أول شي مبارك عليكم الشهر 
عساكم من عواده ان شاء الله
امس رحت ماك بشتري كونسيلر حق اختي ….. أول مرة أروح ماك و ما أشتري شي لي أنا
المهم … شفت حرمة قاعدة تمكيجها البنت اللي في ماك
الحرمة مو صغيرة و بشرتها تعبانة
و أنا كنت أبي أشوف شلون بتغطي العيوب و تطلع بشرتها حلوة
و طريقتها أول مرة أشوفها و حبيت أشارك بنات منتداي الغالي فيها
طبعا البنت هدفها مكياج نهاري ثابت و طبيعي
المهم
شفتها تسوي هذي الخطوات:
أول شي حطت لهاااا
Strobe Cream
و طبعاً هالمنتج غني عن التعريف
بعدين حطت لها الأساس هذا
Studio Stick SPF 15 Foundation
باستخدام فرشة الأساس هذي
190 Foundation Brush
أنا لي حد هالخطوة قلت وييييييييييع شفيها لطخت بوجه الحرمه كان شكله مو موزع عدل على الوجه و خاصة حول الشفايف
بعدين تدرون شنو سوت؟؟؟؟
رشت هذا على ويهها
Fix +
مثبت المكياج من ماك
و نطرته ينشف شويه بس يعني كان الوجه مبلل
جان تقوم و تحط شويه بودرة سايبه باستخدام هذي الفرشة و تمشيها على الوجه بحركة دائرية
187 Stippling Brush
والله يا بنات كأنها ساحرة هي هي هي
صار الوجه قطعة وحدة و يهبّل و طبيعي و مو مبين عمر الحرمة و عطاها لمعة طبيعية صحية
و بعدين كملت لها المكياج
طبعا انا مجابلتهم و نسيت أختي
جان اسألها قلت لها ممكن استخدم اي فونديشن ثاني ؟؟
قالت اي بشرط ان يكون Stick بس ليش انتي مو عاجبج ماك ؟؟؟؟
جان أقول لها عمري ما جربتها و انا عندي واحد من بوبي براون وايد عاجبني
ان شاء الله بجرب ماك المعاش الجاي هي هي هي
و بس هذي قصتي
و شريت لأختي الكونسيلر اللي تبيه
ان شاء الله تكونون استفدتوا من الطريقة وما تكون قديمة
انا عن نفسي اول مره اشوفها
بس طويله وايد 
2
انا اذا بقعد ع الفاونديشن هالوقت كله مب خالصه
احب اخلص بسرعه كله مستعجله وبس ماعندي وقت متصربعه اللهم يا كافي 2
مشكووره خيتووو على هالطريقه الحلوه
انا عندي السبراي فكس +
بس ودي اعرف شو فايدة الكريم اللي ذكرتيه اول واحد
شكلي بدش ع الموقع وبقرا عنه
قريت عنه
طلع مثل مستحضر الاضاءه تقريبا
يعني يعطي ريديانس للبشره ويهدي البشرة التعبانه
نورتي الموضوووووووووووع يالغالية
اي الكريم للإضاءة و الترطيب و التثبيت
و فعلا الطريقة طويلة بس النتيجة حلوة عجبتني
وانا مثلج احب الشي السريع
بس قررت قلت بعد رمضان ان شاء الله اذا بحط اساس لازم اقعد مبجر اذا بغيت احطه بنفس الطريقة
وعليكم السلام ورحمة الله وبركاته ,,
تسلمين مناري ,
بس عندي سؤال لو سمحتِ
Strobe Cream << هذا الكريم حق شنو بالضبط ؟
مشكورة على الإفادة ,
نورتي الموضوع يالغالية
عسى الله ما يحرمنا من جهودج وخبرتج المفيدة واللي عامة فيها الكل…بكل صراحة تستاهلين كل خير
ومبارك عليج الشهر
دعواتك أرجو
مشاعر قلب
تستاهلين الطيب الله يجزاج خير
كلج ذوووق شكرا لمرورج
فكرهته
الصراحه اول مرة ادري عنه لوول :S
يعني تنصحيني اشتريه مناري؟؟
انا استخدم الدبل وير ومستقبلا باجرب كريم ديفينورا
فهل ينفع احطه تحتهم؟؟ 😐
يعني يمشي معاهم؟؟
انتظر رايج في الموضوع يا احلى مناري
وتسلمين على الطريقة الحلوة