ذكرى زواجي الاول

في البدايه كنت مخططه اني اسوي الليلة بره البيت بس ما كنت عارفة وين اروح بعدين قررت اني اسويه في نادي الشرع البحريني .. واللي شجعني اكثر اختي ام ملاك في تقريرها لرحلتها الى النادي

المهم قبل بفترة رحت المكان وحجزت وبعدين مخمخت وافكر بترتيبات ..

بنفس اليوم كنت حدي مشغوله :struggle:

سيارتي كانت فيها مشكله بالهرن وكنت لازم اصلحها وما اقدر اوديها اي كراج لانه بالكمبيوتر ..
ولا اقدر اوديها الوكاله لانه بتطول اهناك وبيصموني بالسعر هههه :worn_out:

فكنت ادور كراج يفحص بالكمبيوتر لين ما لقيت في عز الظهر يعني كانت الساعة 2 الظهر :hysterical:

وتوكلت على الله وتصلحت على الساعة 3 وفي دربي مريت على تاجرة من منتدى ثاني تبيع ابجورة بيوتي ستار فرحت ريحت شوووي وشريت الابجوره مسكينة كانت حبوبة وايد ..

وبعدها على طول توكلت على الله إلى الصالون اسوي حلاوه ومنكير بدكير .. وخلصت على الساعة 5 :clock:

اتصلت في زوجي علشان اتأكد متى بيطلع من الدوام وكنت عارفة انه بيطلع الساعة 1 بالليل او 12 بس حبيت اتأكد جان يقول لي بطلع على الساعة 9 :I:

عيني طلعت على بره هههههههههههه .. قلت له اوكي وعلى طول البيت اجهز الاغراض واسبح واستشور شعري بهذا الاستشوار ( خوش استشوار سريع )

وقبل لا استشوره على ما اجهز الاغراض خليت شعري ينشف وحطيت في جسمي كريم من بدي شوب ريحتة عجيبة كأنه بيبي ..

ولبست هذا الفستان طبعاً في اللبس احلى بوايد

وبما انه قصير وعبايتي مفتوحه فلبست بنطلون تحت ههههه شكلي يضحك :-#

ولملمت اغراضي وانطلقت في حدود الساعة السابعه .. إلى النادي

وقبلها مريت على اسواق 24 ساعة اشتري خرابيط :p

واول ما وصلت قلت له عندي حجز باسم ………….. يقول لي لحظة ويشوف اللستة جان يقول مافي حجز … اقول له ما يصير انا حاجزه والصبح بعد اتصلت يقول لي لا مافي انقهرت وعصبت عليه … قلت له انزين اللحين في شاليه او لا .. ما ابي اتعطل 😡

يقول لي لا مافي غرف انقهرت علية قلت له خلاص بمشي جان يقول مو مشكله بشوف لج .. والعيار كان فيه شاليهات وايد بس مو راضي يعطيني .. وبعد ما عطيتة البطاقة جان يقول لي امم انتي مواليد 83 انا في فكر انتي عمر 16 سنه …. علشان جذي ما رضى يعطيني شاليه فكرني بيبي ( علشان شكلي بيبي فيس )

عطاني شاليه رقم 12 وعلى السريع اروح ارتب المكان لانه تأخرت ..

هذي الافتة مالت المكان

اهنية الارشادات

هذا مدخل الشاليه

وانا انفخ البالون وكل شوي يتبططون لانه بسرعة بسرعة

حتى الورد قطيته على الارض كان في بالي اكتب كلمة احبك بالورد بس ما صار جانس

هذي صوره التواليت

هذي صورة الابجوره شريتها من الانوار وعجبت زوجي واااااااااااااااايد وااااايد كل دقيقة يسألني عنها ..

واهنية التلفزيون بس بتشوفون العفسة لاني صورت يوم بنطلع

هذي شمعه مع حبي

الطاوله اللي ما صار وقت اني ارتبها

واهنية قبل لا احط الشرشف

زوجي طبعاً استانس بالمكان وعجبه خصوصاً البحر وبركة السباحة .. بس ما قدرت اصور لانه كان ليلة جمعة كان فية عوائل فما قدرت اصور ..

وطبعاً رحت له وقلت له انه اليوم نفسي اروح بلاج الجزائر قال لي احد يروح اللحين شتسوين اهناك قلت له انت ودني ولا عليك .. ووداني بالهندي بط جبدي قال لي انت فيه مفتاح زوجي شك في السالفة هههه

وهذا ولدي بسبوس يسلم عليكم

واذا عجبكم الموضوع قيموني وربي يخلي لي زوجي وولدي ويهديهم يارب

وعليكم بالعااافيه والله يهنيكم يارب

وولدج حبييييييته ههههههههه

بس بغيت اسألك قبل بكم حجزتي شاليه في نادي الشراع ؟ و يصير نحجز في نفس اليوم ؟؟ و ممكن تدزين لي الرقم عالخاص لان شهر 8 بكمل سنة

و هل عندج اشتراك في النادي ؟ انة عندي بس بيسألون و الا عادي بدون اشتراك ؟ \

و تحجزين الشاليه ليوم كامل عادي ؟

يعني يصير احجزه الصبح و اروح ارتبه و جذي و الليل اروح مع زوجي ؟؟

ادري ثقلت عليج بس تحمليني ههه

و الله يهنيكم