صفحة الوفاء صدقة جارية 2024.

كفكرة بسيطة جدا للى هنعمله بإذن الله
أولا …
نعمل الصفحة دى طول العمر للوفاء ونسميها{صفحة الوفاء} .. كل واحد يقرا لكل أموات المسلمين جزء أو أجزاء من القرآن … أى جزء بدون تحديد .. ولو وقته مش هيسمح ممكن يقرا ولو سورة زى سورة {يس} ويوهب ثوابها لكل أموات المسلمين …
ودا هيكون فى أى وقت وفى أى يوم
كل واحد بعد ما يقرا اللى ربنا يقدره له انه يقراه .. يدعى ليهم باخلاص ويفتكر ساعتها أد ايه احنا هنكون محتاجين للدعاء برده لما نكون معاهم …
ثانيا …
نطلع كل فترة ولو صدقة واحدة ان شاالله حتى جنيه كل شهر صدقة على أرواحهم كلهم واللى مش قادر مفيش مشكلة ومن غير يوم معين ولا حاجة…..

ومن المشاركات بعد كده إن شاء الله هتعرفوا كل حاجة عن يوم الوفاء وعن أسرتنا أسرة صناع البسمة ….
وضرورى لازم كلنا نقرأ المشاركة رقم تلاتة فى الصفحة دى اللى هى صفحة رقم واحد }
دا هوه المشرو ع بتاعنا اللى نفسى نحققه ..
وماتتخيلوش مدى السعادة اللى هنكون فيها لما نحقق المشروع دا ونوصله لأكبر عدد ممكن من الناس ….

أحبابنا محتاجين لنا واحنا هنكون محتاجين للى بعدنا …..
كل واحد يحاول ينشر الموضوع دا فى كل ساحات المنتدى ….
عايزين كل الناس معانا …
كل واحد يقول لأهل بيته وقرايبه وأصحابه وكل واحدة تقول لصاحباتها وكل الناس فى كل مكان ..
عايزين كل الناس يشاركونا الوفاء …

كل واحد هيدخل معانا فى المشروع دا بسببك هيكون لك اجر كبير ….
زى ما بنصنع الحياة للأحياء …
يلا بينا نصنعها للأموات ….

كل حد فينا يحاول قدر الامكان يدخل كل يوم ولو دقيقتين يطمننا عليه ويشاركنا فى الأسرة ويدعى لأحبابنا ويقولنا هو عمل ايه ليهم يعنى قرأ قرآن ووهب لهم ثوابه أو استغفر لهم أو طلع صدقة على أرواحهم علشان دايما نشجع بعض على الخير
{وفى ذلك فليتنافس المتنافسون}

6-أسرتنا الجميلة دى اسمها
( أسرة الوفاء)
و
(أسرة صناع البسمة)
اجتمعنا على حب الله وبنحب بعض فى الله ولله
بنخاف على بعض وبنحس بآلام بعض
فرح أى حد مننا فرح لينا كلنا وحزن اى حد فينا حزن لينا كلنا
بنفضفض لبعض وبنحاول نخفف عن بعض الهموم والأحزان
هدفنا واحد وهو اننا نكون بجد صناع للسعادة لأحبابنا اللى عايشين معانا وأحبابنا اللى رحلوا عنا.
ربنا يجمعنا دايما على محبته ومايحرمناش من بعض أبدا ومايفرقناش عن بعض أبدا ..اللهم آمين ..آمين ..آمين .

تذكرة فحسب
علشان نذكر بواجبنا تجاه أحبابنا اللى رحلوا عنا
بنقرأ قرآن ونوهب ثوابه لأحبابنا وندعى ليهم ونطلع صدقة على ارواحهم
وده طول السنة مش فى يوم معين ولا حاجة
يعنى مفيش تخصيص ليوم خااااااااااالص
ومفيش إجبار على أى حاجة ولا تخصيص لأى حاجة وكل حاجة مفتوحة تماما والحرية فيها مكفولة تماما
وطبعا قراءة القرآن والدعاء والصدقة ليست بدعة
والمسميات كلها اتلغت
وبكده إن شاء الله نكون بعدنا عن الشك والشبهات
وقفلنا كل أبواب الاعتراض بإذن الله)

اللى عايز يقرا ويدعى هنا ماشى
واللى عايز يقرا ويدعى لوحده ماشى
واللى عايز يطلع صدقة ماشى
واللى مش قادر ماشى
واللى مش عايز يقرا قرآن ويوهب ثوابه ليهم ماشى
يدعى وربنا يتقبل منه ومنا كلنا يارب

كل اللى احنا عايزينه هو هدفنا الأساسى

الوفاء
وبس

منقول

أحب أن أشكرك لنشاطك وحبك للخير ..

نسأل الله أن يرحم موتى المسلمين ويرحمنا إذا ما صرنا إلى ماصاروا إليه

ولكنى أود أن ألفت انتباهك لأمور منها

فتوى…

هل يجوز قراءة سورة من سور القران بنية ايصال اجرها الي ميت ….وهل هناك سور معينة كسورة يس ؟؟
وهل اذا دفعت صدقة نويت انها للميت الفلاني تصل له وماهي درجة الثواب؟؟

وأما الاجتماع لقراءة القرآن وإهداء ثوابها للميت فهي بدعة ، ولو لم تكن بأجرة . فإن كانت بأجرة فهي حرام لأنها عملٌ لغير الله وما كان كذلك فلا ثواب فيه ، وأما أن يقرأ الإنسان القرآن ويهدي ثواب القراءة لقريب أو صديق من غير اجتماع ولا أجرة ففي ذلك قولان لأهل العلم أحدهما : أنه جائز وأنه يصل ثواب القراءة للميت .

والقول الثاني : أنه لايشرع إهداء ثواب القراءة لعدم الدليل على مشروعية ذلك .

ثالثا :

وأما أن يعمل أهل الميت قراءة قرآن خاصة ، ويدعو الناس للطعام بعد ثلاثة أيام ، وبعد أربعين يوم فبدعة . وكل بدعة ضلالة ، وقد قال رسول الله عليه الصلاة والسلام : " من أحدث في أمرنا هذا ما ليس منه فهو رد " . فهذا العمل المذكور محدث في الدين فهو مردود ومن يفعله مأزور غير مأجور ، وأما دعوى أن روح الميت تزور البيت بعد أربعين يوما لتحصل على الأجر فكذب ، ولا أصل له ، وقد صدق من قال لك : أن النبي عليه الصلاة والسلام وصحابته لم يفعلوا شيئا من ذلك ، وقد أحسنت أيها الأخ الكريم بسؤالك عما أشكل عليك ، وحرصك على معرفة سنة الرسول عليه الصلاة والسلام ، والعمل بها ، وهذا هو الحق اللائق بالمسلم أن يكون همه أن يعرف الحق ليتبعه ، ويعرف الباطل ليتجنبه .

نسأل الله أن يثبتنا وإياك على الصراط المستقيم . وصلى الله على نبينا محمد وآله وصحبه وسلم .

الشيخ عبد الرحمن البراك (www.islam-qa.com)

كما أن هذا الموضوع قد يُعتبر نوع من أنواع الذكر الجماعى فى المنتديات