ابيكم أتساعدوني ابي ارتب غرفتي في المدرسه ومب عارفه شسوي اهي مرحله
ابتدائيه بنات يعني اتقيد بلون الوردي وله شسوي ابي افكار حلوه ادري انكم مابتقصرون
باي:wink:
حبيبتي انا من رايي ورق جدران اوفر وارقى وممكن اتحطين الوان فرايحيه يعني وردي وبحري واصفر والاثاث حتى لو حطيتي كل شي لون بيتناسق
*
اهلن اختي
اذا كان اساس الجدار ابيض والنقش اسود
حطو اطار (حزام)باللون اللي تحبوه كلكم على الجدار
واشترو مجموعه براويز بااحجام والوان مختلفه وحطوها كلها بجدار واحد
اختارو الاثاث باللون الاسود او الابيض ويكون ساااده
والستاره اسود وجلدو قزاز الدريشه بتجليد القزاز الملون
اما مفارش الأسره فخلي كل وحده لون
مثلاً
احمر
فوشي
بنفسجي
اصفر
فسفوري
برتقالي
ازرق
اخضر
وبعدين حطو قطع سجاد صغيره بنفس الوان المفارش وحطوها مخربطه عند نهاية كل سرير يعني مثلا اللي سريرها احمر تحط قريب منها السجاده اللي لونها ازرق وكذا
ولاتنسون تحطون مخدات صغار وملونه على الاسره وعلى الارض
و شي مهم الاضاءه كثروها وخلوها منوعه شي قوي عشان وقت الدراسه وشي خفيف للاوقات الثانيه
نجي للدولاب
حلو يكون الدولاب باب اسو د وباب ابيض وخلو بعض ابواب الدولاب منقشه بنقش ملون
واذا ماقدرتو اشترو استيكرات ملونه بدل النقش
اما طاولة الدراسه خلوها كبيره زي طاولة الطعام لكم كلكم
وحطو عليها علب للاقلام واكسسوارات الدراسه تلاقونها بسنتر بوينت اشياء مررره تجنن
هذا اللي قدرت افكر فيه وان شاء الله يعجبك ويعجب صديقاتك
واذا تبين اي توضيح او اي مساعده ثانيه انا مستعده
لاتنسيني من الدعاء:o
موفقه(f)
*
*
او انكم في زاوية الغرفة سووو تشيكيلة بورق الجدران او حركات بسيطه ، والطاولات حطو عليهم استكيرات ، طوابع ، يشبهه ديزاين الزوايا
وموفقين