ان شاء الله طيبين.. شخباركم مع التجميل و المكياج ؟؟
أنا يا بنات مشكلتي انه كل ما اشتري بودرة او اساس ما يعجبوني ،، و للحين ما حصلت الاساس اللي يناسب بشرتي ،، ترى انا بشرتي دهنية و فيها حبوب صغار ،، و بعد فترة من وضع الاساس احسها صارت دهنية و فيها لمعة :ss: ،، او انه تصير جافة كانها حطبة و تتقشر البشرة مع الاستخدام :ss:
عن جد معاناة :confused:
على فكرة ،، انا استخدمت فاونديشن من نيفيا و احسه جفف بشرتي ،، و استخدمت بودرة ماك الكريمية احسها تصلح للمناسبات مع ان الفلبينية قالت لي انها طبيعية ،، و حاليا استخدم فاونديشن من بورجواز و احس ما يدوم معاي ،، لانه بعد فترة ترجع الدهون 
و الله كل ما اشوف بشرات البنات نعومية و حلوة اتحسر
انا الفاونديشن او البودرة اللي ابيها تكووون خفيييفة و تسوي البشرة ناعمة مثل البيبي تصلح للاستخدام اليومي و ادوم معاي فترة طويلة ،، و يا ريت تكون على مايلة ع الوردي شوي لاني اموووت فيهم .
كاني طولت السالفة و هي قصيرة ،، هههه
بليييز يا بنات لا اطنشوني ،، و بس الخبيرات اللي يردون ،، اللي ما عندها خبرة بليييز لا تورطني
و سلامتكم (f)
هلا حبوبة دام انك تبين شيء للاستخدام اليومي انصحك ب ماكس فاكتور
وبالتوفيق
بس بغيت اسالج اختي الكومباكت باودر تصلح للبشرة الدهنية ؟ و جم سعرها ؟ و تحسينها طبيعية ؟ و الف شكر لج حبيبتي
بس اي نوع تنصحيني من الماكس فاكتر ؟
انتظر باقي البنات
ان شاء الله البنات يساعدنج
أنصحك بنينا ريتشي
قوليلهم ابي اساس سائل باللون الزهري للبشرة الدهنية
اساسهم حلو للي ماتحب الثقيل يعني ينفع للدوامات
ويييين باقي البنات ؟!