من وين اقدر اشتري شنط جديده وماركه مثل شانيل وجوتشي واسكادا وغيرهم بس يكون عن طريق النت اختار ويوصلونلي لين مكاني…؟؟؟؟؟؟؟؟؟؟؟؟؟
وشكرا
كتكوته نايمـــــه
حبيبتي سوري ماعندي فكره والله
بس اعتقــــــد احسن لو تاخذينهم من المجمعات يعني اضمــــن
مادري هذا رايي
واذا البنات يعرفون مواقع اكيد ما بيقصرون معاج
مع التحيه
بس ما عندهم شانيل و ديور….بتحصلين شنط كلوي و جيفنشي..و ملبري و ماركات ثانيه
eluxury عندهم ديور و فندي و لوي فويتون بس ما يسوون shipping حق الشرق الأوسط بس ممكن تسوينلج mailbox عند Aramex في أمريكا او بريطانيا يطرشونلج عليه ..
يعني لو تبين جوتشي دخلي موقع جوتشي واطلبي
وبخصوص جوتشي أظن انج من قطر فـ هو موجود في فندق الريتز كارلتوون بتحصلين ماركه جوتشي وفندي وبرادا وفالنتينو ولوي
وعليكم السلام ورحمة الله بركاته ،
أختي في موقع eluxury بتلاقين معظم الماركات بس ما أتوقع يوصلون للدول العربية أو الخليجية
لازم يكون عندك ميل بوكس في أمريكا أو تتعاملين مع شركة شحن توصل الطلب ،
أتمنى أكون أفدتك (f) ،،
لا تتوقعين إنك لما تطلبين جناط من برا بتطلع عليك أرخص ،
لااااااا ،،
يمكن تطلع عليك أغلى ، لأن فيه شحن ورسوم الموقع لما يوصل الطلبية ،
قبل فترة كنت أبي جنطة L V وكانت خالصة من الكويت ، فقلت أنا بطلبها من النت
بس لما بغيت أطلبها طلعت أغلى من سعرها بالكويت بحوالي الـ 30 دينار ،
الحمدلله ما طلبتها وشريتها ألحينلما توفرت بـ 166 دينار ،
وسعرها لما بغيت أطلبها من موقع الـ eluxury كانت تطلع بـ 200 إلا ،
هذا غير رسوم شحن الشركة للكويت ،
لذلك نصيحة لا تطلبين إلا إذا كان فيه سيل أو خصومات ،
أتمنى أكون أفدتك (f)