وللأمانه إنه البارحة كنت أتصفح أحد المنتديات وحصلت الموضوع قلت خلني أعرض فكرة الموضوع ع خواتي العرايس عسب الكل يستفيد ويفيد
وموضوعنا هو شو المنتجات اللي اشتريتيها وشفتي إنها طاحت ابجبدج وطلعت تعيسة من ناحية الميك أب أو الكريمات الخاصة بالبدي أو منتجات العناية بالبشرة أو النيلز بولش ؟؟؟ واشلون قدرتي تستفيدي منه
والصراحة عجبني واااايد الموضوع من عدة نواحي
أولا : راح انوفر واااايد من الفلوس اللي راح انقطها ع أغراض مو شي بالمرة :yes:
ثاني شغلة راح يكون عندنا خلفية مسبقة عن الشغلات التعيسة اللي الواحد مايفكر يضيع وقته ويروح يتعنالها بالتالي تاخذ وقت أكثر في المشترى:thumbs:
والشغلة الأخيرة ماراح يتكس الميك أب عندي وأترس المكان ع شغلات تعيسة .
وأهم شي عندي راح يقلل هالشي من مستوى الإحباط اللي انعانيه لما نشتري منتج ويطلع تعيس.:durr:
حبذا لو فيه صور توضيحية من تصويرج أو من النت
أتمنى من الجميع المشاركة وعرض تجاربه عسب اتعم الفايدة وأنوه إنه الموضوع يخص المنتجات التعيسة اللي طاحت ابجبدج مع ذكر نوع بشرتج عسب مانخلط المواضيع ببعضها ونظلم منتج …
أتمنى الموضوع مو مكرر وأتمنى إنه يثبت لا لغرض ما في نفسي إنما والله العظيم لتعم الفائدة لأني قسم بالله العظيم واااااااااااااااااااااااايد استفدت من مشترياتكم ومواضيعكم عن الميك أب
فحابة أعرف أكثر واستفاد أكثر عن المنتجات التعبانة واعتقد الكل حاب يعرف ويتعلم >>> قولو نعم:poster_vt:
وأرد وأذكر الفكرة منقوله من إحدى المنتديات النسائية إنما الموضوع من كتابتي أنا:1_81:
تحياتي للجميع وأتريا مشاركاتكم:8875:
وإذا استفدتي من الموضوع لاتنسي اتقيميني لووووولز:21_184:
وودي اتابع بصراحه مافي بالي شي حاليا ..
ان شاء الله نجوف تجارب البنات ..
ياما شريت أشياء وطاحت بجبذي
واللي شريته وصج صج طاح بجبذي هو منتج من زهور الريف وواحد إسمه MULTI-ACTIF FLUID "SKIN CARE" يازعم هو منتج للعناية بالبشرة مثل اللوشن وفيه واقي للشمس بس من استخدمته طلع حبوب ببشرتي وصارت حساسة وحتى بنت خالي استخدمته بالأحرى انقص علينا ثنتينا فيه هههههه
والمنتج الثاني هو البياع نصحنا فيه ويا المنتج الأول عشان يسوق بضاعته هو كريم أساس بس جدا خفيف ويصلح للصباح من قمت أحطه ويهي كل أحمر صار فيه حبوب صغار وهذا إسمه INSTANT BEAUTIFYING COMLEX "COSMETICS"
وكان سعرهم اثنينهم بمايقارب 300-350درهم-ريال
بس لازم انتي اول من تعرض لنا المنتجات اللي طاحت بجبدج اسم الله على جبدج
صار عندي فضول اعرف ..
أول شي طاح في جبدي هو هذا
فاونديشن موس من ميبيلين، وأذكر انه سوى ضجججججه في المنتدى فرحت بسرعه اشتريته بس كلش ماناسبني
وانا بشرتي مختلطه بس هو يناسب الدهنيه أكثر
ثاني شي هو هذا الشي
من البدي شوب واسمه all in one
فاشل وايد والسبب الرئيسي هو اسفنجته، فتركته ماستعمله
بس بعدين رجعت واستعملته بفرشاة البودرة وصار أوكي، فيعني ماطاح في جبدي عدل خخخخخخ
وثالث شي هو هذا الشيء الفاشل جدا جدا
مسكارا بن ناي، انا استعملت السوده
فاشله بكل ماتحمله هالكلمه من معنى
ماتسوي شي للرموش ولا تغير منهم، وغير جذي يصيرون يابسيين يعني لو مسكتيهم بقوة تحسينهم بينكسرون :ss:
وبسسس هذا اللي في بالي الحين
وطاح بجبدي انبولات ايفا بالصبار ..
ملاحظه هذه صور من الانترنت مو تصويري
بس مافي شي جاي على بالي
كحل سمايلنج صج اسود بس اتعس من التعاسه تعطسين الا ساح لي نص خدج ابدا ماعجبني
كريم اساس ديرماكول احسه شي رخيص وفاشل ومصطنع على البشره ودقايق الا هو متقطع على البشره
بودرة برجواز الذهبيه للبرونزاج اللي علبتها نفس الشوكولا حسيتها مب ذاك الزود مايله على اللون الاصفر احسه تعطي شحوب للبشرة