طفشت من طرق البسبوسه

السلام عليكم ورحمة الله وبركاته ..

هلا فيج أختي الكريمة ..

الله يخلي لج زوجج .. وبالعكس حبه للبسبوسة ما تعتبر مشكلة لأنه طلبه بسيط ..

أعلمج طريقة سهلة وتضبط 100 % .. بإذن الله ..

بس بشرط تقوليلي إذا اضبطت وياج وتدعيلي أتزوج ..

شوفي عمري طريقة سهلة وبسيطه ودايم تضبط معاي ..

المقادير :

2 كوب سميد ناعم أو خشن إماراتي أو تركي .. اللي تحبينه ..
1 كوب سكر مطحون بودرة ..
1 كوب جوز الهند مبشور ..
1 كوب حليب بودرة مخلوط مع ماي .. يعني تحطين 3 ملاعق حليب بودرة بالكوب وتحطينه
عليه ماي وتخلطينه لين يصير كوب حليب ..
1 كوب زيت نباتي ..
ملعقة صغيرة باكينج باودر ..
ربع ملعقة صغير بيكربونات الصودا ..

ضعي كل المكونات في صحن وأخليطهم بالملعقة العادية ..

سيكون الخليط كثيف ..

بصينية بايركس مدهونة بالزيت حطي الخليط ..
وبللي ايدك بالماي وطبطبي عليها من فوق .. علشان ما يحترق الوجه ..

المهم شغلي الفرن من تحت بس .. وحطيها ..

ولما أطرافها تصير شقرا .. يعني استوت .. شغلي عليها النار من فوق شوي علشان تشقر ..

طلعيها وهي حارة قطعيها وحطي العسل لين تشربه .. وزينيها باللوز المقشور أو الفستق
الحلبي ..

إذا تحبين تحشينها قشطة ..
مقادير القشطة ..

1 كوب حليب
1 كريما كويك ويب كي دي دي
1 قيمر كي دي دي الكبير
2 ملعقة نشا

تخلطينهم على النار حتى تكثف ..

تحطين شوي من خليط البسبوسة بعدين القيمر بعدين خليط البسبوسة ..

وبالهنا والشفا ..

أتمنى تعجبج الوصفة .. وتسهل عليج ..

أتمنى أكون أفدتج .. وأنتظر تجربتج ..

ان شاء الله اللي طرحته تستفيد