ثانيا حبيت ان افيدكم فى امرين بيعتبروا سبب للقلق عند الامهات .
وهما :-
#ترك الحفاض .
#الفطام من الرضاعه.
فنبدأ فى الموضوع الاول <ترك الحفاض >:-
1- اذا كنتى قد اخدتى القرار فعلا فأول شى قلعيه البامبرز نهائيا وبدون عوده مهما حصل هتتعبى شويه بس ان شاء الله بفايده .
2- فى الخروج وفى النوم لبسيه كيلوت مشمع وداخله فوطه قطن صغيره او قطعه قماش قطن وتكون هذه الخروجات ذات وقت قليل وضعى مشمع واقى للسرير ولابد من الذهاب للحمام قبل النوم مع الاستيقاظ اثناء الليل للذهاب للحمام .
3-امنعى اى عصاير من الساعه 7 مساء واجعلى شرب الماء فى اضيق الحدود مساءا.
4-اثناء النهار كل شويه قاعديه على البوتى او التواليت وكل مره لاتزيدى عن 10 دقايق غالبا اول مايقوم من على التواليت هيعمل فى الارض بس لسه فى امل الموضوع عايز صبر .
5-اياكى والضررررررررررررررررررررب مهما عمل لو عمل فى ملابسه اتركيه بها بعض الوقت وقولى له اخييى -يع -انت كده نوتى ولو صادفت مره وعمل فى البوتى لازززززززززم تعملى له فررررح صفكى له وزغرطى طبعا مكافئه رائعه وحاجه حلوه حلويات وامدحيه امام الاخرين الموضوع بياخد وقت شويه مع الصبر .
بالنسبه للموضوع الثانى <الفطام من الرضاعه>:-
اما تفطميه مره واحده وانا لااحبذ ذلك لان اولا ثديك هيتعب جدا ولازم تاخذى دواء لينشف اللبن الذى به ثانيا انت بهذه الطريقه هتتسببى لابنك فى صدمه وهى بعده عننك وارتباطه بكى
واما تفطميه بالتدريج وهى هتاخد وقت شويه بس النتيجه مضمونه بأذن الله مثلا فى البديه اسبوع او اسبوعين تعطيه 3 رضعات فى اليوم وبعدها 2 فقط واحده الصبح وواحده بالليل لمده اسبوعين كمان وبعدها واحده قبل النوم فقط اسبوع او اتنين كمان وبعدها يوم يرضع بالليل ويوم لاء لفتره وبعدين يومين لاء ويوم يرضع وهكذا وبعدين مفيش رضاعه خالص والزقى على ثدييكى بلاستر جروح وقوليله انه واوا وكخ ولما يصحى باليل اعطيه لبن او ماء او عصير مع انى لا احبذ العصير حفاظا على اسنان طفلك لوجود السكر فى العصير
انا اسفه على الاطاله بس حبيت افيدك وياريت كل واحد يستفيد من هذا يدعوا دعوه حلوه ليه انا وزوجى واولادى:I::struggle::I:
انشالله يستفيدوا البنات
 |
اقتباس |  |
 |
المشاركة الأساسية كتبها ام جونه  |
 |
 |
| يعطيكي الف عافية انشالله يستفيدوا البنات |
||
 |
 |
لقد نعطرت صفحتى بمرورك اختى فى الله جزاكى الله خيرا
ربنا يخليلك زوجك واولادك
اني فطمته من المرضعه بس باقي الحين اعلمه على الحمام
"اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً”
أسأل الله العظيم رب العرش العظيم أن يشفي أخى
والله موضوعك جه فعلا فى وقته
لانى حاليا بفطم ابنى دعواتك لى ولو فى اى نصحيه تانيه قولى عليها
لان نفسيتى تعبانه عشان فطام ابنى
انا الحمد الله مش برضعه طول النهار لا عند النوم بليل
وعلى الاسبوع الجاى ان شاء الله هفطمه خالص وربنا يستر ياااااااااااااااارب