وطريقته سهله وجميله اوى
اولكشي دى المكونات
رز – فلفل الوان ( المفروض يكون في فلفل اصفر بس ملقتش ساعتها 
) _ قرفة – بصله مفرومة -مكعب ماجى- وملح وفلفل اكيد
الاول لازم الرز يطلع بني عشان كده خدت نص البصله المفرومة وشوحتها ف معلقه زيت
وسبيتها لحد ما اتحرقت وبعدين حطيت مقدار الميه الى هنحطو ع الرز ومعاه مكعب المرقه ونسيبهم يغلو غلوة واحده هيبقو كده
بعدين ف الحله الى هنعمل فيها الرز نحط نص البصله التانيه المفرومة تدبل ف معلقه زيت مع مراعاه اننا حاطين معلقه ف ميه الرز الى احنا عملناها
بعدها نحط الفلفل الاحمر ثم الاخضر يتشوحو مع البضله ويدبلو
وبعدين نحط الرز ونقلبو دقيقه كده معاهم عشان ياخد الريحه بتاعة الفلفل ومعاه ملح وفلفل اسمر
وهنا حطيت رشه قرفه كده بسيطة حسب الكميه انا الكمية صغيره عشان كده حطيت رشه بسيط ( ونراعي ان كتر القرفه بيمرر
وبعد ما قلبناهم لمدة دقيقه عالنار صفينا المايه الى عملناها بالبصله المتحمره اوى ومكعب المرقه ونحصفيهم ونحطهم عالرز وده الشكل
وده بعد ما الرز استوى وخد اللون البني والقرفه
*طبعا انا محبتش احرق البصله ف نفس الوعاء الى هعمل فيه الرز وعملتو ف طاسه تانيه عشان اولا البصل المحروق كتر الغلي فيه بيمرر الاكل ثانيا هيعمل نقط سوده فالرز
————–
وده الشكل النهائي قدمتو مع دجاج السماق والفلفل الالوان
وبالهنا والشفا يا بناااات
يسلمو هاليدين
و تستاهلين أحلى تقييم
بانتظار جديدك
ويعطيكِ العافية