احب اسرد لكم الحكايه من اولها من طقطق للسلام عليكم
كان يا ما كان في وحده عندها شعر في راسها اسود وطويل ونعومته حلوه وفي يوم من الايام حبت تغير وتعمل نيو لوك على اساس انها مخلصه الاربعين وتبغى تحلو بعد الولاده وهمها
المهم راحت للصالون الاول شافت الكوافيره شعرها قالت لها انتي حاطه حنه سودا او فرد قالت لها لا وهادي الحقيقه والله طيب قالت الكوافيره اعملك صبغه ب800 ريال
وراحت صالون تاني وقالولها نفس الكلام عن شعرها انه مفرود او محنياه بالاسود وقالت لهم والله لا بس ما رضيو يصدقو والبنت ما تكدب عمرها ما حطت شي بشعرها وهو طبيعته كدا ما شاء الله المهم قالولها نعملك ياه ب500 ريال
عاد شافتها الخبله فرصه و ما سوت اختبار او تيست وعلى طوول بدت بالاول بالهاي لايت اي الميش وقالت الكوافيره يبغى له 1ساعه لانه اسود وااله ما عدت10 دقايق والشعر يدخن ويحترق وعلى طول غسلوه وكانت الفاجعه
انه الشعر اتساقط والله بشكل مو طبيعي طبعا البطله انا وشعري راااااح وبكيت ولسا ابكي حتى هادي اللحظه عليه ايش الحل سااااااااااااعدوني وانتبهوا من الصالونات واعملو اختبار الاول طبعا انا بعد اللي صار قصييت شعري وحشيته والحين احاول اعمل زيت وزبادي ومايونيز وحمام زيت فاشكول والله يعوض عليا بااحسن منه ان شاء الله قولو امييييييييييين واللي عنده حل تقول ومات بخل عليا واللي مرت بكدا ايش سوت
ها ايش رايكم بالحدوته خلوه ولا فتفوته والله القصه حقيقيه وانا بطلتها :confused:
بس حاولي تعتني فيه أكثر ألحين وانشالله برد لك مثل قبل وأفضل عزيزتي
جربي حمام زيت فاشكول بالثوم ووووووووووووايد روعة وكذلك حمام زيت دابر بالعسل والخروع أناأستخدمه حاليا ونتائجه رووعة على الاقل خف التساقط بدرجة ملحوظة عن السابق
و الله قطعتي قلبي من جد انتبهوووا يابناااات :ss:
شوفي حبيبتي استمري على الفاشكوول فعلا ممتاز و جربي الجرجير بس للامانه مااستخدمته لكن افتكر من زمااان صاحبتي قصت شعرها كاريه و كانت تبغاه يطول
ف وحده نصحتها بالجرجير و الله العظيم انها بعد فتره قصيره جات و شعرها قريب من كتفها ماشاء الله تبارك الله ..
ح اقولك الطريقه لكن قبل سوي كميه ك تجربه بسيطه لإنوا سمعت من بنات انو الجرجير نشف شعرهم ف ماادري كيف ح يكون على شعرك ..
الطريقه تعمليها في البيت و هي :
جيبي حزمة جرجير نظفيهم من الاوساخ بالماء و حطيهم في الخلاط الكهربائي الحزمتين كامله بالجذورالين تصير مثل العجيبه, حطيها على شعرك و البسي غطاء راس بلاستيكي لمدة 3 ساعات بعدين غسليه بالماء عادي ..
استمري شهرين ع الطريقة اعمليها كل اسبوع مره مثلاً بإذن الله ح تلاقي الشعر نبت و طلع من جديد 
(y)
و لو حبيتي ابحثي في قوقل عن تجارب البنات اكتبي " خلطة الجرجير " و شوفي فوايده الحلوه
و الله حمستيني اجربها لإني كنت متكاسله
آسفه ع الاطاله و ياررب يعطيكي و يعطينا باللي نتمناه ..
موفقه عزيزتي (f)
من جد معاناه مره , بس هذا ابتلاء من الله وأصبري
جربي زيت دآبر املا مره يمدحونه
وخذي شامبو بانتين بر_ في الذهبي عشآن الفيتامينات
والله يحقق لك كل اللي تتمني
أهتمي فيه زين وأعتني به
عليك بالزيت المناسب لنوعيه شعرك +جل الصبار او الجرجير يمدحونه مره
وبالتوفيق
صار لي مثل اللي صار لك وألعن
بس مالك الا الله ثم حبوب هير دالhair dalمررررررررررررررررة زينة للشعر وأعادة حيوته وتعوضك عن الشعر اللي طاح أنا استخدمتها وشعري تقريبا رجع مثل ماكان