العرق ينزل من جبينه قطرات قطرات ويسيح << مو مبالغه ابدا راسه يعرق وااااجد
هذا وهو بالمكيف طول اليوم مااخليه بدون مكيف .. لو اسبحه وانا البسه ثياب دقيقتين اشوف وجهه كله عرق كني مغسله وجهه بماي ….
نايم بالغرفه بارده مثل الثلج وهو العرق زاخه
واذا يرضع يشاهق وينافخ كنه يركض مو يرضع والعرق يمشي من راسه حتى ثيابي تتبلل
اسبحه باليوم اكثر من ثلاث مرات ولا في فايده بعد احسه وصخ لان بشرته دهنيه ومع العرق تطلع له ريحه خصوصا رقبته وورا اذونه
احس ولدي مو طبيعي .. حد مرت عليه هالحاله؟!!
هو ماشاء الله تبارك الرحمن وزنه زايد عن الطبيعي ممكن يكون هذا السبب؟؟
ان شاء الله البنات يفيدونش
ولدي البكر لما كان في اللفة واجد يعرق ، و فعلا وقت الرضاعه مثل ولدك .. لكن احس طفلك بزيادة !
ممكن يكون الوزن سبب .. بس اخذيه لدكتور اطفال اضمن .
بس حرام اتسبحيه 3مرات باليوم
وتحطيه في غرفه ثلج
بعدين يمرض لاسمح الله
اولادي في غرفه معتدله واني انام معاهم واني اقول حر وفطسه بس عشانهم وهم كل مرضى
انتبهي اله والسبوحه خليها يوم وترك الجو برد حرام يصير فيه شي
ووديه للدكتور واتطمني عليه وطمنينا وياش
بس وديه دكتور عشان تتطمنين أكثر
بس الافضل تاخذينه لدكتور اطفال
بنت اخوي كانت تعرق حتى و هي تلعب
اخذوها للدكتور و طلع عندها خلل في الغدة الدرقية !
انا ما اخوفج بس اخذيه للدكتور يفحصه احسن من ان نتوقع !!
و ان شاء الله ما عليه الا كل خير يارب
انتين اذا خايفة عرضيه على دكتور عشان تطمنين وانشالله طبيعي ومافي شي
تطمنين عليه..
ماعليه شر بنتي كانت كذا تعرق على طول بمجرد ما اغطي راسها أفك الغطا راسها كأنه متسبح ووقت الرضاعه تشوفين جبينها عرق
وهالحين عمرها سنه وشهرين والوضع طبيعي وتمام ومازالت وقت النوم المخده كأني حاطه مويه تحت راسها حتى لو ماعليها غطا