مسااااء الخير والطاعه …
مبارك عليكم الشهر جميع …
يقولون الشكوى لغير الله مذله … آآي والله الشكوى لناس ناتنفع والنعم بالله بس بعد نستفيد من خبراتكم يالغاليات ..
انا عندي مصيبه ماهو ب مشكله …
زواجي بعد اربع طعش يوم 14 بالضبط …
أعاني من بعدد لكم المصاااااااايب …
1-تشققات بيضاء في الارداف …
2- سواد الركبه والاكواع
3- سوااد حالك بالمنطقه الحساسه على الرغم من نظافتها …
4- سواد بمفاصل اليد وتجعدات في باطنها ..
5- سواد كعبين الرجل واصابع الرجل واظافري …
6- سواد الابط ..
7- خشونه بالجبد مشابهه لجلد التماسيح واحجار الطرق :35:
9- تواسع مسام الشعر في البطن ..
10 – امتلاء الظهر بالحبوووووووووووووووووب
لاتقولون لي ماتحركتي قبل .. والله من شهرين وانا اركض ورى هالخلطات حتى صاروا يسموووني منال العالم من ريحه الطبخ اللي بغرفتي :p…
مابقى خلطه ماجربتها … خلطه الاميرات .. وبياض الثلج .. وقناه بدايه الخيار ..وخلطااات بنت عذاي كلها وسمن للركب والاكواع … وخيار للابط ..وخلطات كثييييييييره والله مابقى شي طبيعي وكميائي ماجربته ….
ومافيش اي فائده 
موووولاي كما خلقتني …
لااا ومن الفلاحه رحت قبل 9 ايام سويت جلست ليزر وهذي كانت النتيجه ..
 |
اقتباس |  |
 |
| والله انا مقهووووووره لي 8 ايام من سويت اول جلسه .. طلعت لي حروووق بجسمي بقع بنيه تعووور القلب هي غسانه وصفت لي مابو اذا طلعو وستخدمته لهاللحين ماراحو اخاق يطلع لهم اثر وحتى الشعر محبوس داخل الجسم ماطلع كذااابه تفولي عشره ايام ويطلع هذا مرت 8 ايام .. ولا شفت شي ..اللي طل بس ابطي وجد الشعرا تطيح بس ابطي محتررررق أسوود … المصيب ه … زوااجي بعد 15 يوووووووم وربي ان فيني الصيحه … |
||
 |
 |
اللي ابغاه تكفوووووووووووووووون خلطات مجربه مئيه مئه … يعني كل وحده استخدمتها على نفسها تقوله وتكون واثقه من مفعوله السريع ..
لان اول يوم العيد خطيبي بيزورنا بالبيت والله كل ماتذكر تجيني الصي،حه … يااااارب تصير بشرتي لوووووون واحد وتنور … وتصير ناعمه مثل الزبده ..
وياليت اللي شاطره بالخلطات تسوي لي جدول امشي عليه الله يجزااااااااااااكم الجنه انقذوني …
وياااجعل البنت اللي تساعدني الله يزوووجها بالقريب العاجل ياقادر ياكريم … والمتزوجه الله يسخر لها زوجها وتكون بعينه احلى من الاميره ديانا << برى
وياجعل غضبه عليها برد وسلاااام مثل برد النار على نبيناً اباهيم … ويجعل صبره عليها مثل صبر ايوب النبي .. ويرزقه يارب مثل مال قااارون ويكون كريم عليها …
وادعوووا معي ..
اللهم جملني بعينيه وجمله بعيني ..
اللهم واستر عيوبي عنه واستر عيوبه عني ..
اللهم اجعله ابا لي في الحنان
واخا لي في الطاعه
وحبيبا في الفراش
واجعلني له اما في الحنان
واختا في الطاعه
وحبيبة في الفراش
اللهم امين لي ولجميع المسلمين ياكريم ياحي ياقيوم برحمتك نستغيث اللهم اجب دعوتي وحقق لي امنيتي
أن شاء الله حد يقدر يفيدج..
لى عوده ان شاء الله
اولا ابدا بالوجه
استخدمي غسول للوجه مرتين في يوم
عندج عدة خيارات
صابونه سحريه
غسول كينر اند كلير
نيتروجينا
صابونة البابايا او بلاسنتا
مسح الوجه بالاسكينول بعد الغسول
وترطبين البشره بكريم مرطب عندج الافضل كريم اولاي ( هذا مو كلامي كلام صيدلانيه)
حمام بخار للوجه مره في الاسبوع
طريقة البخار هي:
تغسلين ويهج بصابون اوغسول خاص بالوجه
تيبين سطل فيه ماي حار جدا او مغلي
فوطه كبيره
تعرضي ويهج للبخار وتلفي الفوطه على راسج بالكامل بحيث مايطل البخار للخارج
المده 5-10 دقايق
ممكن تحطين فازلين مع زيت جنين القمح او زيت اللوز المر مع زيت جنين القمح ثمه تتعرضين للبخار وممكن ماتحطين شي
بعد ماتخلصين من البخار
تبدين بالتقشير ( مقشرات متوفره في سوق خاصه للوجه) نقي اي نوع يمدحون لوريال
وبعد التقشير الماسك
عندي لج ماسك انا مجربته ونتيجته روعه بس هذا الماسك يستخدم يوميا لمدة شهر وتخلينه على البشره لمدة ساعه
ماسك اسمه بياض الثلج
|
اقتباس | |
 |
المشاركة الأساسية كتبها الانامل الذهبيه  |
 |
|
| البيضا بتصير ثلجه والحنطيه بتصير بيضاء والسمرا بتصير حنطيه | ||
|
|
|
اقتباس | |
|
المشاركة الأساسية كتبها الانامل الذهبيه |
|
|
| مرحبا بنات كيفكم جميعا عموما مااطول عليكم عندي خلطه ررررررهيبه بكل ماتعنيه الكلمه بتخلي البيضاء ثلجه والحنطيه بيضاء والسمرا حنطيه وتصفي البشره وتشدها بجد انا اتكلم بس لازم الأستمرار يوميا تحطينها لحد ماتنشف مرررره يعني تقريبا ساعه لمدة شهر على الأقل اذا مااتبعتي الشروط لاتجين تحاسبيني واذا وصلتي للنتيجه المطلوبه استخدميها ثلاث مرات بالأسبوع مكوناتها مره سهله 4م نشا علبة حليب المراعي الطازج الصغيره عصير ليمونه ملعقة شاي كركم تظيفين المكونات في قدر صغير وتقلبين الين تحسين انها ثقلت شوي مو كثير يعني زي المهلبيه وتحطينها بعلبه عندك وتخلينها تبرد بعدين تاخذين منها الكميه اللي تبين بالملعقه وتحطين الباقي في الثلاجه بتكفيك تقريبا لمدة اسبوع او خمس ايام طبعا للوجه والرقبه مااتكلم عن الجسم اذا للجسم ظاعفي الكميه وادهني بها وجهك ورقبتك مع تجنب منطقة حول العيون واجلسي ساعه بعدها روحي المغسله وقشريها بيدك لأنها بتصير في وجهك زي القشور وبتشيل معها الجلد الميت مع الأستمرار وخذي شاور عشان ينزل لون الكركم ثم جيبي مكعب ماء ورد مثلج ومرريه على وجهك ورقبتك ثم خليه ينشف لحاله ورطبي وجهك انشالله اللي بتستمر عليها زي ماقلت بعد شهر بتدعيلي اذا مو اقل |
||
|
|
وعندج ماسكات ثانيه مثل
للبشره مختلطه: ورد بلدي او محمديه
ملعقة طعام روب
ملعقة طعام ماء ورد
ملعقة طعام عسل
الطريقه:
تنقين الورد المطحون مع ماي الورد وتخلطينه مع العسل وروب
يفضل الروب الي منتهي صلاحيته
وتحطينه 15 دقايق في ويهج طبعا الرقبه بعد
وماسك ثاني عندج الملعقة طعام روب وعصير ربع برتقاله وملعقة طعام عسل ابيض او المتوفر وتحطينه على ويهج لمدة 15 دقيقه
احرصي احرصي انج تحطين واقي قبل لاتطلعين من البيت واستخدمي مرهم خاص بالعيون
اذا كان عندج هالات وفي نوعيه تكون للهالات مع واقي يكون احسن بعد
وبعد الماسك حطي كريم مرطب
واستخدمي كريم لليل وكريم للنهار انصحج بالوريال
ونفس شي حق الايادي كريم لليل وكريم للنهار او اي لوشن متوفر
وبدكير ومناكير كل اسبوع
واستخدمي خلطتي للريول
http://forums.3roos.com/t481688.html
وتقشير شفايف عندج بعدة طرق:
اولها سكر وزيت اللوز لمدة عشر دقايق (مجربه وحلوه 100%)
وعندج فازلين وفرشاة الاسنان
ولتوريد الشفايف عندج خلطة بنت عذاري
وعندج بعد فازلين وعكر فاسي حطيهم قبل النوم
وللهالات بطاطس او خيار او شاي
ولصفاء العيون عندج خلطة بنت عذاري
وعندج قطرة جاهزه في صيدلية اسمها قطرة بروزلين تخفي الخطوط الحمرا في العيون
ونصائح تسوينها بشكل دائم:
شرب الشاي الاخضر مره الي ثلاث مرات على الاقل (مفيد جدا للجسم والبشره والصحه)
بدكير مره في الاسبوع
حمام مغربي مره في الاسبوع ولمدة شهرين هذا قريب العرس او مناسبه
وايام العاديه مره في شهر يكفي
تشربين على الصبح وقت الريق كوب ماي بارد مع ملعقة من ماي الورد مفيد جدا للبشره والصوت
وقبل الاستحمام استخدمي جلسرين مع ليمون وزيت اللوز وقبل الحمام بساعه او نص ساعه
مقشر الجسم 3 مرات في الاسبوع
وسواد المنطقه عند وايد مواضيع في منتدى عن كيفية الاهتمام في هذي المنطقه
وسواد الركب والاكواع انصحج تروحين لدكتوره احسن واضمن
وخطوط البيضا زيت بو اويل معروف انه الافضل في علاج الخطوط bio oil تستخدمينه مرتين يوميا لمدة 3 اشهر ويقضي على خطوط البيضا
واي سؤال انا حاظره
سراب الحزن .. يااااااااااااااعمري … والله نفسي ابوس راسك ياشيخه ..<<< تحمست …
ماقصرتي ياوخيتي …
شوفي نصيحه من اخت لاتعبين نفسج بالخلطات اللي لاتودي ولاتييب صدقيني ماينفعون ..
بقولج انا شسويت ..
بعد ماولدت كان فيني كلف الحمل في بطني ورقبتي وشوي في الاباط واللي زاد الطين بله ان شقرت جسمي ووصل التشقير باطي فاحترق وصار اسود فرحت حق دكتوره جلديه عطتني كريمين واحد للنهار وواحد لليل يزيل الكلف وعطتني بعد الدوكين 4% للابط وانا الحين صارلي مداومه عليهم 20 يوم والله ان لون جسمي توحد وباطي صار ابييض ..
وملاحظه: الكريم للبشره الحساسه يعني مايضر..وكل ماكان السواد مركز تطول الفتره,,
وهذي صورتهم ..
طريقة الاستعمال ..
كريم ايفيان لليل يدهن الجسم كامل او بس المناطق الغامقه ويوضع في الباط شوي من كريم الدوكين4%
ونفس الشي الكريم الثاني بس للنهار..
اختي لان انتي ماعندج وقت كافي
انصحج تراكضين للعيادات الجلدية والمنتجعات الصحية يعني اللي بتضمنين ان بتسوي لج شي عدل
وبالاخير ريحي نفسيتج واهدي ولا تخافين
ولا تعقدين الامور واكيد انتي حلوة وبتصيرين احلى عروس بس خلي ثقتج بنفسج قوية (f)
تحياتي
.
.
.
الخلطات ما رح تفيدج بهالمدة القصيرة الا للأشياء البسيطة,,
بس جربي من خلطات بنت عذاري الكل يمدح فيها ان شاءالله تفيدج
ونصيحتي هالكم يوم اهتمي براحتج,,لا تتوترين اهتمي بنظافتج هالمدة و خليج عالحمام المغربي
صدقيني اذا فكرتي بهالأشياء رح تتوترين و تخربي على عمرك فرحتك,,خليج مبتسمة وواثقة من عمرج و بعد الزواج حلي هالمشاكل براحتج
الله يوفقج اختي,,والف مبرك عليج وعيدج مبااارك مقدما