الحمام المغربي يبيض الجسم ويشيل كل الخلايا الميته ،، وكثير منا يجيبو حريم متخصصين بالحمام المغربي ، او يروحو صوالين خاصه فيه ،،،،
ولكن الحمام يحتاج انك تشيلي كل ملابسك ،،:eek2: وكذا حتبان عورتك قدام حرمه غريبه ،،:pain: ،، وهذا حرام ومايجوز ………………
وكمان بدل ماتخسريلك في المره الوحده ميه او ميتين ريال ،، وكمان ناس يعملوه ب ثلاثميه وخمسين …..:s2
لكم يالغاليات طريقته اللي مافي اسهل منها ،،
اول شي باكتبلك الاشياء اللي تستخدميها :
1- ليفه مغربيه أو سوريه ،، وهي قطعة قماش على شكل كيس بحجم اليد تدخل اليد بداخلها
( وتتباع في الصيدليات وعند بعض العطارين وفي السوبرماركت وكمان الافضل اللي تلقوها عند الحريم اللي يعملو الحمام المغربي او الصوالين ، لانهم يجيبو الليفه الاصليه عشان يستخدموها للحمام )
2- صابون مغربي ،، ويكون اما قطعة صابونه كبيره او علبه فيها صابون سائل يشبه الجل
3- الطين المغربي او التونسي ،، واذا لم يوجد ممكن اي ماسك للجسم ..
وبس هذي الاغراض المطلوبه ،، :shy: وموجوده في كل مكان ….
والحين باخبركم طريقة عمل الحمام ،،
اول شي تغسلي جسمك بمويه دافيه وتدهني جسمك بالصابون المغربي ، وتتركيه 5 دقائق ، وبعدين تغسليه بالمويه ..
بعد ماتشيلي كل الصابون من جسمك ، تبدأي تشغلي المويه الحاره جدا في الحمام وتجلسي في الحمام تشغلي نفسك باي شي عشان البخار يغطي جسمك وتتفتح مساماتك ،،
وممكن لو عندك الغرفه البلاستيك الخاصه بحمام البخار (الساونا) تجلسي فيها ربع او نصف ساعه ،،
بعد كذا تاخذي الليفه بعد ماتتركيها شوي في مويه دافيه عشان تلين وتصير طريه ،، ولازم تتأكدي ان جسمك مافيه أثر للصابون لان الصابون يمنع ظهور الجلد الميت ،، وتدخلي يدك داخل الليفه وتبدأي تفركي جسمك بطريقه عاموديه ( للأعلى والأسفل ) وماتكون بطريقه دائريه ولا عشوائيه ،، لازم ترفعيها وتنزليها بطريقه عاموديه عشان يطلع الجلد الميت ،،
وتستخدمي الليفه على كل جسمك ، حتى الوجه( ولكن يكون فرك خفيف )
وكل شوي ترجعي تبللي الليفه بمويه حاره ….
وبعد ماتخلصي فرك كل جسمك ،،، تغسليه مره ثانيه بمويه دافيه ، وبعدين ترجعي تفركيه بالليفه عشان تتأكدي من عدم بقاء الجلد الميت ،، وتليفي جسمك لحد مايختفي ظهور الجلد الميت ..
وبعد التلييف تغسلي جسمك وتجيبين الطين المغربي او الماسك ،، وتدهنيه على كل جسمك وتتركيه لحد ماينشف بعدين تغسلي جسمك بمويه دافيه …:shy:
وشوفو الفرق ،،
وادعولي 🙂
وفي نصايح وملاحظات بقولها لكم :
لاتكثرو من الحمام المغربي لان كثرته تزيل كل الخلايا اللي تحمي الجلد ، يعني لاتعملوه الا كل شهر ، والافضل بعد (الله يكرمكم) الدوره الشهريه ،،
اول شي تشيلو الجسم بحلاوه ، وبعدها بيومين عشان مايتحسس الجسم ، تعملو الحمام المغربي وشوفو النتيجه
واعذروني على الخلط بين العاميه والفصحى:eek2:
وانشالله أكون افدتكم ،،،
سلااااااام:shy:
الله يعطيج العافية
تسلمين علي الطريقه الفنانه للحمام المغربي ,,,,, زوجة اخوي تسوي الحمام بروحها في البيت و شو جسمها ما شاء الله عليه نعومه و لا ارروع و هي بعد ما تفرك اللي تقدر عليه من جسمها تخلي بنتها الكبيره تفرك ظهرها ,,,,
الظاهر بجرب اسوي جذيه بعد والله شجعتيني
جزاك الله كل خير حبيبتي
السلام عليكم ورحمة الله وبركاته
مشاركة رائعة ومتميزة .. تسلم ايدج
تحياتي
ام عدوول
بس غلطت بطريقة فركي لظهري فركته بطريقه دائريه وظهر لي حب بظهريي:confused: بس الحمد لله اليوم خف شوي بس احسها الطبقه استوت جافه:s2
لو سمحتي كيف قصدج يعني يوم اكون داخل الحمام السونا لازم ما يكون بجسمي صاببون ترا هو من البخار راح يذوب بعد ما يذوب افرك جسمي بطريقه عاموديه صح جي والا لا:s2
يابنات أنا اسفه ،، بس حبيت اقول لكم اني غلطت في شي:pain: وهوانو الافضل انكم تعملو الحمام المغربي قبل ماتشيلو بالحلاوه عشان تتفتح المسامات ويسهل عليكم شيل الشعر بالحلاوه بعد الحمام بيومين ،،
معليش العذر والسموحه …….. واسفه عالغلط :pain:
هلا وغلا بيك اختي ،، وتسلمي عالرد والمشاركه ، والله يعافيك……:shy:
هلا وغلا بيك يالغاليه ،، وتسلمي حبيبتي على ردك …:smile:
ويلا جربيه وقوليلنا النتيجه اللي انشاءالله بترضيكي :shy:
وعليكي السلام ورحمة الله وبركاته ،،
وتسلمي كثير على ردك وذوقك ………….:shy:
هلا وغلا بيك اختي ،، 🙂
وانا اللي اقصده انو لما تستخدمي الليفه لازم يكون الجسم خالي من الصابون ،، فانتي لوحبيتي قبل او بعد الساونا المهم انك تغسلي الصابون وتشيليه من الجسم قبل ماتستخدمي الليفه ….:shy:
وبخصوص التفريك ، لازم يكون بطريقه عاموديه عشان النتيجه تكون افضل
وتسلمي حبيبتي على المشاركه ،، واي سؤال انا جاهزه:shy: