مرحبا بنات
أنا أعاني من مشكلة الخطوط اللي تجي تحت العين كأنها تجاعيد
وتزداد المشكله لما أحط كونسيلر للهلات السوداء او كريم الأساس تبان الخطووط اكثر <<اتمنى فهمتو علي..
عشان كذا كتبت هالموضوع وانا كلي امل تساعدوني بكونسيلر يخفي هالخطوط..
وسؤااال أخير فيه أمل ترووح هالخطوط..!!!!
وشكراً مقدماً
في كونسيلرت عديدة بس في طريقة لتثبيته لعدم ظهور الخطوط او التجاعيد !!
لما تحطين الكونسيلر تاكدي من توزيعه بطريقة صحيحة وبعدها ممكن تثبيته بالبوردة بالطبطبة
وخاصة ان البودرة تخفي لما تتوزع بشكل صحيح !!
الطريقة الثانية جل خاص قبل الكونسيلر وهو يشد البشرة والتجاعيد حتى تقدرين بامان تحطين الكونسلير
بعطيك امثلة ممكن تجربي من بنفت هذا المستحضر…
اسمه
eye bright
وشكله مثل القلم
في من كلينك المشهووور حلوو ها الكريم للاسف ما اعرف ايش مشكلة الموقع عندي!!
اسمه all about ayes
يا رب قدرت افيدج يا رب:shy:
عنده كونسيلر يجي خمسه الوان في وحده علبه
ومره حلو
عندج كونسيلر باليتة فور ايفر حلوه 
وكريم من جيفنشي اسمه سكن درينك بصراحه وعن تجربه وااايد حلوو وتحسين انه العين صج
امتصته
وعندى خلطه حلوه لمنطقة حول العين ومفيده وترطب بعد
الخلطه عباره عن ( فازلين + زيت جنين القمح + زيت اللوز )
الطريقه تسخنين ملعقة فازلين على النار وبعدين تحطين ملعقة
زيت جنين القمح وملعقة زيت لوز وحركيهم عدل وحطيهم بعلبه
واستخدميهم بالليل
وانشالله افدتج حبووبه
لكن ليش يا أختي تركتي المنطقة المحيطة بعيونك تترهل وتمتلأ بالخطوط وأنت لساتك شباب؟
حاولي تنتظمي علي وصفة أختك نجمة الليل لأنها مفيدة جدا وخاصتا أن فيها زيوت معروفة بتجديد خلايا البشرة وشدها شد طبيعي وما راح تحتاجي بعدها لا كونسيلر ولا شي ثاني لأخفاء العيوب
وحول عنيكي بيصير أحلي أن شاء الله.
كمان جربي كبسولات فيتامين E وأفرغي محتواها علي كف يدك وأدهني بيه بشرتك كل يوم في المساء بعد ما تكوني نظفتي وغسلتي بشرتك وأبتعدي عن أي نوع صابون لأنه بيسبب ترهل البشرة والله معكي
ودمتي بكل ود وخير أن شاء الله
وعليكم السلام ورحمة الله وبركاته ،
 |
اقتباس |  |
 |
| أنا أعاني من مشكلة الخطوط اللي تجي تحت العين كأنها تجاعيد وتزداد المشكله لما أحط كونسيلر للهلات السوداء او كريم الأساس تبان الخطووط اكثر <<اتمنى فهمتو علي.. عشان كذا كتبت هالموضوع وانا كلي امل تساعدوني بكونسيلر يخفي هالخطوط.. |
||
 |
 |
أختي للأسف ما فيه كونسيلر يخفي الخطوط ، لكن فيه منتجات تخفيها مثل هالمنتج من كانيبو
اسمه :
WRINKLESS
وهذه صورته ،
وشوفي تأثيره قبل وبعد ،
مو بس جذيه !!
هذا المنتج رائع للي يعانون من مسامات أو خطوط صغيرة أو تجاعيد ، وهو عبارة عن جل خفيف
تحطينه قبل المكياج وتنطرين عليه ربع ساعة ليما يتغلغل الجل داخل الجلد فيملي الخطوط والتجاعيد
والمسامات ويخلي الجلد مشدود ،
|
اقتباس | |
|
| وسؤااال أخير فيه أمل ترووح هالخطوط..!!!! |
||
|
|
أختي إذا كانت هالخطوط مو كبر ، ففيه طرق لعلاجها مو طريقة وحدة ،
اللي أعرفه إن هالخطوط تكون من التعب أو السهر أو كثرة القعدة عند الكمبيوتر <<< علمي نفسج هههه ،
أو من النظارات ، وساعات تكون وراثة أو من الشمس ،
يعني الأسباب كثيرة ،
أهم علاج هو العناية والإهتمام بهذه المنطقة عن طريق :
– ترطيبها بمرطب مناسب ، يعني إذا كانت عند المنطقة جافة رطبيها بمرطب للعين قوامه كريمي ،
وإن كانت المنطقة عندج دهنية مثلي ، فيطون مرطب العين خفيف يكون عبارة عن جل أو بلسم ،
وعلى فكرة ترى من أكثر أسباب الخطوط والتجاعيد الصغيرة هي جفاف المنطقة وعدم ترطيبها ،
– لبس نظارات شمسية واقية من الشمس أو على الأقل وضع حماية من الشمس وتكون الحماية
خاصة بهذه المنطقة ، يعني مو تحطين كريم للوجه لااا ،
وتلاقين عند كلينك ستيك حمايته 30 خاص للعين والشفاة ،
– شرب كمية كثيرة من السوائل وخصوصاً الماي ،
– عمل ماسك أسبوعي عن طريق وضع شرائح الخيار وضع كمادات عصير الخيار على العين ،
أو وضع كمادات ماي الورد الطبيعي على العين ،
– نصيحة أخيرة هي لما تكون حاطة كحل أو ماسكرا لا تغسلينهم على طول ، لا بد إزالتهم بمنظف
لطيف للعين بعدين غسل المنطقة جيداً بغسول مناسب ولطيف ،
أتمنى أكون أفدتج ،،
موفقة (f) ،،
–
واكيد بتحصلينه بماركات ثانيه تحت اسم ليفتنج يعني شد
وبالنسبه للامر الثاني دائما الكونسيلر السائل (ليكويد كونسيلر) ما يبين الخطوط ويقلل من حدتها لكن الكونسيلر اللي يكون نفس طريقة الفاونديشن المضغوط هذا يصلح بس للي ماعندهم خطوط وهذا كلام خبيرة تجميل فرنسيه لي
ومثل ماقالت مجد ترا الطبطبه هي الطريقه السليمه في وضع الكونسيلر ولاتكثرين من المثبت عليه واللمعه زيادتها لتحت العين تبين الخطوط
بالنسبه للعلاجات الطبيعيه فاللوز ممتاااااااااز جدا
ولازم تستخدمين كريم للتجاعيد ليلي علشان يشتغل لتجاعيد حول العين لان منطقة العين اسرع منطقه تشيخ وبين فيها الكبر مع الشفايف والرقبه
وبالنسبه للعلاجات التجميليه تقدرين تسوين بوتكس وعلى فكره البوتكس يعتبر علاجي ايضا وممكن يستخدمونه ذوات العشرين سنه لانه معالج وقتي ومكافح للتجاعيد فيما بعد يعني تريتمنت
ان شاء الله اكون افدتج
الكونسيلر او كريم الاساس يصحح الالوان ،، يعني يخفي العيوب اللونيه وما يحل مشكلة الخطوط
لكن ممكن تلقين كريمات اساس وتشد وتخفي الخطوط شوي
بخصوص الكونسيلر
انصحج استخدمي كونسيلر قوامه خفيف لكن بنفس الوقت تغطيته حلوه
لأن الكونسيلرات الثقيله مثل ميك آب فور ايفر ،، راح تبين مثل الطبقه الثقيله وبجذي راح تبين الخطوووط اكثر واوضح
استخدمي كونسيلر ماك ،، خفيف على البشره لكن تغطيته رووعه
ولاتنسين اهمية طريقة التوزيع لأن لها دور كبير في اخفاء هالخطوط او توضيحها اكثر
تاخذين نقط صغيره من الكونسيلر و توزعينه بطريقة الطبطبه
وتثبتينه بالبودره وبعد بطريقة الطبطبه
لأن طريقة المسح هي اللي راح تزيد من مشكلتج
والافضل طبعاً انج تبدين تعالجين هالخطوط
والعلاج يكون على حسب عمرج
يعني من بداية الـ 25 تبدين تستخدمين منتجات تحارب ظهور التجعايد
ومن الـ 35 وطالع تبدي تزيد قوة هالمنتجات
ومنطقة العين اكثر منطقه حساسه وتتأثر بسرعه فالافضل حتى قبل الـ 25 تبدين تعتنين فيها
انتي قولي لنا كم عمرج وممكن نفيدج بكريمات علاجيه لهالمنطقه