش الابيض علية فستونات وطرف كل فستونة نحط بوكية
اما مدخل العمارة ففي شمع كبير بيتباع هيتحط على المدخل
وهنعمل كل حيطان المدخل بنفس فروع النور اللى جوة البيت
وممكن كمان نزوق البيت من برة ونحط زينة على البلكونات والشبابيك علشان كل البيت يكون فرحان
كل الكلام دة بالنسبة للفرح لكن لو المناسبة خطوبة او قراءة فاتحة او حنة ممكن نعمل نفس الديكور دة مع مراعاة او لون الورد والقماش يكون متناسق مع لون فستان العروسة وكرافت العريس
لو الفرح في اوتيل
وطبعا فية ناس كتير بتفضل ان الفرح يكون فية اوتيل رغم التكاليف العالية بتاعتو وانا رائي ان اهم حاجة في الفرح هى الزفة وصورة الفرح لان دى اللى بتقعد العمر كلو احنا ممكن نختار احد الاوتيلات الفخمة ونتفق مع الاوتيل اننا هنأجر اوضة في الاوتيل والعروسة هتلبس وهتتصور في اى قاعة في الاوتيل وبعد كدة يتعمل زفة على سلم الاوتيل يحضرها الاصحاب القريبين وتوزع فيها الشيكولاتة كل دة بيحصل في خمسة واربعين دقيقة بس وبعدين نخرج اى مكان يجمعنا سواء ونقضي يوم لطيف ونكون خدنا مميزات الفرح الغالى من غير تكاليف
[IMG][/IMG]
والف مبروك لكل العرايس
الله يسعدك ياارب ويووفقك دنيا واخره
واليووم شفت قنااه مرره حلووه اسمها مسايا فيهاا حاجات كثيره عن الاعرااس وجدااا مميزه
وفعلا قناة مسايا بتجيب افراح و منظمى الافراح او بمعنى اصح كل مايخص المناسبات السعيدة
عقبال الجميع ان شاء الله
تــســـلـــم أيــــــــــدج عــلـــى هـــالــــمـــوضـــــوع الــــرائـــــــــع……….
والله يـــعـــطـــيــج الـــصـــحـــة والــــعـــافـــيـــة ………
في انـــتـــظـــار أبــــــــــداعــــاتـــــك الـــــقــــــدمـــة……..
دمـــتـــــي بـــــــــود …….
يسلمووووووووووو ايديكي يا حبوبة
http://forums.3roos.com/showpost.php?p=14674754&postcount=262
