رديت من السفر وشقتي 2024.

مرحبا بنات اشحالكم ان شاء الله انكن تكونن بأتم الصحة والعافية
فديتكم انا رديت من السفر وصار في شقتي تسريب من المكيف والشقة كلها مااااي :-#:hysterical:
والشقة موكيت المهم جبنا اصحاب تنظيف السجاد وشفطو الماي الحمد لله بس بقى شوية ماي يعني شرات الرطوبة كدية وبس فديتكم فيه ريحة الله يكرمكم ريحة عفن عفن والله ماعرفت وش اسوي
وعملت دخون ومعطرات في الشقة بس بدون فايدة الرائحة قوية وااااااااااايد وش اعمل فديتكم الي عندها طريقة ارجوكم ساعدوني تراني محبطة والله
كنت جاية من السفر مبسوطة ومستانسة رديت اكتائبت😮 والله الله يعين بس
اتريا ردودكم الله يعطيكن العافية

الله يعينك ..!!

ما فيه احسن حل من انك تغيري الموكيت .. وتفرشيه من جديد .. واحرصي انهم يجففوا الارض قبل ما يفرشوها مره ثانيه ..

وحاولي تدورين على مكان العفن وين .. ونظفيه .. او جيبي شركة تنظيف وهم ينظفوا البيت من اوله الى آخره ..

مشكورة يالغلا ام علي بس انا جبت شركة تنظيف الموكيت بس هم مانظفوة بس شفطو الماي الي فية بدون مايشيلوه لاانه ملصق بغراء مدري عنهم ماشالوة قالو خلية مكانه بس بنشفط الماي من فوق
مدري والله وش اسوي محتارة

العفن مب بمكان مخصص العفن طلع من الماي ريحت الماي لاانها لها مدة طويلة شكلها من على ماسافرنا لين مارديت عسب كدية العفن طلع

العفن اذا جاء الموكيت اعتقد مافيه حل غير انك تغيري الموكيت وتريحي نفسك او تغسليه من جديد ويتعرض للشمس اتمنى اكون افدتك

الحل طلعي الموكيت حتى لو كان لاصق بغراء وعرضيعا لا شعة الشمس ولو تغسلينها افضل عند اللي يغسلون الموكيتات واغسلي مكانه ونشفيه الريحه بسبب الماي لانها ماتعرضت للهواء ومانشف اتمنى افدتك,,,,,,,,,,,,,,,,تقبلي حبي واحترامي
أختك/متحدية الصعاب

اعتتتتتتتتتتتتتتتتتتتتتتتتقد مافي حل الا ينشف بالشمس بس بعد ماتودينه يغسلونه

الله يعينج

بطلي النوافذ طول الصبح الى المغرب >>طول مال الشمس موجودة كل يوم بتروح الريحة لين صادها الشمس

اقتباس

المشاركة الأساسية كتبها زيزنوف

	طبيعي حبيبتي بتطلع ريحه لان الماى اتشفط بس بدون مايغسلون السجاد بالصابون انصحك تجيبين شركه تنظيف مره ثانيه ويغسلونه لك بالصابون ويجففونه بالبخار وانشاء تختفي الريحه بالمره

مشكورة اختي بس اقدر اخليهم يغسلونه بدون مايطلعوة من الشقة يعني