●▪▪▪
مساائكم – صبااحكم جوري أحمر .. و عود زاكي مبخر
أخبااركم ؟!..
بداية , أحترت وين أنزل موضوعي ؟!..
في ركن ( المكياج أو الأزياء ) ,
عموماً لو كان الركن الخاطىء .. أتمنى من خواتي المشرفات ينقلونه 😉
▪▪▪●
عموماً !..
صار لي فترة طويلة مجمعة لكم مواضيع 😮
بس للآسف وقتي ما يساعفني إني أنزلها على عروس
فأعذروني ,
●▪▪▪
هالسنة ,
وتحديداً بتاريخ 4-11-2009 م
كان أجمل يوم ميلاد يمر بحياتي ( 21 Year )
منها يوم ميلادي , ومنها كانت عندنا حفلة خطوبة لإنسان غالي جداً وعزيز
وهو ( خالي )
أتمنى له كل التوفيق والسعادة والهنى .. والله يتمم زواجه على خير
▪▪▪●
وكنت حابه أني أسوي لي شي سبشل ومميز
كونه يوم ميلادي & بنفس الوقت .. مناسبة غالية جداً
ورتبت كل شي !..
في ستايلي & لوكي
بعد ما شريت الفستان , :thumbs_up:
وقبل كل شي يا بنات
( ذكروا الله .. وصلوا على النبي )
( ذكروا الله .. وصلوا على النبي )
( ذكروا الله .. وصلوا على النبي )
●▪▪▪
بعد جولة متعبة في أنحاء الخبر – السعودية
أستقرينا على مجمع ( المارينا مول , في الدمام )
وأشترينا منه الفساتين
وكنت جداً محتارة ومتعبة في إختيار الفستان
لأني ما لقيت شي يلائم ذوقي بسهولة
أنا ذوقي دائماً وسط
ما أحب الشي الناعم زيادة عن اللزوم , ولا أحب الشي المبالغ فيه والدفش
أحب الشي الفخم .. الزاهي .. وراقي ونعومي بنفس الوقت
وقع الإختيار على فستاني ( الأزرق – لون البيبسي ) مع شك هندي فخم ذهبي :!!:
سعر الفستان الأصلي 120 دينار , وبعد التخفيض 105 دينار
موديله .. موديل السمكة أو الحورية
قولوا , ما شاء الله :
" ذيل الفستان , وصور توضيحية للشك "
" قصة الصدر .. و وشاح الفستان "
▪▪▪●
بعد ما شريت الفستان , أرتاح قلبي هههههه 
لأني بقدر بعدها أبتدي كل تجهيزاتي براحة
لكن , بسبب ضيق الوقت , وكوني كنت منشغلة بعض الشي مع خالي & خطيبته
أغلب الأشياءات إلي شريتها وحجوزاتي .. كانت سريعة , سريعة
قررت إن تكون مجموعة إكسسوراتي
مكس بين الأزرق & الذهبي
شريت لي شوز – عزكم الله – .. ذهبي
موديله راقي ونعومي , بس أبد مب مريح في اللبس ههههههه 
●▪▪▪
كنت ناوية أخذ إكسسوراتي , من السعودية
بس لضيق الوقت شريتها من البحرين !..
وشريتها في وقت بدل ضائع مثل ما يقولون ,
وبعد تفكير .. وحيرة
قلت بما إن الشك إلي بالفستان شبه هندي
ليش ما أخذ أساور – مضاعد – هندية ؟!. ^o)
كونها فخمة وبنفس الوقت بتكون ملفتة وحلوة
شريت لي مجموعة منوعة من الأساور وأنا شخصياً نسقتها
خذيتها من بوتيك ( مرمرة ) – سوق واقف " شارع البليارد "
وهو متخصص بلأكسسورات الهندية وعندهم أشياءات تهووووووووووووووس :adore:
▪▪▪●
وطبعاً بما إن الأساور , كانت ثقيلة وفخمة
ما حبيت أكثر بأكسسوراتي
وشريت خاتم & تراجي – حلق أذن – ذهبية سادة
من ( مدهش ) – فرع جد علي
لأن ما حبيت كل شي يكون أوفر
+
●▪▪▪
( فااااااصل .., ) 😎
بإنتظار اليوم الموعود .. ليلة الخطوبة
كنت أهتم بنفسي
سويت لي ( بديكير & منيكير ) – ( واكس ) – ( حفاف )
وكنت ناوية على الحمام المغربي , بس للآسف ما حصل لي الوقت
وتحنيت عند الحناية " حميدة / أم محمد "
أحنا بلأساس كنا حاجزين الحناية ( أم فاضل ) وقالت بتجي تحنينا مع بنتها
لكن!..
أعتذرت مننا وقالت زوجة أخوي بتجي تحنيكم
وإهما قروب يحنون مع بعض .. وحناهم روعة ومرتب جداً وغامق للعادي!.. 😉
▪▪▪●
يوم الحفلة!..
كان يوم حافل ومتعب جداً
حجزت للمكياج ( شريفة فولاذ ) ميك آب بو 30 دينار
وقالت لي أنا معاي كوافيرات يجون البيت ( فوزية , عايدة النعيمي )
فحجزت مرة وحدة الشعر عندها .,
عند الكوافيرة المبدعة ( عايدة النعيمي )
/
/
/
الميك آب .,
كان لون البودرة مثل لون جسمي , طلبت منها ما تفتحتي ولا تسمرني
تخليني بلوني الطبيعي , وفعلاً صادت اللون بسهولة وإتقان
والميك آب!..
طلبت منها تسوي لي شي مميز وزاهي جداً
مكس بين ( الأحمر & الأزرق .. والذهبي )
وسوت لي حواجبي " جاينيز " – أخفتهم بعجينة الواكس
والحمد لله بدعت , بدعت , بدعت فيني
مكياجها كان ثابت ومرتب ومتقن !..
وكان تقريباً مثل هالمستوى من الدمج ولكن كان أفخم وأحلى :
( ملحوظة / الصورة مؤخوذة من موقع الماكيرة .. وليست صورة شخصية ) 😉
/
/
/
وكانت قصة الحواجب الجاينيز + رسمة الكحلة + إمتداد الآيشادو مشابه تقريباً إلى هالصورة :
ولون توضيحي للروج الأحمر :
والحمد لله كنت راضية بمكياجي ,
●▪▪▪
التسريحة ..,
كانت مثل ما ذكرت من يد المبدعة / عايدة النعيمي
وهي متخصصة ومتقنة تسريحات الويفي بجميع أنواعها
سوتني ب 30 دينار " شاملة الحشوات .. والإكستنشن – الوصلة – "
وكنت جايه لها وشعري أوردي مستشور من قبل
توفيراً للوقت & الفلوس ,
كانت تسريحتي مشابهة بنسبة 95 % هالتسريحة
بس الفرق إن أنا ما كان شعري كله على ورى .. كان في فرق بالنص , والويفي من جدام أكثر
وبدل الوردة .. أنا حطيت إكسسوار
نعومي ودارجة موضته
مثل القلادة
وكان 3 طبقات
بس أنقصت طبقة منه 
ويتعلق على الجانبين
( ملحوظة / الصور موضحة على شعر إكستنشن " صناعي " .. وليست صورة شخصية )
▪▪▪●
المناكير .,
شي ضروري ومهم بالنسبة لي هههههه :hysterical:
أخترت طبعاً اللون الأحمر
وسويت المناكير بروحي , وكان جذي بالضبط !..
" صورة توضيحية من النت "
●▪▪▪
طبعاً قبلها بليلة كنت مبخرة فستاني .. آآآآآآآآآخ يا حبي للبخور , :adore:
وكانت ريحته روعة
بس طبعاً قبل الإنطلاق للصالة
تعطرت بعطري الفرنسي ( غولسي آند غابانا ) .. ريحته روعة , وجداً مناسب للأعراس :biggrin:
وطبعاً مالي غنى عن العطر العربي
أستخدمت عطر ( البنفسج " دهن " – من سيد جنيد )
ريحته مركزة أكثر من البخاخ
وعموماً , أنا أعشق هالعطر 😮
حطيت لي على معصم اليد و ورى الأذن .. , لأن بهلأماكن الريحة تفوووووح .. أماكن النبض :p
▪▪▪●
وأنطلقت إلى الإستديو ( لؤلؤة الخليج – جد علي )
ومن بعد التصوير , رحنا الحفلة
وبثثثثث , خلاص
●▪▪▪
إن شاء الله يعجبكم موضوعي
وما أبي منكم إلا دعوة صادقة من القلب ( للتفريج عن همي )
وإلي تحب موضوعي .. يسلم قلبها , وعن جد فديتها , إذا قيمتني 😮
يفرحني ويسعدني تقييمكم
/
/
/
تنبيه أخير :
ما أقبل .. ولا أحلل .. أي وحدة تنقل موضوعي لمنتدى ثاني 😡
لأنه مجهودي الشخصي , وحصرياً على { عروس }
وإلي بتنقل موضوعي بأي شكل من الأشكال .. في ذمتها
رووووووووووووووووووووعه الفستان والمعاضد بعد
والاروووع انتي فديتج اكيد طالعه تهبلين
وبالمبارك خطوبه خالج وعقبالج يارب
وكل عام وانتي بخير وعقبال مية سنه .. ومبروك لخالج وربي يوفقهم ويتمم لهم على خير ويوفقج انتي ويرزقج بالزوج الصالح وعقبال خطوبتج يارب
ما شاء الله تبارك الله كشختج تهبل وخاصه الفستان
وعقبالج يا الغاليه
تحياتي,,
ماشاء الله الف ماشاء الله
اكيييد طلعتي اجمل من عروووس
فستان خووش ماشاء الله و كل شي رهيييب
ان شاء الله عقبالج ياحبيبتي
ماشاء الله ياحلومة
الله يحفظج غناتي // بس السمووحه ما رمت اقيمج !!!
وآلف مبروووك لخآلك وآلله يتمم على خير ~ وعقبآلك يآحلووووه . .
مآشآء آلله آكيد طآلعه قمر ~ ربي يحفظك . . }
موفقه اختي والله يفرج همك
تباارك الرحمن
كشخة
مبين عليج ذويقة
عيني عليج باردة ..
مع انه الفستان حبتين مو ستايلي
لكن فخم
الله يحفظج يارب وعقبال ما نشووفج عروسة
و ألف مبروك لخالج الله يهنيهم ان شاء الله
ويرزقهم الذرية الصالحة
ماشاء الله تبارك الرحمن
كلشي حلووو
كل عام وانت بخير وربي يفرج همك و يسعدك
والله يتمم لخالك بالخير يارب
تستاهلي التقييم