## رحلتي لقرية التراث بدبي ## ما بتندمون حياكم "" 2024.

السلام عليكــم و رحمــة الله و بركــاته ..

شحالكـم بنووتــات عرووس ..؟؟

من فتــرة ظهرنــا ظهرة تراثيـــة غاية في الرووعــة .. ركبنــا العبرة و مرينــا علـى دبـــي كلهـا ..

كانت رحلتنــا أنا و زوجــي و أخته و خواتـــي لـــ (( قريــة التراث )) بــدبي ..

اترككـــــم مع الصور // و على فكـــرة ترى الصور حصريــة لعروووس لا غير

مدخل القريــــة ..

أول ما تدخلون تحصلون خيمــة كبيرة من العريش .. حلووة لجمعات الأهل فالماضي

من الداخــــل ..

بعدها مشينــا في انحاء القرية لين وصلنا لعنــد حرمــه كبيرة في السن و تسووي الــ (( اللقيمات )) و (( خبز الرقاق )) // و طبعا مستحيل ما نطلب من عندهــا :012: ..

اللقيمـات ..

طبعا اللقيمات كانت مسويته من قبل // اللهم حطته لنا في صحن و حطت عليه (( الدبس )) .. و اعواد الاسنان عسب ناكل فيهم ..

حياكـم اقربوا ..

زوجـــي و هو يقدملي اللقيمــات ..

و أنا ماسكتها عسب آكلها .. كان طعمها يمييي ..

و بعدين طلبنه منها الــ (( خبز رقاق )) و كل واحد حر بختياره بمكونات الخبز من بيض و جبن ..

خبزتي كـان فيها بيض و جبن بس // بصراحه ما عجبني وايد حسيته كله عجيين

هذي صورة أحد المطاعم اللي هناكـ // و كلها مطـله على البحر و اكلاتهم السي فوود ..

و صلنــا للجزء اللي أحبــه مووت // و هو ركوبنا للعبره كشخة كانت الرحلة ..

العبرة من الداخل ..

زووجـــــي فديتــه

اهنيه خلص البترول اللي فالعبرة // و اضرينا نوقف في محطة البترول الخاصة بالعبرات // تجربة حلووه ..

لقطــات من البحر // الصور مب واضحة وايد بسبب الظلام

و بسس // خلصت رحلتنا اللي استمتعت فيها كثير .. و ان شاء الله اكون امتعتكم معايا

اذا عجبكم المووضوع لا تبخلوون عليــه بالدعاء لي و لعيالي و زوجي // اللهم احفظنا من كل عين حاسده و من كل شر يارب ..

ماشاء الله تقرير رائع

و رحله أروع

بالعافيه عليكم

و ربي يحفظ زوجج و عيالج و يخليهم لج

كان ودّي أقيمج بس توني مقيمتج