شو اسوي بالمبلغ البسيط 2024.

[COLOR="Indigo"]السلام عليكم
كيفكم حبايب شحالكم
عندي استفسار انا زوجي على قد حاله او انا عندي مبلغ بسيط من المال يعني مب مبلغ مبلغ يعني على حدود 10000 درهم شو اسوي فيهم اشتري طقم ذهب صغير ولا اسافر فيهم انا او زوجي ولا شو رايكم انا ودي اروح تايلند بس ما بكفون او هو اقوله ماعنده يدوب المعاش بس اذا رحنا دوله قريبه عادي بيكفون اتوقع شو رايكم اسوي فيهم انا ودي استفيد منهم مابى يروح جي بدون فايده لانه اعرف عمري اقول هي خلاص مو اله او اروح السوق اشتري اشياء مب لازمه او عسب اقعد اتحسر دلوني[ /COLOR]

هلا الغالية المبلغ وايد بسيط ماتقدرين تروحين فيه لتايلند بس ممكن تروحين العمرة يعين المبلغ راح يقضيكم قيمة التذاكر والسكن والمصرف بس من دون الهدايا يعني ماله داعي وإذا تبين حل ثاني فممكن تحطين المبلغ وديعة أو ممكن تاخين لج أسهم وبعد فترة ممكن تبيعينهم وتربحين لج مبلغ زين أو ممكن ضعف المبلغ

لا يكفي هالمبلغ حق تايلند..روحي مكاتب السياحية لان تايلند وايد ارخيصة

شكرا ويييين اراءكم البقيه

إذا شغلتيهم فترة أو شساركتي بهم واحدة ثقة وقريبة منك في مشروع بيزيد بإذن الله تعالى ويتضاعف المبلغ وبعد سنتين أو ثلاثة بإذن الله يكون معك رأس المال وزيادة مرتين ثلاثة بإذن الله تعالى وبركته ..

ووقتها تقدري تسافري وكمان تحصلي من لمبلغ أرباح لكن لا تضيعينهم في أي سفرة وتقعدي بعدها تتحسري على الفلوس !!!

انه عندي لج ثلاث اقتراحات

ياما تشترين فيهم ذهب لان الذهب زين وذخر

او تسافرين مثل ما قالت الاخت دلوعة بودي تروحين عمرة

او برايي تشتركين بجمعية بمبلغ شهري معقول وبجذي بزيد المبلغ وتقدرين تسوين اللي تبين

اتمنى اكون افدتج بشي

تقدرين تسافرين فيهم العمرة او صلالة

ليش ما تسوين منه مشروع بسيط شوفي نفسك مثل تعرفين تسوين قهوة وشاي لللاعراس او اكلات انتي تتفننين فيها سوي وبيعي شوف انت شاطرة فيها :87457:

السلام عليكم ورحمة الله وبركاته

إختي الغاليه …ما دام إنج وزوجج على قد الحال فكري كيف ممكن تستثمرين هذي الفلوس بحيث إنها تنفعج في وقت حاجه لا تتهورين وتفكرين في السفر ما بتستفيدين غير ضياع فلوسج على الفاضي صح ممكن تنبسطون في السفر لكن يوم بتمر عليج أوقات صعبه بتقولين يريت وياليت..

1- تقدرين مثل ما قلتي تاخذين طقم ذهب خالص بدون فصوص عيار 24 بحيث تستغلينه فترة إرتفاع سعر الذهب أنا أعرف وحده شخصيا ما شاء الله عليها تشتري الذهب وهو نازل وتبيعه يوم يكون في أوج الإرتفاع ما تتخيلين الفايده مو شويه يعني لو خذتي سويره ب 800 درهم مثال عادي بعد إسبوعين تصير ب 1000 درهم أو أكثر بس هذا المشروع يباله مراقبه حق أسعار الذهب .

2-ممكن تسوين بهم مشروع صغير تبدئين به من البيت يعني أنا بديت مشروع تصميم الجلابيات ب2000 درهم خلال سنه دخلت 50000 درهم بس بمجهود كبير … كنت أسوي جلابيات بسيطه بالكميات وانباعت بالهبل لأنها بسيطه وأسعارها حلوه.

أنا عندي وايد أفكار حق مشاريع بسيطه تبدئينها بمبلغ صغير إذا حابه تتواصلين معاي على الميل:
shamsiia@hotmail.com