عزيزتي العروس اول شي الف مبروك
الزواج ومنه المال ومنج العيال..:smile:
شفت في المنتدى انه كل وحده تختلف
عن الثانيه في تجهيزاتها(الزهبه)وهذا طبعاراجع
لذوق العروس وميزانيتها فقلت ليش مااسوي
موضوع تكتب فيه كل عروس ميزانية زهبتها
وكيف قسمتهاعلى البدل وقمصان النوم …الخ
وفستان العرس كم كلفها،،،والكوشه والصاله
عشان الكل يستفيد واللي عندها ميزانيه
ومحتاره كيف تقسمها بتقرا ردودكم وبتستفيد
يلا همتكن ياعرايس..:smile:
بنااااااااااااااااااات:rolleyes: وين التفاعل مب شرط العرايس حتى اللي عرسوا يعني المتزوجات حاليآ قولولنا كم كانت ميزانية الزهبه وكيف قسمتيها؟؟حد المعرس يعطيها 100الف وحد50الف،،وانا من رايي الوحده تاخذ من الزين بس ماتبالغ في المشترى مثال فساتين السهره 2 او3 زين عشان ماتنتهي موضتهن ولا تمتن عليهن ويطيحن في جبدها ولا شورايكم..؟؟
تبين الصراحة اختي اول ما قريت العنوان قلت اكيد بحصل ردود كثيرة و خاصة انه يهم البنات المقبلات على العرس …لكن في الحقيقة انصدمت
……..و انا كان ودي اساعدج لكن للأسف مااقدر لاني بعدني على قولتهم ( لسة مش على وش جواز) …ان شاء الله نتريا الردود و ناخذ خبرة منهم …
و سامحيني اختي……..:shy:
السلام عليكم ورحمة الله وبركاته
ان شاء الله كل البنا يتفاعلون معاك و ما حد بيقصر
و يمكنك الاطلاع علي الموضوع التالي
اختج ميثاني
اختيه عنود الصيد .. الزهبة بشكل عام انتي تقسمين ميزانيتها .. يعني كل شي حسب حاجتج انتي .. وحسب كم بتصرفين عليها ؟؟ يعني انتي كم حاطه حق الزهبه .. ؟؟
على هالأساس توزعين ميزانيتج .. واذا عندج قيمه معينه حطيها ويمكن نقدر نساعد ونفيد .. 🙂
إن شاء الله الباجي بيوون في الدرب …
وأنا والله بعدني ماعرست … ولا ودي أني أفيدج …
[ALIGN=center]
:smile:حياكم الله انا فعلآ اقصد مثل ماقالت حصه يعني اذا عطوج 50 الف كم حطيتي حق الفستان وكم حق المكياج وكم حق العطور وفرشة العرس كم كلفتج ومكياجك وتسريحتج كم خذوا عليها اريد هالتفاصيل واتمنى ان الكل يتفاعل تحياتي
للرفع
موضوع مفيد و مشكورة اختي على طرح هاذي الفكرة
وايدات محتاجات توجيه او توضيح بالنسبة لتقسيم بيزات العرس
تدرين الوحده من كثر الشئ اللي في بالها تحس انها متلخبطة
المهم بالنسبة لي
يوم الملجة يابولي هدايا من ضمنهم :
طبعا الشبكة و الي هي عبارة عن : ساعة + عقد + دبلة
ملابس اقصد قطع : حرير + قطن + مطرزات + شيل
عطور : عطورات عربية + عطورات فرنسية + خون و عود
المهم اني من ناحية هالاشياء تطمنت الاني ما بابذل مجهود اسير و ادور قطع او عطور
بس بشتري قطع حق المغربي و بعض الانواع من الموديلات اللي في بالي و ابالهم قطع معينه
و العطور يمكن بس ازيد عليهم بعض الخلطات اللي تنباع عند الحريم او حتى محلا ت العطور
بالنسبة للبيزات عطوني 50000+ 20000مهر
العشرين الف بيودهم
و الخمسين باقسمهم كالتالي
باحط عشرين للفستان
و الباقي باشتري فيه ذهب + الملابس الداخلية + المخاويير
:shy:
و تدرين مافي داعي للتكوييد من كل شئ بكميات لانه ما بيخلص الشئ من السوق و ماله داعي لانه بيكون كثير و كله يديد و مابيوحيلي البسه و بيتم لين فترة يديدد و بتنزل موديلات يديده
و الوحده ما تدري يمكن تحمل بسرعة فماله داعي للتكوييد
و مشكورة مرة ثانية على اثارة الموضوع