من يومين تقريبا و انا رادة من قطر الحبيبة و هذي اول زيارة لي لهالبلاد الغاوية 😎
بس للاسف مامداني افتر فيها عدل 
لان ريلي كانت عنده شغله هناك مال يومين و بس ..!!
المهم رحلتنا كانت ع القطرية و هذي اول مرة صراحة اركبها
بس شو خيال طلعت الطيارة :rolleyes:
شي جدا راقي و مرتب
بس اللي ما عيبني فيهم ان مواعيدهم شوي مش مضبوطة :ss:
يعني في السيرة اخرونا نص ساعة
و ف الردة جدمونا !!!!!!!:eek:
مادري ليش
بس المهم طلعت الطيارة غاوية ماشاء الله:wink:
المهم وصلنا الدوحة اخر الليل
و ابتلشنا بالفندق لان ما كنا حاجزين من الامارات :ss:
ف قعدنا نفتر بهالفنادق ليما حصلنا في الفور سيـــــــــــزن 
و بصراحة هالفندق لو انه غالي شوي بس سعره فيه ماشاء الله..!!:rolleyes:
لا و الصدفة الحلوة ان طويل العمر فـــــــزاع اللي هو حمدان بن محمد بن راشد ال مكتوم ولي عهد دبي الله يطول بعمره كان ويانا ف نفس الفندق 
لانه معزوم على عرس ولد الامير >>بالبركة عليهم ان شاء الله (^)
و عقبال ما نفرح ب فزاع و اخوانه ان شاء الله
المهم
اليوم الثاني عقب ما خلص ريلي اشغاله
رحنا سوق واقـــــــــــف…
و بصراحة واااااااايد عيبتني فكرة هالسوق (y)
لا و عليه اقبال مش طبيعي من الاجانب و العرب ما شاءالله
لا وشفنا مذيع شاعر المليون العامري كان هناك يتمشى وياربعه
يلسنا نتمشى فيه لين 9 (o)
و عقبها سرت اللاند مـــــــــــارك
من كثر ما اسمع بنات المنتدى يطرونه قلت الا اسيره و اشوف هاللاند مارك !!
بس للاسف ما مداني اتسوق فيه لان المحلات ع ال 10 تسكر و نحن روحنا يايين متاخرين !!(a)
المهم عقب ما سكرت المحلات سرنا السينما و حضرنا ((رضا كده ))فلم مصري
كوميدي بحت !!
و رجعنا من بعدها الفندق
و اليوم الثاني اللي هو يوم السفر نشينا من الصبح و سرنا فيلاجــــــــــيو :rolleyes::cool:
آآآآآآآآه من الفيلاجيو يا بنااااااااات !!!!!:rolleyes:
شي مش طبيعي !!!!!!:rolleyes:
مول قمة ف الخيال و الجمال تبارك الرحمن !!(*)
امسواي المركز على طراز فينيسيا !!
اول ما تدخلينه تلاقين جدامج نهر
و المحلات كلها على شكل فلل اوروبا
و السقف عليه رسمة غيوووووووووووووم
بس صراحة امسواي بشكل جدا متقن (y)
يعني باين انه شغل محترفين !!
و حتى المحلات اللي ف هالمركز وايد حلوة (i)
دشيت ماك (f)
و كلما دخلت قطرية
اتخيلها انها وحدة من بنات المنتدى !!!!!
ههههههه
لا و بعد اقول في خاطرية اكيد هذي فلانة و لا علانة !!!
اعدد بالاسامي بعد !!:o
هههههههههه
المهم
طلعت حرتي ف فيلاجيو
و ع المغرب اتوكلنا ع المطار و وصلنا البلاد اخر الليل
و صح كانت زيارة قصيرة
بس استانسنا فيها صراحة
بلاد تهبل ما شاء الله
بس شوي غالية !!!:o
هههههه
لا وبعد لاحظت شي
شبابكم مغرمين بالاستيشنات !!!!:wink:
هههههههههه
الله يحفظهم فيها يارب
و بناتكم ماشاء الله محتشمات و فيهم وقار تبارك الرحمن
المهم خواتي اوعدكم بزيارة ثانية ان شاء الله
بس اتكون اطول عن جذه
عشان يمديني الف قطر الغالية كلها ان شاء الله…..:wink:
كاان ضيفتكج في بيتي عااد تصبرين عن زووجج خلية يناام في فندق وانتي تعاالي عندي حق السواالف والطلعاات والتمشي والتسووق
والاحلى اعرفج على بناات خاالتي واايد يحبوون العرب وشرححين وبيرحبوون فيج
ولااجاان وديتج لجدتي حق الضحك ماايحتااج وتعليقاات روووعه
عااد شووفي زياارتج الثاانية لقطر لازم تكوونين عندي
موو تقووولين استحي احنا خواات
والله الشااااهد ان كل بناات المنتدى اعدهم خوااتي بالضبط
وتقبلي مروووري
حياج الله .. تعالي قعدي اسبوع طلعي كل اللي بخاطرج
قطر وااااااايد حلوه وجميله وفيها اماكن حلوه
بس الجو هاليومين حااار .. الظاهر بدى الصيف عندنا
أهم شي أستانسي وغيرتي جو ..
بس خسارة يومين ما تنفع ..
المرة الجاية نبيها زيارة أطول من جذي ..
بس عطينا خبر عشان ندليج الاماكن الحلوة
حياج الله
ونورتينا
وكررري الزياره
بس حسافة انج تميت يووووومييييييييييين
مره ثانيه ان شاءالله
هههههههههههههههههههههههه
تسلمين الغالية ع الدعوة الطيبة
و الله يشهد انه في خاطرية اتعرف على قطرية ازورها و تزورني
و ان شاء الله اكرر الزيارة ف اجرب فرصة ….
سحــــــــــــابة حب ..
هي و الله ياختي صدقتي شكله الصيف ياي ف الدرب …!!
و صح لسانج قطـــــــــــر ما عليها زود ما شاء الله….
ديووووووووور قطـــــــر…
اللله حيــــــــــــــــج الغالية
و ان حدرت المرة الياية بعطيج خبر عسب ادليني اكثر..
الـــــــــــورد 99…الله يحيييج الغاليــــــــــــــة
شيختهم مجننتهـــــــــــم …..
الله يحيييج فديتج
و الله الدوحة منورة ب اهلها …
و تسلـــــــــــــمون فديتكم ع الــــــــــردود