هلا ومرحبا فيكم يالمتزوجات ….. حبيت أسوي ملف وكل وحدة تكتب فيه موقف لو بسيط أو كلمة قالتها حق زوجها ولاحظت إنه تغير للأفضل طبعا….
ويكون لنا مرجع يعني كل وحدة تتصرف سلوك معين لو من غير ما تقصد تلقاه تغير للأفضل تكتبه هني عشان يوم اتشوفه طفشان وما تعرف كيف تتعامل معاه تقرى إلي سوته وتطبقه ….
أتمنى إنكم فهمتوني وإن الفكرة عجبتكم………
يلا انتظر تفاعلكم
_smil1:……………….
موضوعج وفكرتج حلوة وايد بس ليش اخترتي هاللون ( الله يسامحج بس) والله اني ضللت الكلام عسب اقراه لاني عيوني عورتني
ويشرفني اكون اول من يشارك معاج والله اانا يوم اكون فرحانه اسويله مقالب مثل البارحه رديت من الدوام قبله وتسبحت وتكشخت وقعدت اترياه اول ما شفته طالع الدري سرت وحطيت مخدات فالفراش اوني راقده وانخشيت فالكبت ودخل هو وقعد يدور علي ويوم قرب صوب الكبت نقزت ههههه عاد هو وحليله فز في مكانه وقعدت اضحك عليه ههههههههههه
ودايما احاول امدحه واقوله انت طيب وحنون وانت اكيد تحبني وتحب ولدنا ولولاك ما عرف انا شو بسوي الخ هو اشوفه مستناس من الداخل تحسين بالفرحه على وييه والحمدلله دايما احاول احبه على راسه وهو نفس الشي تقريبا كل يووووووووووووم ويوم ينش من الرقاد بعد واقوله كل شي الا زعلك …..
الله يديم علينا يارب ويديم على كل زوجين كل الموده والمحبة ان شاءالله
أما بالنسبة إلي أنا دايما أدلعه و أحكي له إنه ما وراي غيره و أكتب له عبارات مديح و حب و هذا الشي غيره كتييييييييييييييييييير
و أنا ها الأشياء ما كنت أعملها قبل و حسيت بالفرق
و لعلمكم تعلمتها من ها المنتدى الروعة اللي لا مر و لا أتوقع راح يمر علي مثله
إنشاء كل العرايس يا ربي يتهنون مع أزواجهم بما يرضي الله
والله موضوعكم حلو فديييييييييييييييتكم..حلو تقولون تجاربكم..تشجعون نفسكم اكثر وتبدعون اكثر….ونستفي
وانا حاليا بعدني ماعرست بس ان شاءالله بسسوي شراتكن
مشكوووورة اختي على الطرح الفنان وان شالله تعم الفائدة على الجميع
لــــج كـــــل المحبـــة
مـــن اختـــــــــج
وهج المحبة