شلون اتأقلم مع الوضع اليديد ؟؟ وشلون اتعامل بهالحاله ؟؟ 2024.

مرحبا يا امهات عروس ..

بصراحه انا حديثه العهد في التربيه لأن هذي اول ولاده لي ،، عندي بنت عمرها 19 يوم متعبتني وايد في نومها ..

يعني تنام النهار وتصحى في الليل وحتى لو نامت بالليل ،، تصحى كل نص ساعه .. انا وايد تعبانه ما انام وعلى طول مصدعه من قلة النوم ..

ياريت اللي عندهم خبره ينصحوني شنو اسوي وشلون اضبط نومها ..؟؟

واكون لكم شاكره

معليش اختي الله بيعينك ان شالله هو الطفل ما بينعدل نومه الا بعد ثلاث اشهر

بس انتي حاوللي انك تشربيها اما دواء للمغص او مغللي اليانسون وتكون رضعة قبل ماتنام

وباذن الله بتهدى وبتنام واهم شي تتأكدي من حفاضها يكون نظيف ما يضايقها وانها تكون شبعانة

والله يقويكي وتتربى بدلالك

مشكوره اختي العزيزه على ردك علي وتقديم النصيحه لي ..

وان شاء الله ينعدل نومها وارتاح .

الله يعينك يارب والله انا بنتي صار عمرها عشر شهور ولهلأ ما انتظم نومها يالله شو بدنا نساوي الله بيعينا عشان هيك الجنة تحت أقدام الأمهات

هلا فيك اختي

والله ولدي باقي له اسبوع يدخل التاسع معذبني الله يحفظه

صياااح مره ومايعرف ينام قبل 8 الصباح وياليتها نومه متواصله

كل شوي يصحى ويبيني اشيله ويرد بالنوم واوقات يصحى مره يبي لعب

والله مره اتعبني قمت بس ابكي مالي نفس بشي كل اليوم صاحيه شوي وانهبل

الله يكون بس بالعون

ونتحمل شان نكسب الاجر

والله يهديهم يااااارب

تحيتي

اي والله آنا ما حسيت بغلاة امي صج صج الا بعد ما جربت التربية ،،

اقول لها يمه شلون كنتي متحمله هالتعب كله ؟؟

يالله يكبرون ان شاء الله وننسى التعب

الله يعينك حبيبتي
اتاكدي ان كمية الحليب تكفيها او لا..
لانه مرات يبكون حتى بعد الرضاعة

انا ابني من شهرين كان نفس الشي
يبكي بالليل حتى لو غيرتله الحفاظ ورضعته ودفيته
اكتشفت انه الحليب ما يكفيه..
واضطريت ابدا معاه حليب صناعي يالله اتحسن الحال شوي..
وبعدين اكتشغت انه عنده حساسية من اللاكتوز في الحليب..
والحليب العادي وحليبي انا يسويله مغص في بطنه

والحين بديتله سيميلك (لاكتوز فري) + حليبي
وصار الولد ينام مرتاح

حبيبتي الله يعينج لكن هالمشكله ما تنحل الا بعد عدة اشهر يعني اذا صار 4 شهور وفوق يبدأ يتحسن نومه لكن الحين هذي حالة كل الرضع .. بس تأكدي أنه يكون شبعان مرتاح لان في هالعمر البيبي يتألم وايد من المغص ..

عادي حبيبتي .. انا عيالي اول 3 شهور هادين وينامون 24 ساعه بس يقومون حق الرضاعه ..

اما الحين ما شاء الله ولدي عمرة سنتين والين الحين يقول مرة ولا مرتين بالليل ..

اما بنوتي كل ساعه او ساعه ونص تقوم تبا الحليب …

الله يعنى ويعنكو كلكو انا بنتى عندها 21يوم وباردو نومها مش مظبوط وبتنا م بالنهار وتصحى باليل والله ياجماعة احنا من غيرهم منسواش ربنا يخلى كل الاطفال ويرزق كل اللى عايز