الله يسعدكم يابنات ساعدوني في مشكلتي واللي بترد علي وتساعدني ابدعيلها من كل قلبي
احنا هالحين في التشطيبات النهائيه لبيتنا الجديد وانا محتاجه بعد الله لمشورتكم ومساعدتكم
عندي في الدور الثاني صاله طويله 4×13وتقريبا 8×4منها مرتفعه درجه واحده عن الثانيه والدرجه على شكل متعرج مثل حرفsوفي اخرها زجاج كبير على شكل دائره مطل على الحديقه.
والصاله الواطيه تزيد متر واحد في العرض يعني 5×5ويفتح عليهاباب المدخل للدور الثاني ومقابل له قوس مفتوح على موزع يروح لغرف النوم وبجانب باب المدخل على يمينه يفتح باب المطبخ. وعلى يساره لكنه يبعد عنه 3متر تقريبا يفتح باب غرفة المعيشه على جنب يعني الابواب جايه على شكل حرف L بس بالمقلو ب يعني الصاله الاولى مافيها الا جدار واحد مافيه باب وهو على يمين الداخل للدور الثاني الزبده يابنات انا محتارة في البويه وما ينا سبها من الاثاث علما بأن الارضيه بورسلان لونه بيج ومحدد بحزام بنقشه بني فاتح وغامق .انا فكرت اخلي الصاله المرتفعه لون زيتي فاتح. والصاله عند المدخل اعتقها بلون اصفر طافي معتق تعتيق خفيف بلون ترابي او بني فاتح واخلي حول القوس بويه مكسيكي اللي تجي فيها بروزات في المعجون وتعتق بنفس لون باقي الجدران سؤالي هو:
1هل الالوان اللي اختر تها مناسبه ومتناسقه مع بعضها واذا الجواب( لا )ماهي الالوان المتناسقه اللي ممكن اضعها مع العلم اناللون المشمشي والاصفر منجاوي والبيج والترابي قد حددتها للدور الاول في مجلس الرجال ومجلس النساء والصاله وغرفة الطعام او (المقلط)وما ابغى اكررها.
2واذا الجواب( نعم )اذن ماهولون الاثاث المناسب في كل صاله ولون الستاره وقماشها وكم طقم اضع فيها علما باني سوف اضع سفرة الطعام فيها امام المطبخ. لكن لابد ان تكون الوان الاثاث غامقه حتى لا يبان عليها الاوساخ والبقع من الاولاد الله يصلحهم وهل ينفع اللون الموف في الكنب مع جدار زيتي ,والارفف هل اعتقها بنفس لون الصلله اغمق اوافتح والا اخلي لها لون غير وماهي الاكسسوارات التي ممكن ان اضعها في الصالتين علما بان ي ممكن اسخدم الصاله في استقبال بعض القارب والاصدقاء.
3غرفة المعيشه تفتح في الصاله الواطيه بخلي بويتها ساده لكن محتاره في اللون لاني اريد معها كنب غامق شوي
4سقف الصاله كلها فيه جبس على شكل اعواد خشب مستطيله مع الاطراف فقط ومكان الابجوره في كل صاله ابجوره .هل اعتق السقف لون بني غامق اولون خشبي.
آسفه على الاطاله عسى فهمتوا علي …….الله يخليكم يا أخواتي العضوات والمشرفات خاصه ردوا علي بسرعه لأن بعد يومين بيبدأون يضربون البويات لاتطنشوني تكفون.
دربك خضر انشالله 
الألوان حلوة كما ذكرتي لكن هذا لا يمنع أن أقول لك نصائحي أنا الأن في مرحلة الصبغ والتأثيث
وبقول لك الصباغ لازم لازم يكون ذوق وشفتي شغله من قبل
وأذا شفتيه ما يناقش وكل شي يقول اوككيه فاعلمي انه لن يبدع بس راح يسوي اللي تبين وبس
فهذا الله يعينك عليه
شوفي حبيبتي خلي الوان الصالة متناسبة ومتقاربة جداً خلاف لغرف النوم اللي تكون كل وحده لون مختلف عن الأخر
وصالتك يا طويلة العمر
ماشالله طويلة مره أنا صالتي 4×7 ومتوهقة فيها وقبل لا تصبغين روحي محلات الأثاث وشوفي الألوان النازلة وعلى أساسها يكون الصبغ وباقي الشغلات
وتحياتي
مرايم السعودية
وين باقي العضوات ؟
شوفي حبيبتي بما ان صالتك كبيره فممكن تستخدمين اكثر من لون على الجدران وهذا طبعا يعتمد على تقسيم الأثاث بمعنى لو ان عندك جدار حاسه ان بروحه ما مرتبط كثير بالجدران الثانية هذا ممكن يكون لونه غامج ودرجة الغمق تعتمد على السقف ايضا بمعى لو ان بالسقف مثلا اصفر يميل للذهبي فممكن تكون الجدران لونها بدرجات الذهبي الفاتح وجدار واحد ممكن يكون لونه عنابي ( مارون ) وتعلقي عليه اكسسوارت ذهبية والجدار الفاتح تعلقي عليه اكسسوارات عنابية والاثاث طبعا يكون بدرجات الذهبي والعنابي بصراحه هذا يكون راقي وملكي كثير … ممكن ايضا درجات الآزرق تتوزع بين الجدران على ازرق فاتح وكحلي ويكون الاثاث والسقف أبيض هذ بيكون جنان .. اما اذا عندك اشياء خشبية مثل مكتبه وغيره راح ينحط بالصالة فممكن تكون الصالة بدرجات البيج والبني وحتى هذا يكون شي …
اتمنى اكون افدتج ولوبشي بسيط تراني باديه اصدق اني مهندسة ديكور وكله من اهلي وربعاتي كل ماوحده فكرت تبني تتبناني لين تخلص بيتها بس بصراحه بديت استمتع بهالسالفة . اتمنى لك التوفيق .
انت قلتي اذا فيه جدار بروحه ممكن نصبغه لون غير هذي فكره حلوه وتعجبني لكن انا صالتي مثل ماشرحت فوق واحده جايه في مدخل البيت وهي واطيه والثانيه مرتفعه
هل ينفع احط كل واحده لون الالوان اللي قلتيها والله رائعه ابيض وكحلي وبني وبيج بس المشكله ان هذي الالوان مااقدر احطها عندي علشان الاطفال الله يصلحهم
اللون الذهبي مع العنابي عجبني بس هالون مفكره احطه في الصاله اللي تحت في الدور الأول
اذاممكن تقولين لي الوان اخرى ممكن اضعها للجدران وش رايك في اللونين الاصفر والزيتي وايش الاثاث اللي ينفع معاها
وابغى منك طلب الله يسعدك تنزليلي صورة بويه بالون الذهبي وجزاك الله خير
آسفه تأخرت عليك , بس هاليومين عندي إمتحانات
وشوفي الزين معاي
هذا موقع أستفدت منه كثيييييييييير
لأنه يعطيك أفكار تكونين غفلتين عنها
هذا لون غامج بس يضيق المكان
وهذي جاية على لون صخري طبيعي
وهذا طراز صيني
يكون زاويه مو كل الصالة
وهذا الموقع
http://go.3roos.com/g5XSYceUWx0
وأنا بصراحة أخترت الألوان الترابية الفاتحة والمعتقة
وعندي لك فكرة حلوة بعدني ما نفذتها
وهي السقف أصبغيه بلووووووووون السماء الأسود الكحلي
وبعدين قولي للصباغ نجوم باللون الفضي ( الفضي مو غيره )
على السقف
وتحياتي لك
مرايم السعودية [/glow1]