أسعد الله صباحكم بالنور و السرور…
جيت و جبت لكم معاي خبزة خطيرة… أنصحكم إنكم تجربونها ل 4 أسباب، سهولتها و طعمها و ريحتها و أخيراً شكلها اللي بيخلي الكل يسألكم، من أي مخبز اشتريتوها؟ 
في البداية بعطيكم معلومة عن ال Herbs de provence
هي عبارة عن مجموعة من الأعشاب العطرية المجففة اللي تنمو في منطقة البروفانس في جنوب شرق فرنسا…
و هذي المجموهة تتكون من الزعتر البري، الريحان، اليانسون، الميرمية، الخزامى، إكليل الجبل، النعناع، المردقوش، الطرخون و بشر البرتقال… يمكن في مسميات بعضكم لأول مرة يسمعه، لكن ما يهم…
إذا ما توافرت هذي المجموعة عندكم، حطوا اللي متوفر… مثلاً أنا حطيت زعتر بري، ريحان، بقدونس، إكليل الجبل و عندي تشكيلة أعشاب إيطالية أضفت منها شوي…
ما أطول عليكم، نبدأ بسم الله…
المقادير:
ملعقة صغيرة سكر
ملعقة كبيرة خميرة فورية
كوب ماء فاتر
ربع كوب زيت زيتون
ملعقة صغيرة ملح
ملعقة كبيرة أعشاب de provence الفرنسية أو الأعشاب اللي متوفرة عندكم
2 و نص كوب طحين
في البداية نخلط السكر و الخميرة و الماء و نتركهم 10 دقايق عشان تتفاعل الخميرة…
بعدين نضيف عليهم باقي المقادير، لكن الطحين لا تضيفونه كله مرة وحدة!
أضيفوا بس كوبين و خلّوا الباقي على جنب…
اعجنوا المقادير مع بعض و إذا حسيتوها تحتاج طحين، زيدوا عليها بالتدريج من المقدار اللي رفعناه…
العجينة لازم تكون ما تلزق باليد، لكن بنفس الوقت تكون لينة مو ناشفة و قاسية…
اعجنوها عالكاونتر لمدة 10 دقايق لين تصير مطاطية و ملساء…
الحين حطوها في وعاء عميق و غطوها و خلوها تخمر لمدة ساعة… بعد ما تخمر انتبهوا تعجنونها مرة ثانية، بس اضربوها بالنص و ارفعوها و شكلوها على شكل رغيف اسطواني… أكيد بتقولون العجينة صغيرة و مقدارها شوي، لكن لا تستعجلون، بعد ما تخمر حجمها بيتضاعف كثير…
بعد ما تشكلونها حطوها على صينية فرن مرشوشة بالطحين، و جيبوا سكين حادة و اقطعوا من فوق خطوط مايلة و غطوها و اتركوها تخمر بعد من نص ساعة إلى ساعة…
طبعاً قبل ما نخبزها لازم نحمي الفرن على حرارة 400ºF/200ºC، و قبل ما ندخلها الفرن نبخ وجه العجينة بالماء، أو ندهنه بالفرشاة…
الحين نخبزها لمدة 25 دقيقة في الرف اللي في الوسط عشان نتفادى إنها تحترق من تحت لأن الحرارة عالية…
و هذا شكلها بعد ما طلعتها من الفرن… طبعاً ما يحتاج أقول شي الصورة تتكلم…
إذا قدرتوا تقاومون، خلوها تبرد شوي بعدين قطعوها شرايح مثل التوست…
انتبهوا تغطونها و هي ما زالت دافية، بعدين القشرة الخارجية تصير لينة و تفقد قرمشتها!
و لكم مطلق الحرية في طريقة االتقديم، ممكن تاكلونها لحالها أو مع جبن، أو تدهنون الشرايح بالزعتر و زيت الزيتون، أو تغمسوها بزيت الزيتون و خل البلسميك مثل مقبلات المطاعم الإيطالية…
أو حتى تسوونها مثل البيتزا، تصفون الشرايح في صينية فرن مدهونة بزيت زيتون و تحطون عليها حشوة البيتزا من صلصة و خضار و جبن، و دخلوها الفرن بس تتحمر من تحت و يذوب الجبن و استمتعوا بالطعم اللذيذ 
إن شاء الله عجبتكم و بالعافية مقدماً 
㋡
:
ماشاااااااااااااااااء اللهـ تباااااااااااااااارك الرحمن ..×؛×
و ربي جنهـ جاهز خخخ …×؛×
مبين من شكلهـ انهـ روووووووووووووووعهـ ..
يممم يممم …^؛^
تسسسسلم الايادي ام راشد ..
و تستاهلين تقييم بو 5 نجوم لووول …(:
.
:
❤ آستغفر الله الذي لآ إلهـ إلآ هو الحي القيوم … وآتوب إليهـ ❤
تسلم ايدك وعيونك مشرفتنا الغاليه
كان نفسي اقيمك بس الميزان رفض..
تقبلي مروري
تسلم ايدك حبيبتي ويعطيك الف عافية وماننحرم منك يارب
تسلم هاليدين
شكل الخبزة جنان
تستاهلي أحلى تقييم
مروركم أسعدني و نور الصفحة F:
 |
اقتباس |  |
 |
المشاركة الأساسية كتبها شُۄقِڼْ فِ? ڂَفُۄقِ?  |
 |
 |
| ماشاااااااااااااااااء اللهـ تباااااااااااااااارك الرحمن ..×؛×
و ربي جنهـ جاهز خخخ …×؛× مبين من شكلهـ انهـ روووووووووووووووعهـ .. يممم يممم …^؛^ تسسسسلم الايادي ام راشد .. و تستاهلين تقييم بو 5 نجوم لووول …(: |
||
 |
 |
الله يسلمج حبيبتي…
شفتي شلون، حتى أنا لما سويتها أول مرة استانست عليها… شكلها ما شاء الله يطلع مضبوووط 
اني ابد مايضبط وياي الخبز ههه
بس راح اجرب هالطريقة وان شاء الله تضبط
الله يسلم هالايدين اللي ما بتقدم الا الحلو
ويعطيكي الف عافيه
بجد شكلها يجنننننننن واحلى من شغل المخابز
عيني عليك بااااارده
الله يسلم ايديكي الحلوين ويحرسك ويحميك