شعري على طول مستشششور،،والسر؟؟!!! بالداااخل،،،

والشعر صاير مموج وجاف وباااااهت مافيه أي لمعه
ملمسه ناعم بس الشكل لا يوحي أبدا الى النعومة
ايييه وما انسى الاطراف اكيد محترقه خخخخ

:21_180::21_180:

وانا من النوع اللي ما احب استشور شعري،،،مسوية روحي اعتني فيه
وما يصيده الاستشوار الا في المناسبات فــقــــط

طيب مابي أطول عليكم،،،،
بس من فتره وانا في الصالون استشور شعري، كانت اللي تشتغل هناك تدور علينا بالاغراض اللي عندهم للبيع من شامبوهات وحمامات زيت وحركات، وانا دايما أقول مابي اشتري وكله كلام فاضي ويكذبون علينا
بس في يوم من الأيام اشتريت من عندهم حمام كريم وبعد فتره استعملته وحسيت ان شعري حلوووو بس ماعرفت وش السبب والتغيير في الشعر
لحد مابعدين استوعبت ان التغيير الوحيد كان في حمام الكريم، وفعلا اكتشفت ان هو السبب وراء الملمس الحريري لشعري
والله أحلف لكم ان شعري صار مثل الريش من النعومة :cool2:

وظليت استعمله لمده كذا شهر، ومن يخلص أروح اشتري لي علبه ثانيه

:drive1::drive1:

ومن فتره بسيطه صار تغيير بعد في نظام شعري وصار شعري حلوووو :8884:
لدرجة ان خواتي لما يشوفوني يسألوني: مستشوره شعرج؟؟؟؟
ومره اختي جايه تبي تتدرب على استشوار الصالون وقالت لي تعالي اجرب في شعرج، وانا فكيته وبنات خالتي كانوا قاعدين
وبنت عمتي معاهم تسألني: مستشوره شعرج؟؟ وكلهم بعد معاها
قلت لها : لاا
ماصدقتني تقول لي: روووحي يبين انه مستشور شوفي الجوانب شلون :21_133::21_195:
(وانا شعري من زمان لما اربطه واشده وهو مبلول، يصير ناعم على جوانب الراس بعد مايجف، يعني شكل وملمس وأعتقد اغلب الناس جذي، لان الشعر يكون أنعم في هالمنطقة)

المهم، بدون تفلسف وايد 😮
الحين راح أذكر لكم الخطوات اللي اسويها كل مره لما أغسل شعري:

1- أول شي حبيت أقول ان انا اغسل شعري مرتين في الاسبوع تقريبا، لأنه جاف

2- قبل ما اغسل شعري، ما احط فيه زيوت، لان شعري مصبوغ … وبدل الزيوت استعمل مرطب الشعر من ماركة بالمرز Palmers بجوز الهند وفيتامين E واللانولين ،،صناعته أمريكيه

وهو قوامه مثل الهيرفود (للي ماتعرف الهير فود Hair food هو صاير في نفس العلبة تقريبا بس لونه أصفر) يعني تاخذين منه شوي وتفركينه في راحة يدج ويصير لج زيت
بس أنا ما استعمل شوي،، آخذ كمية كبيرة واوزعها على كللللللل شعري

3- أربط شعري سواء ألفه أو اعجفه ( اسويه ظفاير) وأخليه وقت اللي أبي، بس أغلب شي تكون المده يوم كامل يعني أنام وأصحى وأروح وأجي وهو في شعري
:21_165::21_159:

4- أغسل شعري بشامبو مناسب (دايما آخذ الشامبو للشعر الجاف، الباهت، المتقصف، المتموج والمتعب) يعني ماتبقى عله مش مكتوبه عليه :21_181:
وهذا حاليا الشامبو اللي استخدمه، بما ان شعري مصبوغ

5- أستعمل حمام الزيت الرهيييب، وهو من ماركة Berina وصناعته تايلنديه، أعتقد ممكن تلاقونه في المحلات اللي تبيع مستلزمات الصالونات مثل نزيه، مع اني مالقيته في نزيه اللي عندنا ( بنات البحرين أنا آخذه من صالون ريفين) وسعره 3 دنانير=30 ريال
بس أكيد في المحلات الثانيه أرخص
المهم، هاذي صورته

وطريقة الاستعمال كالتالي:
بعد غسل الشعر بالشامبو تجففينه بالمنشفه، واللي شعرها جاف جدا ممكن تستعمل البلسم وبعد غسله تجفف شعرها بالمنشفه، وبعدين تاخذين من حمام الكريم وتوزعينه على شعرج كاامل وتخلينه على الشعر لمدة 20 دقيقه (أنا أخليه أقل لأن ماقدر أصبر ثلث ساعه) وفي خلال هالوقت فركي جسمج او طلعي لج أي سالفه خخخخخ
وبعدين شطفي الشعر عادي وخلااااص
وممكن تستعملينه مع جهاز البخار أو تلفين شعرج بمنشفه ساخنه وفي هاذي الحاله تخلينه على شعرج من 10 الى 15 دقيقه (ولا مره جربتها لأن ماعندي وقت)

6- أحط كريم في شعري
وانا استعمل هالنوع وهو أول مره أجربه والحين خلص وبروح آخذ لي ثاني
اسمه NITRO CANADA-Multi Effects Hair cream وهو صناعة فرنسيه
وهاذي صورته

أنا أخذته من رامز وسعره دينار واحد امم يمكن أكثر بعد بشوي،،مادري 😮

7- بعدين أمشط شعري بهااااذي الطريقه

وتعالووووا شوفوا الضحك علي في البيت :21_186::21_186: بس انا مايهمني خخخخ
وأنا احط ربطتين وحده فوق ووحده تحت واذا ابي اطلع اشيل الربطه اللي فوق واربط العجفتين بربطه من ورا

8- بعد مايجف شعري أبطل العجفات وأخلي شعري مفلول وبسسسسس

9- النتيجه النهائية تكون بهاذي الشكل، بالضبببببط وبدون أي مبالغه

:sa23::sa23::sa23:

عيوب هالطريقة: انها تاخذ وقت طويل لحد مايجف الشعر، 24 ساعة على الأقل
مزاياها: ماتتعب الشعر من الحراره ومايتقطع، وبعدين الشكل الطبيعي يبان أحلى من الاستشوار
واللمعه بعد تكون غير :cool2:

وفي الأخير
صج ان الموضوع طويل، ويمكن بعضكم يستصعب السالفه
بس حبيت أفيدكم، واللي تجرب الطريقة وتنفعها ماتنسانا بالدعوه الحلوه

وحتى لو ماجربتيها، ادعي لي بالتوفيق والله يرزقني الزوج الصالح ويرزق جميع بنات المسلمين بالأزواج الصالحين والذرية الصالحه
والله يشفي مرضانا ومرضى المسلمين

مشكورات على المرور والرد :flower:

حب القلوب