أحم أحم … والله أنا الصباح أحب العطور اللي برائحة النظافة والأنتعاش والصابون عطور خفيفة وتحسسك أنك فريش من صباح الله خير .. وصاروا البنات طايحين عليها هالأيام .. يعني بجد من الصباح ما تنفع العطور القوية زي عطور شانيل وستيلا وغيرهم هم رهيبيييييين صح بس ما يصلحوا للصباح
والعكس تماما بالليل أحب العطور اللي هي سبايسي وفواحة وقوية
المهم خلينا بالصباح :dd:
بحطلكم العطـور اللي تجي بهذي الرايحة رائحة النظااافة والأنتعاش والفريش .. همففف ألله حلووة :shy:
عطر إنفي مي envy me من جوتشي " ريحته نظااااااااافة وخفيفة وبنوتية ما تكتم ع القلب "
عطر وايت مسك white musk من بودي شوب .. من أطيب الطيب .. ورسولنا الكريم عليه الصلاة والسلام كان يتطيب من المسك .. وريحته كثير حلوة .. بس أنا مشترية من البودي شوب هاليومين الوايت مسك وأتعطر فيه وبعد دقايق تختفي الريحة :angry: ما اعرف المشكلة مني ولا من خشمي
عطر ميراكل miracle من لانكوم
نفس الشئ ريحة نظافة وريحة ناعمة وهادية … حلوووووووووو
والحين بنات أبي كل وحده تعرف أو مجربة عطر ريحته نفس ما وصفتها فووق نظافة وانتعاش وصابووووون <=-=- بس مو ريحة صابون شينة لا ريحة منعـــشة
تخبرنا عنه وتحطلنا صورته عشان نستفيد …….
وعندي سؤااااااااال .. في بنات تحسوا ريحتهم حلووووة يعني ريحة أجسامهم ريحة حلووة وهادية وناعمة … وما تحسين أنهم راشين مية رشة من عطر ثقيل .. أبدا تحسين ريحتهم نعوومة ورقيقة وهادية .. أنا أحس أنهم يستخدمون كريمات أطفال أو بودرة أطفال .. بصراحة مدري وش سرهم … اللي يعرف يخبرناااااااااا وبانتظاااااار مشاركاتكم ولا تحذفووووووووا موضوووووعي 🙁 🙁
هلا حبيبتي
أنا مجربة ثلاثتهــــــــــم
الاول ماذكر ريحته هههههههههههه
الثاني روووووووعة ومثل ماقلتي ريحته خفيفة وماتلزق >>>حطيها على مناطق النبض
والثالـــــث عشقي هو وستيلا و Hypnotic poison
بس ستيلا له مكانــــــه خاصة فقلبي >>>خطيبي يحبـه
وتسلمين حبيبتي
رومانسية
عطوراتك رووعة والله يخليلك خطيبك ويسعدك
بس ما جااااااااااوبتي على سؤاااااااااالي ظللته بالأحمر عشان اللي ما شاف يشوووووووف
الله يخليج حبيبتي وتسلمين على الدعوة الحلوة
تصدقين انا ايام الثانوية كانو يقولون لي ريحتج ريحــــة بيبي
وفعلا كنت أحط سوالف بيبي اويل والبودرة
انتي جربي حطي البودرة وحطي العطر فوووقه "عطر خفيف ونعوم مثل ميريكل"
بس تعرفين يمكن لما تشمين وحدة تكون من فترة متعطرة والريحه هدت فتبين ريحه خفيفة وحلوة
وبس عادتاً احنا لما تخف بينا الريحة نحسها اختفت بس هي موجودة هذا تفسيري ولا شرايج:think:
عطر مجموعة الفراولة هادي وريحته حلوة
بعضهم يستخدم بعض الكريمات ولما تحطي العطر على ثيابج تظل لآخر الوقت..
مثلاً آنا أستخدم كريم معطر ( لمسة ضياء ) من جنيد أحط لي وبالإضافة أي عطر وماكنت أدري أني ريحتي تظل لآخر الوقت بالدوام.. يعني وحدة تقول لي عطرج من الصبح للعصر وهذه ريحته ماتروح..
وأنصحج بالبخور العود ويا العطر فعلاً روووووعة
والعضوات ماقصروا بعضهم كاتبين عن كريمات للجسم ولوشونات من بودي شوب وجنيد وأصغر علي وووغيرها..
وأتمنى الباقي يفيدونج أكثر
وبالتوفيق عزيزتي
هو العطر الاكثر ارتياح باللنسبة لي
وكل ما استخدمة
لازم انسأل عنه.. ويستوقفونى البنات بالجامعة
لانى اضيف معاه بعض العطور العربية
بس ياليت تكتبين لنا الاسعار اذا عارفتهم
تحياتي لك حبيبتي
عاشقة الفؤاد
انفي مي شريته ماعجبني