صراحه هذا الشي الوحيد اللي نفع مع ~ هالاتي السوداء ~ 2024.

.. السلام عليكم ..

اخباركم ؟؟

.. انشالله بخير ..

.. الموووهيم ندخل في الموضوع بس اول شي بقول لكم معاناتي ..

انا صراحه كنت اعاني من هالات مو بس تخرع 😮 ..

..و انا عن نفسي من النوع اللي ما احب احووس في عيني << يعني خلطات ..

..جربت قبل فتره مبشور البطاطس لمدة اسبوعين وللاسف مانفع معاي (n) ..

.. و جربت مره خلطه هنا في المنتدى بس ما اذكر ايش هي الخلطه بس الزبده ..

.. انك تحطينها 20 دقيقه سويتها مره و ما جربتها مره ثانيه مادري ليش ..

.. فالنهايه وحده من صديقاتي ماشالله عليها بشرتها تهببل و مافي حوالين عينها سواد ابد ماشالله ..

.. قالت لي اكلي سلطه كل يوم انا فالبدايه سفطتها ..

.. بعدين قلت اي والله ليش ما اكل كل يوم سلطه شفيها يعني !! ..

.. اللحين صار لي اسبوعين اكل سلطه << مع العلم اني ما كنت احب اكل سلطه ..

.. وصراحه عودت نفسي على هالشي و اللحين الحمدلله الهالات خفت وااجد ..

.. وبشرتي صارت شوي نضره و مورده ..

..وانشالله مع الاستمرار تروح مع العلم انا صرت خلااااص مداومه على السلطه ..

.. واقول لكم على مكونات سلطتي << خخخ ..

..خس + خيار + جزر + طماطم + فلفل بارد + زيت زيتون + عصير ليمون ..

..واحيانا احط جرجير يعني على حسب اللي في البيت ..

.. و انشالله تستفيدون من تجربتي و خصوصا لان هالمشكله تجي من الداخل ..

.. وللامانه هذي تجربتي الشخصيه واذا عجبكم الموضوع لاتنسون التقييم ..

واي سؤال انا حاضره

تمام حبيبتي لأن السلطة فيها فوائد غذائية حلوة كثير
بنفس الوقت لازم تشربي كثير ماي ولاتتعبي عيونك بالتركيز الي ماله داعي
ولاتسهري بعد كثير
إن شاء الله راح أكتب موضوع طريقة جديدة لحل مشاكل الهالات السوداء حول العيون
وبرسل رابط الموضوع
يعطيك العافية ع الإفادة
تسلمي ..

فيه العافيه..هع هع

مشكلتي ماحب السلطه

يمكن الخس والخياار ايي لكن الباقي لا

وانا بني مو اسود

ان شاءالله اشوف خلطه تنفعني بدون طماط<<اتموت ولا تاكل طماط

يعطيج العافيه حبيبتي

وان شاءالله ترووح بالمره ولا عاد اتشوفينها

ميرسى
…

ان شاء الله بجرب السلطة

تحياتي

http://forums.3roos.com/t495226.html

هذا رابط الموضوع مثل ماوعدتك

تسلمين حبيبتي على الوصفه وان شاء الله اداوم عليها لان بشرتي وايد تعبانه وحتى شعري تعبان
مشكورة على الموضوع وتستاهلين التقييم

//

آنا ماحب السللطه بس بغسب نفسي الحمدلله على النعمه

ذكرتيني بمرت عمي من آهل الشآم كل ماتشوفني آكل على غدى ولآ أي شي

تقول لي

عيوني / كلي خضرآ

وآنا يضيق خلقي لآ قالت لي جذي

ماكنت ادري تبي فايدتي

هههههههههههههههههههههههههههههه

يسسلمو عسسسل ولله

انا الحين الحمدالله خافه عني بطلت السهر في الليل
واول مااقوم من النوم احط كمادات مويه بارده عليه

الله يعطيك العافيه