سؤالي في احد المنتديات وحده حاطه تجربتها عن خل التفاح هي واختها وان اختها صابها بقع بيضه في اماكن الاستخدام ولمن راحت لدكتوره جلديه قالت لها انه خل التفاح ياثر على صبغة الجلد الميلامين عاد هني صابني شوية قلق عن خل التفاح وكنت ابي اتاكد لاني على وشك اشتريه للاستخدام الخاص 0 لاي حد هذا الكلام فيه من المصداقيه
تحيتي واحتراامي
مرحبا اختي
من المعروف ان لخل التفاح خاصية تفتيح البشرة إذا استخدم حسب الضوابط والي وضحتها الاخت بنت عذاري من قبل وموجود بملف وصفاتها الي بركنها
لكن اي حاجه نسيء استخدامها تحصل نتائج عكسيه
ونصيحه عزيزتي الشي الي تتخوفين منه مافي داعي تغامرين وتجربينه وانتي مو مقتنعه ويتم كل بشره تختلف عن الثانيه
يزاج الله خير اختي وما قصرتي بردج على استفساري
انا مقتنعه اختي يمكن غلطت بالتعبير في الكتابه وكل اللي كنت ابيه اني اكون على علم بما انا رايحه استخدمه
وكلي يقين ان اي شي يستخدم بطريقه غير صحيحه اكيد راح تكون عواقب
ممكن توضيح اختي هي الاخت بنت عذاري وصة على ان الخل يكون مخفف بدرجة 5%
شلون ؟ يعني كم من الخل وكم من الماي؟
يزاج الله مره ثانيه ويارب يحقق لج اللي ببالج
اهلين اختي
لما تشترين الخل لازم تقرين الملصق الي عليه
وتتأكدين ان مكتوب خل تفاح طبيعي ودرجة الحموضه 4% أو 5 % بس مو اكثر
والمقدار للجسم يكون لكل مقدار خل مقدارين ماي ورد
يعني كوب خل وكوبين ماي ورد
وموفقه