اغلبنا طبعا ولكن الاغلب جاهل استخداماته 
يعني حاطينه بالثلاجه الى لما تنتهي مدته ونرميه وهو كنز بالبيت وتعالي اقولك استخداماته
1- عشان نتجنب حدوث فقاعات الحروق وآثارها ندهن مكان الحرق بسرعة بخل التفاح , ونسوي نفس الشئ للحروق الشمسية .
ولعلاج الحروق : يتم طلاء موضع الحرق بالخل المركز مرتان ولمدة يوم واحد.
2-اذا الدغتك حشره او نمله .. خذي بخاخ عندك بالبيت وحطي ثلاث ارباعه خل التفاح وربعه مغلي الزعتر ورشيه على مكان اللدغه كل ساعه.
3- للي يجيها التهابات بالمنطقه الحساسه تشرب ماء مع ملعقه خل تفاح ينظف المسالك البوليه وتتنقع في مغطس فيه ماء دافي وتحط ثلاث اكواب خل التفاح وملح.
4-لدوالي الساق وخصوصا بعد الولاده ,تأخذين بخاخ وتحطين فيه خل التفاح وترشينه على اماكن التشققات مرتين يوميا لمده شهر وشوفي النتيجه.
5-لعلاج الثعلبه, تحطينه على المكان وهو مركز ست او سبع مرات باليوم.
6-اذا انتي مسافره او رايحه مكان مو واثقه من الاكل انه ممكن يكون متسمم,اشربي كاس ماء وخل تفاح يحميك من التسمم.
7-لما تحبين تخسين خذي كوب ماء وخل التفاح بعد كل وجبه.
8- علاج ـ مضاد لقشر الشعر , ويخفف بماء ويشطف فيه الشعر.
9-يستخدم كدهان لتقوية وجمال الأظافر,تحطين ثلاث ملاعق زيت زيتون وثلاث ملاعق خل التفاح وصفار بيضه وحده وادهني اظافرك كل ماشفتي نفسك فاضيه واحتفظي بالباقي بالثلاجه.
10-استخدامه لتبييض اليدين ,تجيبين ـ 8 ملاعق كبيرة ماء ورد و 3 ملاعق كبيرة جلسرين و3 ملاعق كبيرة كحول نقي وملعقة كبيرة عصير ليمون طازج وملعقة كبيرة عصير برتقال و ملعقة كبيرة خل التفاح ,تخلطين المكونات وتحطينهم بعد ماتغسلين يدك زين.
11-للتخلص من حب الشباب,حطي ملعقتين صغار خل التفاح إلى فنجان ماء .. واغمسي قطعة قطن في هذا المزيج وامسحي بها الحبوب عدة مرات يوميا ..
12-للتخلص من رائحة العرق ..بعد ما تنتهين من الحمام امسحي الإبط بالخل,يخلي اباطك ابيض ويشيل الريحه.
13-للتخص من خشونة اليدين ادعكي خل التفاح وأي كريم عندك للعناية بالبشرة واستخدمي هذي الخلطه كل يوم.
14-تلميع اسجاد واحياء لونها يضاف فنجان واحد من خل التفاح الى حوالي 2ليتر ماء ويستخدم فرشاة وتدعكين السجاد فيه.