تخطى إلى المحتوى
الرئيسية » عندي اسئله عن الميك اب بس والله مفتشله منكم

عندي اسئله عن الميك اب بس والله مفتشله منكم 2024.

السلام عليكم

شخباركم يااحلى عضوااااااات

الصراحه خاطري اسال من زماااان بس متررررررردددده

او بالاصح مستحي منكم سؤاااااااااااااااااااالي هووووووو:sad:

عن الميك اب

انا توني اتعلم الميك اب على اصوله

وفيه اشياء يكتبونها البنات ومو فاهمتها او شنو استخداماتها

ياليتكم بس تعلموني اذا ماعليكم امر فدددددددددددديتكم

والاشياء اللي ابي اعرفها

شنو يعني"اضاءه"وفي شنو استخدمها ؟
والبرايمر؟

والكحل الكريمي شالفرق بينهم وبين الحل العادي؟

وشنو التاتووو؟

والبس شنو؟؟

والفكس؟والبيجمنت؟

اسفه على كثرة الاسئله بس ربي يشهد علي اني مااعرف استخداماتهم شنو

وخاطري اتعلم الميك اب

وربي يوفقكم يااااااارب

سواء رديتوا علي او لا

عروس


12 وحده دخلت ولا رد

جزاكم الله خير

هلا الغالية

ما فيهاا اختي الكل يتعلم عروس
اختي الاضاءه هي عبارة عن بودره ولكن حره .. تكوون سائبه وفيها لمعه تستخدم بعد ما تخلصين من وضع الميك اب كله من كريم اساس وبلاشر وكل شيء .. توزعينه على كامل الوجه باستخدام فرشاه بس بشكل خفيف عشان ينور الويه

انا مثلا ساعات لما احس ويهي اصفر وطبعا ايام الدورة لازم جذيه عروس اوزع بودرة مضغوطه اللي ايي كريم اساس مع بودرة واكحل عيني واوزع على خدودي وعلى انفي من الاضاءه

الكحل الكريمي يكووون مثل الآيلاينر.. لكن الكريمي يكون أكثر ثبات .. ويستخدم لخارج العين

التاتو طبعا هذا حرام .. وهو نقش يستخدم بآله لرسم رسمات على الجلد .. لكن في منه استكر وهذا حلوو .. رسمات على شكل فراشات وورود وقلووب

اللبستك يمكن تقصدينه .. معناته الروج

الفكس قبل المكياج يستخدمونه وهو كريم لتهيئة البشره قبل المكياج حسب علمي

عروس اقتباس عروس   عروس المشاركة الأساسية كتبها روعه عروس   عروس
     
  السلام عليكم

شخباركم يااحلى عضوااااااات

الصراحه خاطري اسال من زماااان بس متررررررردددده

او بالاصح مستحي منكم سؤاااااااااااااااااااالي هووووووو:sad:

عن الميك اب

انا توني اتعلم الميك اب على اصوله

وفيه اشياء يكتبونها البنات ومو فاهمتها او شنو استخداماتها

ياليتكم بس تعلموني اذا ماعليكم امر فدددددددددددديتكم

والاشياء اللي ابي اعرفها

شنو يعني"اضاءه"وفي شنو استخدمها ؟
والبرايمر؟

والكحل الكريمي شالفرق بينهم وبين الحل العادي؟

وشنو التاتووو؟

والبس شنو؟؟

والفكس؟والبيجمنت؟

اسفه على كثرة الاسئله بس ربي يشهد علي اني مااعرف استخداماتهم شنو

وخاطري اتعلم الميك اب

وربي يوفقكم يااااااارب

سواء رديتوا علي او لا

 
عروس   عروس

هــــــــــــــلا حبيبتي:

بالعكس اسألي وعلى راحــتــــــــــج

احنا بالمنتدى اخوات سواء انا رديت عليج الحيـــــــن والاخوات اكيد ما بيقصرون

انا بالنسبة لي بشرح لج عن ماركتي المفضلة وهي ماك واحب بعد ميك اب فورايفر

عندج الاستوديو فكس وايد رهيب

وهذي الفونديشن ستوديو فكس بودرة رهيبة التغطية بمساعدة الكريم اساس

اللوس باودر رهيبة اضائتها حلوة ولمعة رقيقة بعد ما تخلصين المكياج او قبله على حسب شلون البنت وخطواتها انا عن نفسي بعد ما اخلص الميك اب احطها وتعط يني تغطية حلووووووووووووة

هذا بعد الكونسيلر تغطية كاملة روعة لكل العيوب او اي شئ غلط بالويه

عندج الايلينر السائل من ماك وهذا شكــــــــــله:

الكريمــــــــــــــــــــي هذا شكله


ما حصلت االلون الاسود بالسايت حقهم بس معاي..
بالنسبة لي الكريمي اروووووووووووع من السائل، السائل احسه يخترب مني واتعذب معاه مع اني فنانة في الرسم، الكريمي صراحة رووعة استخدم فرشاه شاريتنها من عندهم وارسم على كيفي بدون ما احاتي انه بيسيح والا شئ

تسلمين اختي فديتج

وربي ينولج كل اللي ببالج

الله يعلم اني استفدت منج يالغلا

روعة دبي

يعطيج العافيه يابعدقلبي

وكفيتي ووفيتي حبيبتي

وعساني منحرم من هالردود

والبرايمر شنو؟

هلا حبوبه البنات مارح يقصرون معاج ان شالله….

شنو يعني"اضاءه"وفي شنو استخدمها ؟
الاضاءه مثل ما قالت الدبدوبه…تعطيج اضاءه للويه لان فيه ذرات صغيره جليتر او لمعه..وتكون بودره سائبه

ومنه السائل او الكريمي (ماك)

ومنه المضغوط (ماك)

والبرايمر؟
هذا في منه انواع للعيون ولشفايف وفيه للويه كامل

هذا لشفايف من ماك

يعطيج ترطيب وينعم الشفايف قبل ما تحطين الروج او الجلوس

وهذا للعيون بعد من ماركة ماك
ينعم لج الخطوط شوي وممكن يكون بيس لشدووو..

وهذا لكامل الويه ويخلي ويهج ناعم جدا وفيه اضاءه بسيط وحلوه ويثبت المكياج

والكحل الكريمي شالفرق بينهم وبين الحل العادي؟

الكريمي سواده حلووو ومايسيح مثل الكحل العادي وتستخدمنه بالفرشاه

وشنو التاتووو؟

مثل ما قالت الاخت وبعد في جل للحواجب يقولون اسمه تاتو وهو ضد الماي تستخدمينه للحواجب لملئ الفرغات بتحصلينه في ميك اب فورايفر

البيجمنت هذا شدوو بودر بس فيه لمعه حلووووه..تلقينه في ماك وفي منه الوان وايد

وهذا هو على اليد
[IMG][/IMG]

وعليكم السلام ورحمة الله وبركاته ..

هلا حبيبتي عروس

افا تستحين منه علشان تبين تستفيدين وتستفسرين عن المكياج ومسمياته عروس

شوفي انا راح اقولج

الاضاءه هي تعطي اشرقه واضاءه للبشره في منها نوعين (كريمي _ والبودره )

البودره وهو بودره سائبه فيها لمعه ناعمه عروس

وتعطي اضاءه للبشره
ويستعمل بعد ما تخلصي كل خطوات الميك أب بأصابع اليد يوضع على عظمة الخد وعظمة الأنف والذقن وفوق كسرة الحاجب وهو أكثر من رائع

ومنها اللون الأبيض اللؤلؤي
الوردي الصدفي رووعه عروس

والكريمي :

تخلطينا مع الاساس روعه يهبل يخلي وجهج منور مثل القمر مو لمعه لا بس اضائة
وتقدرين تستخدمينه على الاكتاف والجسم بالسهرات خطير ويجي منة الوان عروس

وتلقين من ماركة فور ايفر عندهم الاضاءه روعه

والبرايم هو يوضع قبل كريم الاساس ويعتبر بيس للبشره وفائدته يعزل الاساس عن البشره

ويخلي البشره تتنفس وناعمه عروس

والكحل الكريمي شالفرق بينهم وبين الحل العادي؟

الفرق انه سواده احلى وغامج ويستخدم بالفرشاة يعني ترسمين فيه على كيفج واهو احسن من العادي عروس

والتاتو هو جل يستخدم فوق الحواجب يرسمها بشكل حلو ومرتب وبطريقه الي تحبين وتلقينه عند فور ايفر روعه واختي الي فوق حطتلج صورته عروس

والبيس هو قاعدة المكياج ويستخدم لتوحد لون البشره قبل المكياج ويستخدم كمرطب

والفكس هو بخاخ مثبت للمكياج يعطي ترطيب ورونق للبشره عروس

والبيجمنت هو مثل الشادو الباودر مع لمعه عروس

وهني على هرابط تلقين معلومات اكثر عن البيجمنت

http://www.3roos.com/forums/showthre…C7%D6%C7%C1%E5

وانشالله افدتج حبوبه

و عليكم السلام و رحمة الله و بركاته..

هلا الغاليه.. حياج الله من بينا و بالنسبه لـ اسإلتج عادي الغاليه اسألي كثر ما تبين

مافي داعي تستحين عروس

المهم بجاوب على استفساراتج قد ما اقدر..

اول شي الاضاءه اهي مثل البودره المضغوطه تعطي الويه نضاره واتيج بهالشكل

و اهي كـ خطوه اخيره في المكياج يعني عقب ما تخلصين تحطينها على غظمة الخد و الخشم

و في منها عدت الوان..

ثانيا" البرايمر.. الغاليه عندج 4نواع من البرايمر في للوجه و الشفايف و للعين و للرموش.. و البرايمر

يستخدم بعد ما تحطين المرطب تنتظرين 5 دقايق عقب حطي البرايمر و هذي الخطوه للوجه و العين..

و تساعد على حماية البشره من الميك اب و تعطيها نضاره و تسهل توزيع كريم الاساس عليج..

هذا للوجــه

برايمر لمنطقة العين..

للرموش

للشفايف

ثالثا".. الكحل الكريمي اهو عباره عن كحل ملمسه كريمي و ينحط برا العين و تقدرين تمدينه بشكل

خفيف على كامل الجفن كـ لون اساسي و بعدين تحطين الايشدو من فوق و ادرجين الالوان على

ذوقج و اهو يستخدم بواسطة فرشاه خاصه.."انا شخصيا" ما احب استخدامه ابد افضل الكحل

العادي"..

رابعا"..اما التاتو فـ اهو عباره عن كريم مع الفارشي الخاصه فيه.. و هو منتج خاص لرسم الحواجب.

و هو بديل للنمص و راح تلاقينه في منتجات شركة ميك اب فورايفر

خامسا"..البيس.. و اهو عباره عن كريم ينحط قبل وضع كريم الاساس كطبقه عازله علشان المكياج

ما يظر البشره وبالنفس الوقت في كذا نوع توفر لج خطوه اضافيه بجانب الحمايه .. مثلا" في انواع

من البيس تعطيج نضاره للبشره الصفرا او في منها تزيل احمرار الوجه و غيرها من الانواع راح

تلاقينها في ميك اب فورايفر و..

سادسا".. الفكس و اهو مثبت للمكياج و اهو عباره عن رش ينحط بعد الكريم المرطب و ينحط ايضا"

كـ اخر لمسه في المكياج..

سابعا"..البجمنت اهو شدو بس على شكل بودره حره .. راح تحسين بصعوبه بإستخدامه بالبدايه..

بس بعدين بتتعودين و افضل انج تاخذين سامبلز واحد و تجربين و بعدها تقررين اذا يناسبج او لا..

و ان شاء الله اكون افتج حبوب..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.