بغيت منكم مساعده صغيرونه ..
ممكن حد يخبرني شو أحسن نوع لصوص الصويا عشان استخدمه للنودلز والاكل الصيني ؟؟؟
وبعد شو احسن نوع من النودلز ؟؟
يعني أقصد اللي اييج مثل الاندومي ؟ او الثاني اللي اييج بأكياس ؟؟
احسن نوع صويا صوص بالنسبه لي اللي يجي في غرشه مثل غرشة الماي ما اعرف شو اسمه اسمه صعب kikom شي من هذا القبيل
واللي خلاني اشتريه اني كل ما رحت مطعم صيني يكونون مبرزينه فوق رفوف المطبخ
وهو يجي نوعين نوع النوع العادي المالح ويكون سائل يوم بتحركين الغرشه بتلاحظين
والنوع الثاني يجي ثجيل وعليه صور مشاوي على الغلاف وهو يكون حلو شوي بس بالفعل جربيه على المشاوي روعه
وبالنسبه للنودلز انا استخدم احيانا اللي يجي مثل الإندومي بس ما أخليه مثل الشوربه ,, يعني اقلي خضار وأحط معاها الصوياصوص العادي وأحط البهارات اللي تجي وياها وبعدين احط النودلز بعد ما افورها فوقهم وشوية بيض مخفوق ,,
اما الصوص الصويا الحلوه خذي ماركه ماجي او نفس ماركة شطه السومطره ان شاء الله عرفتيها
تحياتي لك