كيف أحوالكم يابنات؟ عيد سعيد ولو إنها متأخرة شوية
النهاردة حاقدم لكم طبق انا عن نفسي باحبه، ويارب يعجبكم
الاكلة زي ما اكيد قريتم في العنوان هي طاجن الفريك باللحمة المفرومة.
وإحقاقاً للحق الوصفة دي مش بتاعتي…دي بتاعة أختي نقلاً عن حماتها رحمها الله…يعني عشان حقوق الملكية المطبخية يعني
نبدا بالمقادير
زي ما نتوا شايفين في الصورة المقادير فريك وشوربة وحليب وعصير طماطم ولحمة مفرومة معصجة وطبعا ملح وفلفل
الطريقة
الاول ننقي الفريك إحتياطي…أوقات بيبقى فيه شوائب
وبعدين ننقعه حوالي ساعة في مياه عادية
وبعدها نشطفه ونحطه في حلة ومعاه شوية شوربة ويغلوا على النار
لما الفريك يشرب الشوربة ننزله من على النار
طبعا لسة لم يتم النضج…هو بس اتسلق تقريبا
بعد كدا نجيب الطاجن أو الصينية اللي حنعمل فيها الفريك
ندهنه بالسمن او الزيت حسب الرغبة وبعدين نفرد فيه نص مقدار الفريك(انا كنت عاملة كيلو الا ربع تقريباً)
وبعدين نفرد اللحمة المفرومة على كل الصينية
وبعد كدا نحط باقي الفريك على وش الصينية
طبعا الصينية مش حتبقى مليانة للآخر
المهم بعد كدا نضيف عصير الطماطم على الحليب ومعاهم الملح والفلفل حسب المذاق
وإذا عاوزين اي توابل تانية كل واحد ومزاجه
ونضيفهم جميعاً على الصينية
ودا شكل الصينية بعد إضافة العصير
طبعاً مش حنغرقها…تقريبا كوب حليب وكوب عصير طماطم فقط
بعد كدا نحط على وش الصينية قطع سمنة صغيرة
وبعدين ندخل الصينية الفرن من تحت لحد ما تغلي وما يبقاش فيها سوائل
بعد كدا نرفعها تحت الشواية عشان تحمر، بس ما تنسوهاش عشان ما تنشفش
ودا شكلها بعد مااتحمرت
وبعدين ممكن نقطعها بالسكينة مثلثات عشان نعرف نطلعها من الصينية
طبعا حتنزل مفرفرة لإن مفيش حاجة ماسكاها
دا شكلها من الجنب
بس يعني أهو شكل والسلام
وبالهنا والشفا
ويارب تعجبكم
ملحوظة هاااااااااااامة:
فتيكة بنت أختي شاركت معايا في إعداد هذا الطبق رغم إنها كانت متخوفة منه
بس بعد ما داقته قالتلي تسلم إيدك ياخالتو
لما نشوف حتقولوا ايه
في إنتظار تعليقاتكم:wink:
سلام
بس يا ريت تصغري الصور
ويعطيكي الف عافيه
 |
اقتباس |  |
 |
المشاركة الأساسية كتبها ماذا اقول  |
 |
 |
|
تسلم ايدك يا قمر على الاكله الحلو ه
بس يا ريت تصغري الصور
|
||
 |
 |
مشكورة أختي على مرورك. الله يسلمك من كل شر.
بس للأسف مش عارفة اصغر الصور ازاي…تقريبا لقطتها بأعلى كفاءة للكاميرا…اصلي كنت صايمة.:o
شكراً جزيلاً وفي إنتظار رأيك بعد ما تدوقيها
شغل عدل ومرتب
يعطيك العافية ياقمر
ننتظر جديدكك
يميميمي شهيتيني فيه :essen:
الصراحة طعمه لزيييييييييز اوي يابنات :21_21::21_93:
تسلم ايدك يااحلى خالتو 
|
اقتباس | |
|
المشاركة الأساسية كتبها فتيكة |
|
|
| يميميمي شهيتيني فيه :essen: الصراحة طعمه لزيييييييييز اوي يابنات :21_21::21_93: تسلم ايدك يااحلى خالتو |
||
|
|
انت تسلميلي يا أحلى فتوك…حتوحشوني كلكم والله
الله لا يحرمني منكم أبداً
|
اقتباس | |
|
المشاركة الأساسية كتبها ^ السفيرة^ |
|
|
| ماشاءالله يشهههي
شغل عدل ومرتب يعطيك العافية ياقمر ننتظر جديدكك |
||
|
|
جزيل الشكر لك أختي.
المهم تدوقيه ويعجبك فعلاً
صحتين