عندى طفل الله يحفظه عمره سنه وثلاث اشهر ذكى وهادئ نوعا ما لاحظت انا وابوه يوم كان عمره سبع اشهر تقريبا ما يتلفت للاصوات ولا يستجيب لاسمه وقلنا اكيد انه ما يسمع وظلينا نعمل له تجارب بالبيت عشان نتاكد من صحة سمعه بس ولاشئ ما في استجابه نهااااااااائيااا ….فقرررنا نعرضه على طبيب مختص وعملوا له كشف بواسطة جهاز قياس السمع والحمد للله طلعت النتيجه ان سمعه سليم مئه بالمئه الللهم لك الحمد ………وحولونا الى اخصائي نطق وتخاطب لان الطفل ما يتكلم ولا ينادينى ماما ولا بابا بس كلمات بسيطه مثل …ان امم بس نادر يقولها وكل من شافه يسال ليه ما يتكلم او ينطق ببعض الكلمات البسيطه ….واللحين لنا شهر نراجع فيه ونطبق كل ما يطلبه الطبيب بس ما في اى نتيجه ما يزال لا يتلفت لمصدر الاصوات ولا يستجيب لاسمه بتاااااااتا والطبيب قال يمكن يكون عنده طيف من اطياف التوحد هذا اول مررره اسمع فيه مع ان الطفل يلعب عادى ويضحك ويركب الاشياء يعنى اللى يشوفه معاى بالبيت يقول طفل طبييييييييعى بس مشكلته الاصوات ما يستجيب لها ولا لاسمه ابداااا….وايضا الطبيب ما اكد لنا بوجود طيف التوحد لانه مو متاكد وما قدر يشخص حالته بالضبط يقول ما نبغى نستعجل عليه لانه لسه صغير ………اخوااتى من مر عليه مثل ها الحاله الغريبه اللله يسعدكم افيدونى وطمنونى والله قلقانه عليه كثيييييييييييييير ….على فكره عنده اخ اكبر منه باربع سنوات وكان طبيعى جدااا ويتكلم وفصيح ما شاااء اللله ………….اعذرونى على اسلوبي بالكتابه مرره مستعجله ومهمومه
شاكره لكم تفهمكم وابنتظااااار خبراتكم يا الغاليات على احر من الجمر ..
ام الغالي فديته …
ولدش تقريبا في عمر ولدي بس يتلفت ويستجيب لكل شي خصوصا الالعاب واسمه
خيو التوحد هو ان ولدي ما يحب المشاركات ويه احد كل شي لوحده يفضل الوحده على المشاركه
هو لما يشوف الأطفال يلعب معهم؟ يعني اجتماعي؟
ترا في اطفال يتجاهلوا لما تناديهم بس مو دوم!! و بعد النطق شوي يتأخر مو ضروري كل الأطفال يبدوا يتكلموا من أول سنه يعتمد على البيئه اللي هم عايشينه لو اللي حوالينه يتكلموا و كثير اشخاص هالشي راح يساعد انه يتعلم و يتكلم من وقت..
عندي صديقتي لأنها عايشه بروحها ولدها لين كمل السنتين يا دوب يقول ماما و بابا و كمين كلمه بس!!
ان شاء الله ما فيه إلا العافيه يا رب و يرتاح بالج
شوفي حبيبتي يمكن يكون من الاطفال اللي مايتكلمون بدري يعني يمكن يوصل عمر سنه و5 شهور
بس مايمنع انك تتاكدين لايكون عنده مويه بالاذن الوسطى وهالمشكلة ماتخليه يسمع واكيد ماراح يتكلم!!
تداركو الموضوع مادامه صغير حتى ما تزيد المشكلة ويصعب علاجها اذا كبر…
الله يطمن قلبك عليه ودعواتك لبنتي "كبر ولدك "وعندها عملية لحمية السبت الجاي ان شاء الله ..
طيب جربتي أكثر من طبيب ؟!
بصراحه أنا اعرف وحده كذا .. يوم كانت صغيره دايماً هادئه .. ومالها صوت ولا تناغي الا قلييييل .. والى الآن اذا ناديناها ما تستجيب بسرعه .. راحوا بها أهلها للمستشفى وكشفوا عليها .. وصار عندها نسبة بسيطة من البطئ في الفهم والاستجابه .. بس ماشاءالله طبيعيه .. تلعب مع الاطفال .. وتدرس .. ونتايجها بالمدرسة ماشاءالله كووووويسه .. بس عندها صعوبة شوي في الفهم والحفظ ..
انتي جربي اكشفوا على المخ والاعصاب .. يمكن يكون مثل حالة البنت هذي اللي أعرفها ..!!!
يمكن عنده مثل ماقال الطبيب عن التوحد لأني قرأت عن هذه الحالة
أو شوفي يمكن لسانه مو مربوط ومافي طبيب إنتبه
بنت خالي ولدها عمره سنتين وومايقول إلا كلمات بسيطة ويادوب يقولها وبعدين أكتشفت الطبيبة أن لسانه مربوط ورح يسون له جراحة بسيطة وبإذن الله رح يتكلم
اكيد هذا طفلكم الاول و ما مع اطفال فالبيت صح ؟؟
يعني مافي يهال يلعب معاهم ولا يتكلم معاهم ؟؟
اختي اذا مافي اطفال غير طفلج هذا فالبيت هذا هو السبب اما اذا عندكم اطفال الله و اعلم شو السبب
اصلا الطفال يتعلمون من الصغار الي في عمرهم بسرعه
و ما على ولدج شر ان شاء الله طمنينه على ولدج