آنا عضوة جديدة في المتدى وأتمنى أني افيدكم وتفيدوني، المهم أنا محتارة جدا وعفاكم الله تجاوبوني على أسئلتي واكون لكم شاكرة وأسئلتي كالتالي:
أنا أحب ممارسة الرياضة بس عندي سؤال آنا ماادري اذا كنت امارسها بشكل صحصح و الله لاء بقولكم طريقتي وانتوا ردوا علي اذا كانت صح والله وياريت بالمرة تعدولوني
اول شيء انا اقوم بعملية الاحماء وبعض التمرينات الخفيفة مثل الجري في المكان وغيره من التمارينات الخفيفة وبعد الأحماء الخفيف أقوم بالنط او القفز اهو المفروض بالحبل بس آنا ماعندي حبل فأقوم أقفز وآنا اتخيل أن عندي حبل وطبعا أنط 600 نطة 400 نطة بالقفز العادي الي اعني فيه أنه بالحبل و200 نطة نط مع الرجلين مفتوحتين. طبعا أرتاح بين كل 200 او 150 نطة.
آخذ تقريبا ثلث ساعة وبعدين الربع ساعة اقوم بالمشي في صالة البيت وأحرص تكون ربع ساعة لاني توني بادية هالأسبوع واشوي اشوي ابي ازيد. بعدها المشي اقوم بعمل تمرينات البطن وبعدها اعمل تمرينات للفخد عن طريق تمرين الدراجة.
بس ابي تفيدوني هل هي الطريقة سليمة ؟؟
ثاني سؤال آنا ابي امارس رياضة المشي فقط بدون التمرينات هي كلها لاني أتملل فهل ينفع وخصوصا انا ابي احافظ على رشاقة خصري وجسمي يعني هل رياضة المشي تغني عن كل هالتمارين لاني سمعت إني اذا تركت الرياضة لسبب ما يمكن يزيد وزني بزيادة واهم سؤال عندي إذا ماكنت اقدر اسوي رياضة المشي في الشارع اقصد برة اقدر اسويها في البيت لان عندي صالة كبيرة اقصد صالة البيت كبيرة واقدر اسوي رايح جاي او انتون تشوفون إن جهاز المشي يكون افضل.
أرجوكم أرجوكم ردوا علي بسرعة لأني محتاجة وايد وايد للأجوبة ..
وأتمنى ترحبون فيني كضيفة جديدة
غاليتي
طير البحرين
أحيي فيك هذي الروح الرياضية
عزيزتي
الرياضه شي مهم في الحياة ولو تعرفين أيش فائدتها للجسم
كان ماقلتي ولافكرتي إنك تتركينها
طبعا أهم شي إنك تحافظين على أكلك وماتكثرين من الدهون
غير كذا رياضة النط كويسه بس إنتي تنطين كثير
أنا أقول لو تخلينها جري مع تحريك اليدين وتستخدمين أثقال منفرده خفيفه
راح ترتب وتشد جسمك وبعدين المشي خارج البيت راح يخليك أنشط وماتحسين بالملل
وإذا كنتي بالبيت حاولي في كل مره تغيرين المكان أو الإضائه علشان تكسرين الملل
وغير كذا لازم تشربين مويا خلال الرياضه
إبدئي بكوب قبل الرياضه وبعد كل ربع ساعه ربع كوب مويا
ولاتنسين تكون معدتك فاضيه قبل عمل الرياضه بساعتين علشان مايسبب لك متاعب
وتتركين الجسم مركز طاقته على الرياضه
وياحبذا لو تجيبين شريط رياضي من المحلات الرياضيه علشان تتبعين الخطوات صح بدون ضرر..
أتمنى لك التوفيق
عذبة الأحساس ..
غاليتي
فهمت عليك يعني بنفس المكان تحركين رجلك كأنك تمشين
لا اللي أقصده هو الجري مو الرسيع مره لا الهروله في مكان مفتوح يعني في الحوش مثلا
تعرفين الأكسجين راح يكون أنقى والنفسيه تكون أفضل وماراح تحسين بالملل بالنسبه للتريدمن أو جهاز السير
الألكتروني هذا رائع جدا وفعال خصوصا للي ماتملك مكان واسع خارج البيت
وبعض الأجهزه مزوده بمؤقت زمني ونبضات القلب وحتى عدد الكالوري اللي يخسرها جسمك في هالوقت
أستمري والرياضه رائعه وصدقيني مع الوقت راح تشوفين جسمك راح يشد ويتغير كثير وأبدا لا تفكرين تتركينها
لأنها طريقك بإذن الله إلى الصحه والتخلص من الشحوووووم
تحيتي لك
عذبة الأحساس ..
غاليتي
طير البحرين
أحيي فيك هذي الروح الرياضية
عزيزتي
الرياضه شي مهم في الحياة ولو تعرفين أيش فائدتها للجسم
كان ماقلتي ولافكرتي إنك تتركينها
طبعا أهم شي إنك تحافظين على أكلك وماتكثرين من الدهون
غير كذا رياضة النط كويسه بس إنتي تنطين كثير
أنا أقول لو تخلينها جري مع تحريك اليدين وتستخدمين أثقال منفرده خفيفه
راح ترتب وتشد جسمك وبعدين المشي خارج البيت راح يخليك أنشط وماتحسين بالملل
وإذا كنتي بالبيت حاولي في كل مره تغيرين المكان أو الإضائه علشان تكسرين الملل
وغير كذا لازم تشربين مويا خلال الرياضه
إبدئي بكوب قبل الرياضه وبعد كل ربع ساعه ربع كوب مويا
ولاتنسين تكون معدتك فاضيه قبل عمل الرياضه بساعتين علشان مايسبب لك متاعب
وتتركين الجسم مركز طاقته على الرياضه
وياحبذا لو تجيبين شريط رياضي من المحلات الرياضيه علشان تتبعين الخطوات صح بدون ضرر..
أتمنى لك التوفيق
انا كلامي مثل الاخت عذبه الاحساس .. مااخلت شيئ ماشالله عليها .. بس انتي امشي وانتي وااقفه فهمتي .. كذا احنا في الرياضه نسووي وخذي الش الستب .. مره زينه .. للرجاايل والفخوود .. والله يوفقش