خلونا ندخل في الموضوع
اليوم يبت لكم موضوع حلو قعدت تقريبا اكتشف في المواقع الي ان لقيت مبتغاي ولاكن البنت اللي كتبت الموضوع ما حطت صور والطريقه بالضبط فأنا قلت هاي فرصه وان شاء الله أستفيد منها ,ولكم أيضا بالصوره وخطوات بالضبط
كنت دايما ربيعاتي يقولولي عن كريم سودو للاطفال للبشره لانه عندي أثر حبوب ربي الشفاي واحمرار في الخدود من كثر الحر ويهي انصلخ من الحر ما أظهر من البيت الى العصر . 😮 وكل مستغرب
المهم خبرتني ربيعتي عن ها الكريم العجيب للاطفال بأنه ولد بنت خالتها ديما الام تسوي له وتضعه ايضا في وجها وصارت مثل القمر انا يوم شفتها ما صدقت ما شاء الله وايد مفتحه ومتغير من بعد الزواج والحياه الزوجه والطفل البكر اللي عندها فديته مع اني ما شفته بس شفتها المهم
قلت خلني اشتريه و جربته قبل يومين اسنخدمته الانه عندي حفاف في الوحه والحمد الله بدأ يخف فلت قبل ما اتعمق في ها الكريم وأدمن عليه خلني ادور عن خلطات له يمكن لعله وعسا ألاقي شي حلو
بس تفحأت البنات وايد يدحونه بكل المواقع اللي دشيتها ولقيت خلطه تبيض وتوريد الوجه مع كثر الاستخدام بتلاحظين ها الشي وانا توني بديت فيه بس حطيته في يدي أول شي عشان اشوف اذا يسوي حساسه ولا مع أنه الكريم طبي وما عليه عيوب
يا الله بسم الله توكلنا على الله …
الي ما تعرف شكل الكريم سودو
سميت اسم الكريم Fairness Baby Skin Cream 😉 أسم على مسما
1- ملعتين كبار كريم سودو أو كريم زين كاست نفس ال الريحه وشكل الكريم لقيته صدفه في كارفو
2- فنجان قهوه من زيت اللوز
3- ملقه صغيره فكس ( اللي في الصوره انا عندي حجم ملقعه ) صدفه :tongue:
أول شي انا سويت الخلطه بكريم زيكاست نفس كريم سودو واللي عندها سودو تسوي منه
تضعين أول شي كريم
بعدين تضعين زيت اللوز وتحركينه عدل لين ما يصير شكل سائل سميك
تضعين الحينه الفكس
وتحركينه عدل عدل عدل 😉
وبعدين تدورين علبه فاضيه ونظيفه ومعقمه
وتحطينه في الثلاجه قبل الاستخدام و2 يوم تظهرينه وتستخدمينه
طريقه الاستخدام : يوضع طبقه خفيفه من كريم واللي تعرف عنه انه سميك ولازم تستخدمين القليل منه وتوزعينه على البشره بشكل جيد مع المساج الحفيف قبل النوم
الكريم يستخدم في الليل عشان ذيك الساعه تكون البشره مرتاحه وغير معرضه للضغط وشمس
في الصباح تغسلين البشره بصابون اللي تستخدمنه وانصح الصابون يكون سائل وغير صابون الصلب ما ادري ليش ما أحبه الصلب عشانه يشيل وايد جراثيم وبكتريا على قولت الدكتور ربيعتي يقول استخدمي دايما السائل في الوجه أو اليد
وعند تجربه ايدي صارت ناعمه ما شاء الله وريحتها حلوه من ها الكريم العجييييييييييييب
فوائد الكريم :
– يبيض البشره ويصفيها لوجود الفكس
يشفي من البقع وأثار الحبوب وينعم في نفس الوقت لوجود زيت اللوز وفوائده التجميليه للبشره
كريم سودو يعقم البشره ويشفيها من الجرائيم وطفح الجلدي للبشره وحساسيه
وأي استفسار أنا في الخدمه وسلامتكم
انا جربت سودو مع زيت جنين القمح رووووووعه(y)
ميرسي
لانه فيه فكس قوي على البشرة
الفكس ما يضر وانا استخدمته ما حسيت فيه اصلا ان فيه فكس ….
ويستخدم للبشره الوجه ومش قوي يا غلا … بالعكس ما بتحسين فيه الانه شوي بس …
خلطه رائعه…
1: كم مده استعمالك لذا الكريم..؟
2: واثار الحبوب اختفت بشكل ملاحظ ولا نص ونص..
3: وماطلع لك حبوب جديده ولا لا.؟
وشكرآ لك… وتقبلي مروري..(f)
بس كريم سودو من وين نجيبه؟
طيب سؤال لبنات البحرين من وين نجيب لكريم ويسلموووووووووووووووووووووووووو