مرحبا خواتي.. شحالكم ؟؟؟
انا ام في بداية المشوار وولدي بيكمل الثلاث شهوور الاسبوع الياي.. ومستانسة انه بيدخل الرابع وبستانس اكثر يوم بيكمله .. عشان ابدا ادخله شي في نظامه الغذائي .. لانه فديته يشرب صناعي 
فلازم اساعده علشان يكسب الحديد وهالسوالف …..
وبحاول قد مااقدر انه اكله كله اسويه انا بيدي فالبيت.. تعرفون انه المواد الحافظة جسم الانسان مايمتصها… وعلى المدى البعيييييييييييييد تسبب امراض الفشل الكللوي والسرطانات ( وهذا كلام دكتورتنا في المحاضرة اللي طافت) الله يكفينا ويكفي جميع المسلمين من شرهاااا
فياريت اللي تعرف كيف اقدر اسوي السيرلاك فالبيت تقولي او الارز ؟؟؟
والله يحفظلكم عيالكم من كل شرر
اختكم
غناة رووحي
ماعندي فكره
ولا مرة سمعت عنه بعد
ان شاء الله يفيدونش الامهات
لكن طريقتي بالرز اعمله نفس الطريقه المعتاده رز ابيض اخليه ينضج مو خشن
وبعدها اخليه يبرد واخذ منه الكميه اللي ابيها واحطه فالخلاط زائد كاس حليب
على حسب اللي اشوفه مناسب للرز ….. وبكذا نكون انتهينا وبالعافيه
على القمرا …
لكن يااختي حاولي تستفسري هل يصلح لبنتج الاكل في هذا السن
اظن ثلاث شهور صغيره عالاكل والله العالم …..
اتمنى اكون افدتج وبالتوفيق اختي
فيه اطعمه خفيفه اذا بتبدي تأكلين البنوته ادخلي الموضوع وان شاءالله تستفيدي منه
تفضلي هذا اللنك
تسلمووون ع الطريقة
ادري انه ولدي صغير … انا اتريااااه يكمل الاربع شهور … بعدين ببدا ااكله
بس الحين ابدا اجمع المعلومات اللي اقدر استفيد منها
أذا كنتين تستخدمين الحليب الصناعي للأكل فلا تطبخينه لأنه مكوناته تفسد بالغلي..
و أحس ولدش صغير على الأكل … أنتظري ليما يكمل 6 أشهر …….أفضل(y)
وبعدها تقدرين تطبخين الشوفان بالماي و يكون ثقيل …علشان بعدين تضيفين عليه ماي التمر…تصنعينه بنفسش..(y) و هني صار وجبة مفيده و متكامله للبيبي.. و لا تضيفين اليه الحليب ..أعطيه الحليب بعد الوجبه(y)
و بالنسبه للأرز…أسلقي الأرز ليما يصبح ناضج تماما….اتركيه ليما يبرد..ثم أضيفي اليه الحليب الصناعي…..و لو ما عجبه طعمه حليه بقليل من السكر… و هنا و عافيه على ولدش
نجمة .. تسلمين الغالية .. وان شاء الله بعد مايكمل الاربع شهوور .. بجرب اللي قلتيه ^^
ايلاف .. احس حراام .. بعدهم صغنونين .. المعدة ماتتحمل >.<