سر من أسرار العيد .خبز العيد بالأعشاب

مساؤكم وصباحكم فل وياسمين ..

من الأشياء المتعارف عليها في العيد عندنا ..خبز العيد ..ريحته وطعمه بتذكرني بس بالعيد ..
إن شاء الله بيعجبكم وبتجبربوه ..
المقادير اللي استخدمتها :

5 أكواب طحين ..
4ملاعق صغيرة خميرة ..
3 ملاعق صغيرة ملح..
ملعقتين صغيرة سكر ..
2م-ك سمسم ..2م -ك يانسون ..2م-ك دقة عجين ..2م-ك حبة البركة (م-ك : ملعقة كبيرة )
دقة العجين نوع بهار بنشتري جاهز مخلوط فيه شومر ومحلب ويانسون واعشاب عطرية أخرى ..

أمي الله يحفظها بتضيف له كركم عشان يكون لونه أصفر …أنا نسيت ..

بنعجنهم بالطريقة المعروفة ..وبترك العجين يرتاح .بعد ما نغطيه.

بعد ما يخمر بنقطعه دوائر وبنفرده وبنخبزه …

في ناس بينقشوا عليه أشكال ..أنا بنتي ساعدتني وعملت أشكال بالقطاعات مثل القلوب والنجوم ..

بالفرن ولا أشهى …

وريحته بعد ما يطلع من الفرن خياااااااااال ..كأنه بسكويت ..

وصحتين وعاااافية …
خاص بعروس لا يسمح بنقله ..

الله يعطيكي العافية شكله روعه

ماشاء الله شكله حلو و كثير بيشهي

تسلم إيدج حبوبه

و تستاهلين أحلى تقييم

أنت الأروع غاليتي .
شاكرة لك مرورك العطر ..

الله يسعدك ويسلمك ..
مرورك عطر الصفحة مشرفتنا الغالية ..
دمت بخير .