مرحبا حبوبات شو الاخبار F:
ان شاء الله الكل بخير و عافيه F:
غبت عنكم فترة 
و رجعت لكم بموضوع بسيط – حبيت اتكلم فيه عن بشرتي و كيف تحولت من بشرة دهنية ل بشرة جافة ( بسبب الاكزيما)
و بعد بحط لكم بعض النصايح البسيطه للبشرة الدهنيه (بشرتي سابقا)F:
و فالختام لوكي المعتمد للروج الاحمر:L: غرامي اليديد
=================================
اولا بحط لكم كيف انا اهتم ببشرتي الحين لانها جافه جدا و حساسة جدا جدا جدا
انا الحين انظف بشرتي ب مناديل N.7 from boots
ما اقدر اغسل ويهي ب صابون ابدا ف لي اسويه اني امسح البشره بالمناديل و بعدين بقطنة احط تونر ماي ورد من بوتس بعد وصتني عليه مسزز غموضه و يجنن ينعش بشكل:adore:
اللي فالنص
الماسك لي احب اسويه ماسك عسل او ماسك عسل+روب (زبادي) مره فالاسبوع
و اسوي سكرب خوخ للبشره الحساسه مره الاسبوع
الكريمات لي احطها هي : كريم مدحته لي ربيعتي يرطب الويه ترطيب قوي واستعمله الحين من ثلاث ايام والصراحه مرتاحه له لكن (ريحته مب حلوه ابدا اول ما تحطينه:-# بس تختفي الريحه) واحطه الصبح
و شريت من الصيدليه كريمين لليل واحد ينحط قبل النوم بفترة
والابيض بنحط ع المناطق لي الجفاف فيها شديد ويبين مثل البقع البيض والحمد لله تمام بس بعد برجع اخبركم بعد فترة عن التطور هل هو للاحسن ولا للاسواءF:
======
البشرة الدهنيه: سابقا كانت بشرتي دهنيه !
ف كنت اسوي لها سكرب مرتين يوميا
و احط قبل النوم زيت زيتون واغسله الصبح ب غسول نيوتروجينا للبشرة الدهنيه
و اسوي ماسك عبارة عن : ليمونه كبيرة + بياض بيضه
نحط العصير لين ما يسخن عالنار ونظيف البياض ونحرك بسرعه يتكون عندج مزيج شفاف مثل الفازلين ومتماسك (مافي ريحة بيض لا تخافون)
توزعينه على بشرتج + بعد ما يجف ناخذ قطنه مبلله و نمسح بتشوفون بلاوي عالقطنه :p
و طبعا طبعا ما استغنى عن المرطب بس الفرق كنت احط كمية بسيطه منه
طبعا قبل وللحين يطلعون لي حبوب مرات ف استخدم الحين للتجربه عينه من كريم هذا هو غسول للحبوب
ولزقات الانف من بيوريه مره فالاسبوع
و كل ما اسوي سكرب الحين استخدم هالاداه لي بعد رشحتها لي غموضة تسوي لج مساج للويه
— — — — — — — — — — — —
( شي اسويه مرتين كل يوم اني ارش ويهي ب ماي ورد بارد)
====================================
للبشرة الجافة: قبل المكياج نحط كريم مرطب لان اذا ما حطيتي كريم بيبين الفاونديشن متكسر ومخطط على الويه + لو حطيتي بودرة بتبين بشرتج مقشرة
و تحطين فاونديشن حلو مرطب للبشره و فيه لمعه بسيييييييطه عشان تبين اشراقة ويهج
للبشرة الدهنية: نحط لوشن او بيس يقلل الافرازات الدهنية وبعدها كريم اساس مخملي بدون لمعة و نثبته ببودرة
يتبع…
احب اللون الاحمر وايد و اغلب البنات ما يحبونه لانهم يعتبرونه لون جريء .. بس لو اخترتي الدرجة المناسبة صدقيني بيبين راقي جدا
حبيت اراويكم اللوك المعتمد لهاللون وانا مرتاحه له بغض النظر عن الدرجه احب هاللوك للعيون ويا روجي الاحمر
:L::L::L::L::L::L:
اول شي براويكم تدجات الالوان لي عندي
من الفاتح للغامق ( الصور ب فلاش و بدون فلاش )
صور المناكير + الارواج + القلوسات + محددات
حركة: عشان يبين الروج مرتب نحط حوالين الشفايف بالكونسيلر ونطبطب عليه عشان يندمج ونثبت ببودرة بفرشاة صغيره
:L::L::L::L::L::L:
اللوك بسيط جدا جدا جدا
اولا: الفاونديشن والروتين بتلقونه فالموضوع
كيفية وضع الفاونديشن بالخطوات ( خطواتي ) + مع بعض النصائح
:L::L::L::L::L::L:
الادوات: الفرشاة لي احبها للتمويه والدمج خصوصا اذا برسم العين ب شادو من فوق فقط عند خط الرموش و يكون لون بني غامق بدون لمعه او اسود
فرشاة الايلاينر: احب ارسم عيني مرات رسمة ايلاينر ممدودة ل برع ( كات آي )
هالفرشاه احبها لرسم العين ب شادو كانه ايلاينر
الايلاينر الكريمي لي استعمل الفرشاه لي فوق وياه
==========
العيون: احب احط عادة شادو مات بني فاتح و غامق
او شادو كريمي بلمعة و اعتمد الالوان الناتشورال الترابيه والميتالك و الهايلايت لي اعتمده دايما لعظمة الحاجب ولدمج الشادو هو بودرتي لانها مات بدون لمعة ونفس لون بشرتي (لمعه عالجفن لين الحاجب تو ماتش ومب حلو)
== == == == ==
شادو كريمي
الكحل: احب اللون الاسود او الابيض او البيج وافضل اكثر شي البيج
الرموش: هذيلا المسكرات لي انا احبهم اكثر شي لي يكثفون الرموش ويعطونهم لوك قوي
Dior 360
Bourjois volumizer
Dior show new look
Mac plush lash
Dior extase
lancome
احب الطرف لي فيه فرشاة صغيره للرموش السفلية
افضل مزيل لمكياج العيون عندي
الخدود: برونز و بلشر وردي او بطيخي
برونز كريمي
========
لوكات مشابهه للوكي ( من النت )
لوكات العيون
تمويه العين بفرشاة السموكي قريب من الرموش
بالحكل البيج
بالشادو الكريمي الميتالك
الوان الارواج بالقلوس او بدونه
لوكات :
الاظافر:
—————
فالاخير اتمنى يعيبكم الموضوع + اي استفسار او غموض انا حاظرة
الموضوع حصري لمنتدى عروس فقط ،لا احلل نقله
يعطيج ربي العافية ..
دائما مميزة ..
داااائماً مواضعيكـ مميزة
ربي يعطيكي العافية ياعسولة
بس بعد ازنكـ عندي استفسار زغنون
ممكن تحكيلي عن هي اللزقات لشو وكيف بتستخدم ومن وين بقدر جيبا
والله يوفقكـ ويحقق أمانيكي يارب
اهتمامك جد حلو
واللون الاحمر هوسي
مشكوورهـ يعطيك العافيه .
موضوع رووووووووووووعة
تسلم اديك حبيبتي..
انا عن نفسي كتير بحب اللون الاحمر .. وخاصة بالروج والمناكير .
ومتل ما تفضلتي المهم نختار الدرجة المناسبة لبشرتنا .. لانه الاحمر تدرجاته كتيرة
انا بفضل الاحمر الصريح اللي ما بميل ولا لدرجة .. بحب من اول نظرة يكون أحمر وبس
متل هالدرجة
ما شاء الله
تتهنى بيهم ياااارب
كنت بدور على مرطب قوي علشان اشترية هجرب jergens all purpose face cream
بس دة ينفع للبشرة المختطلة ولا لا ؟؟؟
ممكن سؤال
ايش ماركة الايلاينر الكريمي الاثنين اللي مع بعض
سلمتي و بخير دمتي