سلااام عليكم أمهات،،،
طبعا انا جديدة في حياة التربية والأمومه، وبما اني توني والدة ولدي طبعا يرضع طبيعي وهذا يعني الأكل الي اني آكله يأثر عليه، وهو كله معاه غازات احترت شنو الأكل المناسب الي لازم أكلة والأكل الي لازم ما آكله. طبعا أكيد كثير من الأمهات الي يرضعون يعانون من غازلت اولادهم .
والحين ابي من الكل الي يعرف أكل يأثر على البيبي في غازات بطنه تكتب الينا ونستفيد.
طبعا انا جديدة في حياة التربية والأمومه، وبما اني توني والدة ولدي طبعا يرضع طبيعي وهذا يعني الأكل الي اني آكله يأثر عليه، وهو كله معاه غازات احترت شنو الأكل المناسب الي لازم أكلة والأكل الي لازم ما آكله. طبعا أكيد كثير من الأمهات الي يرضعون يعانون من غازلت اولادهم .
والحين ابي من الكل الي يعرف أكل يأثر على البيبي في غازات بطنه تكتب الينا ونستفيد.
وانا راح ابدأ بالي اعرفه والباقي ابي همتكم معاي وخبراتكم.
انا اعرف ان (الخيار والبطيخ والربيان)
الله يسهل أمورك..
الي أعرفه ((الماء البارد و اللبن ))
أول مره أرد وأتمنى أفدتك ,,
حبيبتي بالعكس بعض الدكاترة يقولون لك ان المفروض تاكلين كل شي حتى الاشياء اللي تجيب الغازات حتى الطفل يتعود عليها من هو صغير وبعدين ياخذ مناعو منها وبالنسبة للغازات هاي مشكلة كلنا عانينا منها لان الياهل دائما تكون عنده غازات حتى من الحليب نفسه انا بالنسبة لي كنت اطي بنتي دواء عن الغازات اسمه بونيسان من شركة هيمالايا او كنت احيانا اسوي لها الحلوة عشان اشوي تطلع الغازات وشوي نفع معاها واتمنى اكون افدتج..
ياه كلنا نعاني صار لي يومين أعاني من مغص بنتي بزوده.. مع إني أحاسب على كل شي آكله… يقولون اللبن والبطيخ والروبيان كلهم يسببون الغازات وأنا الحين على قد ماحب الروبيان ماقدر آكله…
واسمع من ناس يقولون بالعكس أكلي كل شي يكون يتعود بطن الطفل عليه والله أعلم..
الطفل بالأكل وبدونه تجيه الغازات خصوصا في الثلاث الشهور الاولى اعطيه اشياء تخفف مثل اليانسون وماء الحلوة وتجنبي البيبسي والبقوليات واني احس البيض يؤثر على الطفل والله اعلم
حبيبتي الغازات امر لا مفر منه حتى لو تفاوتت حدتها من طفل الى طفل حاولي تعطينه ماي الحلوة و ماي النعناع وفي ادوية في الصيدلية تنباع اني استعملتهم حق ولدي (ريابال ودسفلاتيل) وانتي خففي من الاكلات مثل البطيخ والجح والربيان والخيار اللبن البقوليات البيبسي
حبيبتي المغص لابد منه …..يعني شلون تصيرين أم حقيقيه بدون ما تعانين خصوصا في الثلاث شهور الاوليه وبعدين بتخف الغازات تدريجيا ابتداء من الشهر الرابع ….فلا تحاتين واجد ….أزمة وبتعدي على خير
عن الاكل اللي يحتوي على غازات اني سمعت ان الملفوف والبصل فيهم غازات وطبعا البيبسي …..بس انتي حاولي تعطينه يوميا ماي الحلوة او ماي المرقدوش الخاص بالاطفال واذا ما يرغب فيه حطي فيه قطعة ( نباته) مثل قطع السكر لصغار عشان يحبه
هلا بك اختي حمدالله على سلامتك ويتربا بعزك ان شاء الله ..
بالنسبة للغازات كل طفل تجيه هالحالة طبيعي لان المعدة جديدة ..
انا مارضعت طبيعي وبنتي ذبحتها الغازات.. والدكتورة من يوم كنت بالنفاس عطتني نقاط للغازات
والحمدالله ارتاحت عليها
عطي ولدك نعناع ويانسون مفيد يطرد الغازات