طفلي والغازات ومشاكل اخرى

السلام عليكم..

اعود لكم بعد طول غياب مرده ولادتي وانشغالي بتربية القادم الجديد..

الحين تعودت شوي على قلة النوم واقدر اشوف هواياتي والاشياء اللي احبها مرة ثانية ومنها الدردشة وياكم يالغاليات.. :shy:

المهم الحين ولدي صار عمره شهر ونصف تقريباً.. وبطنه للحين مو صاير مضبوط..
وعشان اكون واضحة اقصد من ناحية الخروج ( التبرز) اليومي.. اجلكم الله.

اول ما انجبته كان عنده اسهال شديد.. 9 مرات في اليوم الواحد .. تصوروا!!!!

بعد ذلك انتظم الامر.. صار من 2 الى 3 مرات يومياً.
لكن في الوقت نفسه بدأت معه مشكلة الغازات.. والتي كانت تجعل بطنه كبالونة كبيرة منفوخة.. :s2
الى هذا الحد كانت رضاعته طبيعية..
بعد حوالي 3 اسابيع من الولادة ادخلت على الرضاعة الطبيعية الحليب الصناعي.. وذلك في وقت غيابي في الجامعة .. يعني تصبيرة فقط لما ارجع من الجامعة واعود لرضاعته طبيعياً..

لكن وجدت طفلي يعاني من الامساك .. تقريبامرة واحدة كل 4 او 5 ايام .
كذلك الغازات لديه اصبحت توقظه من النوم وتزعجه جداً..
جربت الوصفات الشعبية: ماء الحلوة، ماء المرقدوش، ماء الغريب ، ماي محلى ، شاي البابونج.
مافي فايدة!!
ذهبت للمستشفى اعطوني الينال، و اللوسبزمين
مافي فايدة..

يقولون لي هذه امور طبيعية تحصل لكل الاطفال في هذا العمر.. لكن اصدق كل هذه الوصفات ما تفيد ولا تخفف الالم حتى؟؟؟ شلون اعرف اذا كان اللي في طفلي امر طبيعي مثل البقية او امر مرضي لا سمح الله في جهازه الهضمي؟؟

مشكورين خواتي وجعت راسكم من ( رمستي الزايدة ) 😮

اختي العزيزة مشكلة الغازات والمغص مشكلة شائعة عند الأطفال المواليد وما فيه حل جذري لها لكن يوجد ما يخفف المشكلة ومنها اليانسون واذا ما ناسب الطفل جلابي شيء ثاني مثل دواء infacol لكن هذي المرة انا استخدمت Bonisan مب متأكدة من الكتابة لكنه دواء عشبي اذا ما فادة ما راح يضرة يرح البيبي من الغازات ومن الأسهال ومن الإمساك وايضا ينشط النمو ويفتح الشهية تجدية في الصيدليات و السوبرماركت وارجو انه يفيد ولدج مثل ما فاد بنتي

اي صح اختي الغازات شي طبيعي عند الاطفال

انا ولدي تعذبت معا في كم شهرين

بس الحين الحمد لله تقوى عليها:pain: