الفطور من أهم الوجبات الرئيسية اللي لازم نحافظ عليها ولازم تكون صحية قدر الإمكان
لأن الفطور يخلينا صامدين طول فترة النهار اللي تكون ملييئة بالأشغال والمشقة سواء في العمل أو في البيت مع الأطفال
ولاحظت ان المنتدى غطى كل جوانب الأطباق المشهيه وفي كل الأوقات ماعدى وجبات الفطور
وفي وجبات فطور تكون مبتكرة ولذيذة وفريده في كل أسرة
وحبيت أعرف من عرايسنا الغاليات شو أحلى الأشياء اللي يقدمونها على الفطور وتخلي كل العايله سعيدة ومستمتعة
أميرة المنارة
بس انا أحب البيض ع الريوق و………. كورن فلكس وطبعا حليب
او شاي او غيره من المنبهات
واذا كنت شوي جوعانه اكل صمون مع جبنه
يالله يابنات ورونا شتحبون تتفطرون
ساعات اكل بيض
وساعات اكل روتي مع جبن
او خلطة جبنه بيضه
او كورن فليكس
او قشطه
يعني انوع
ماشالله ريوقج صحي ومتكامل ,, تسلمين على المشاركة
xxqtrxx
لازم تتريقين وتاكلين أكل مفيد
لاتنسين ان المنبهات والكوفي يخليج تشيخين بسرعة
انشالله تسمعين كلامي وتتغذين زين خاصة ان الريوق أهم وجبة في اليوم
أحلام صغيرة
ماشاءالله عليج ,, حلو التنويع في الأكل ,,
ياريت الباقي يشاركونا عشان نكتشف ابتكاراتكم في الريوق
وانشالله انا بحطلكم صور من إبتكاراتي في الريوق في القريب العاجل
انا انوووع
بس أكثر شي
توست اسمر مع سلايس جبن
وكابتشينو 
بس اليوم الثاني هو يطلع على الدوام وانا ناااااااااااااااايمة في العسل ولا فطور ولا هم يحزنون
بس عندي افكار للفطور ممكن اخبركم عليه
في المنتدي ما شاء الله عندنا وصفات كثيرة للكيك الخفيف ممكن تسوينها بالليل وتحطيها لزوجك على الفطور مع الشاي او النسكافيه
وممكن تحطيها للعيال عشان المدرسه ياخذوها معاهم
ممكن بيض بانواعه مع التوست او الكرواسون الجاهز
ممكن كرواسون تفتحيها وتحطي داخلها جبنه مع مرتديلا او جبن لوحده
ممكن اي نوع من انواع الفول مع الخبز اللبناني او العربي مع الزيتون والجبن المملح
ممكن شعيريه سادة بالسكر والهيل وتحطي فوقها اومليت بيض سادة بدون اي اضافات فيها بس تحطين ملح ويسموها عند اهل الخليج البلاليط
ممكن اومليت تحطين داخلها طماطم وبصل ووممكن تشكلين مرة تضيفين معاهم فطر مقطع او جبن شيدر مبروش او بقدونس
ممكن تسوين بيض عيون وتحطين على الوجه ملح وفلفل اسود مع رشه سماق يطلع يجنن
ممكن خلطة بيض الاومليت تحطيها في صحن فرن وتدخليها الفرن الى ان تنضج بدون ما تحطين اي كمية من الزيت
في ناس يحبون ياكلون شوي اثقل على الفطور فيسون عدس مع شاباتي او خضروات مشكله مع الخبز
وطبعا لا تنسين العصائر الطازجة والذ نوع منهم المراعي وطبعا مرة نسكافيه ومرة شاي ويكون الحليب على جنب للي يريد
هذي الاكلات اللي في بالي الحين واذا تذكرت شيء ما راح ابخل عليكم
أهمـ شي عندية في وجبةالفطور…
جزاكي الله خيرا