بدأ العام الدراسي الجديد، روتيني وعادي بالنسبه للبعض……وبترقب وبخوف للبعض الأخر وهم اللي عندهم طفل أو طفلة يدخلون الحياة الدراسية للمرة الأولى….
أشوف وايد تجارب وأسمع وايد قصص عن ردة فعل الأبناء عند دخولهم المدرسة لليوم الأول، وبصراحة شاله هم الموضوع، مع أن عمر ولدي سنتين الله يخليه، بس وااااايد أفكر كيف بودي المدرسة وبخليه بروحه لساعات متواصلة :confused: …
ياليت أصحاب التجربه يفيدونا :clap: …..كيف هيأتي طفلج أو طفلتج لليوم الدراسي الأول، وكيف كان استعدادهم النفسي تجاه الموضوع، متحمسين والا رافظين؟؟ وشو كانت ردة الفعل لما صار الموضوع جد ودخل حيز التنفيذ؟؟؟ وكيف تعاملتي مع ردود الفعل السلبية؟؟ وكم خذ من الطفل موضوع التعود على الحياة الدراسية الجديدة؟؟؟؟؟؟؟
أدري أسألتي واااايد، بس صدقوني أحس الموضوع بيكون وايد مفيد للأمهات اللي عندهم أطفال على وشك الدخول للمدرسة……
لا تبخلون علينا بخبرتكم ونصايحكم..(f) ……..
ننتظر ردود بقية الأخوات…
قلت خليني أصبر شوية على ابني
وغيرت شيء أنا كنت أوديه وأرجعه من الحضانة اتفقت مع سيارة المدرسة تآخذه وترجعه صار أفضل لأنه كان فرحان إنه بيطلع لوحده ويسيب ماما في البيت …
أما بناتي فكانوا غير الحمد لله بالعكس أول ما نطقوا قالوا (أنا عايزة ألوح المدلسة) وعلى سنتين وأوديهم .. الحمد لله
بس كله بسيارة المدرسة ترى الطفل بيكره إن أهله يروحوا يودوه مكان ويمشوا عنه …
أختي أسماء زكي الدين ، مشكورة ع الإفادة…وبصراحة الموقف يعور القلب، أحس مستحيل أخليه إذا شفته يصيييييح 
…طيب كم خذا إبنك لين ما تعود؟؟؟ وبالنسبه لسيارة المدرسة أو الباص بصراحة أخاف منهم، ما تدرين ها السواقين كيف يسوقون…في منهم وايد متهورين…
تعرفين عاد بنت أختي كل يوم تحن وتزن أبي أروح المدرسة…..ولما صار وقتها الله لا يوريك.. سنه كامله معاناه معاها كل صبح عشان تقنعها تروح،،،، يعني الوحدة فينا لازم ما تغتر بحماس طفلها 
 |
اقتباس |  |
 |
المشاركة الأساسية كتبها Aryam |  |
 |
| وأنا معاج بالانتظار أختي رانيا البحرينية….
أختي أسماء زكي الدين ، مشكورة ع الإفادة…وبصراحة الموقف يعور القلب، أحس مستحيل أخليه إذا شفته يصيييييح تعرفين عاد بنت أختي كل يوم تحن وتزن أبي أروح المدرسة…..ولما صار وقتها الله لا يوريك.. سنه كامله معاناه معاها كل صبح عشان تقنعها تروح،،،، يعني الوحدة فينا لازم ما تغتر بحماس طفلها |
||
 |
 |
حبيبتي والله لما بتذكر الحين قلبي بيعورني على الرغم الموضوع مر عليه 8 سنين أو أكثر … لكن لازم الأم تدوس على قلبها علشان ابنها وبنتها ما يطلعوا ناعمين وما يقدروا يواجهوا الحياة .. وكله لمصلحتهم …
ابني أخد تقريبا أسبوع ..
بالنسبة للسواق يمكن تضحكي عليّ .. بس أنا كنت آخد مرات تاكسي واطلع ورا الباص خخخخخخخخخخخخ علشان أشوفه ليزود السرعة ومرة أو مرتين بيبين .. لكن لا تخليه يحس بيك … خخخخخخخخخخ وعلى فكرة في مدرستهم مرة عملت شكوى ضد السائق بسبب السرعة ومرة لأنه بيجلس أطفال في الكرسي الأمامي … يعني مو الشكوة بقدمها علشان عياليبس لأ .. علشان عيال الناس ..
أقرأي موضوعي المدرارس فتحت خلاص تعالي …
وين باقي الأمهات؟؟؟ معقولة مستخسرين تفيدونا بتجاربكم؟؟؟؟؟؟
انا ولدي وديته الروضة العام الماضي وكان عمره ثلاث سنوات اول يوم انا وديته وقام يصيح بس انا طمنته وطلعت عنه ماطولت معاه علشان يتعود صج قبلي عورني عليه لكن لمصلحته والله
وبعدين على الساعة عشر اتصلت في الروضة اسأل عنه
قالو لي عادي متأقلم والحمدلله انه اتأقلم خلاص وانا انصح الامهات انهم مايطولون مع الطفل اول يوم
خلاص وصليه وطنيه وحضني وامشي عنه
علشان يتعود على الوضع
والله يعينكم على صياح وصراخ الأطفال……
فعلا مثل ما قلتي الموضوع يحتاج شوية حزم عشان الطفل ما يتعود كل يوم أنه يصيح وفي النهايه الأم تخضع له…..والله يعيني لما يجي دوري، أي موقف يصيح فيه ولدي أقول بكون حازمة وياه، بس أضعف أمامه ويقطع قلبي…..
ياليت أختي بما أنك مدرسة تفيديني شو السن المناسب أني أدخله روضة أولى؟؟
هلا فيج أختي غداري
بس أنا مفكرة أدخلة روضة أولى وعمره 4 سنين..
وطريقة تصرفك مع ولدك صحيحة 100%
ومشكوووووووورة ع الإفادة