اخيرا لقيت الصور في احدي المنتديات
وبصراحه انصح كل وحده من بوظبى تسوي عرسها فيها
لأنه مرتب وفخم جدا جدا
والخدم يعرفون دورهم زين …
ووايد منسقين
والاهم والاهم
من ذلك
انهم يعطونك غرفه ملكيه …مجانا مع القاعه
وسعرها في اليوم الواحد 6000 الف درهم طبعا هذا قبل سنه اللحين قالتلى يمكن يزيدون السعر
مابطول عليك اترككم مع الصور ..
هل المدخل من بره
وهاي القاعه لو تلاحظون في مسرح على اليمين خليت وحده تعزف عندهم على الاله الكبيره اللى فيها خيوووط ماادري شو اسمها نفس القيتار بس كبيره …حطيتها هناك على دخلتى والفرقه بعد
والكوشه في الويه على طول ….
___________
لحين برويكم الرويل السويت اللى يتكون من ثلاث غرفه (غرفه رئيسيه كبيره ، غرفه ضيوف ، غرفه خدم ) كل وحده فيهم حمام غير الصاله كبيره جدا وغرفه طعام ومطبخ
غرفه رئيسيه
لا تحسبونها نصين … هاي كلها غرفه وحده
وعلى فكره التلفزيون فيه كالعاده قنوات لكن الجديد انه تقدرون تلعبون بلاي ستيشن وتدخلون الانترنت …
والحمام رهييييييييييييييب غير البلكونه حق الغرفه الرئيسيه فيها جاكوزي .. خيااالى يطل على البحر
وداخل الحمام في مثل هذا
وهاي غرفه زياده الثانيه
هذا المدخل
بس ناقصته عازفه تعزف مثل العود اكبير
هل المنظر من بره
هاي صاله الطعام
للاسف مالقيت صور … للصاله بس بصراحه وايد كبيره .. انا تمنيت اخذ هلى كلهم ورقدهم عندي في ليله الدخله عشان نستانس بالمكان …
بس تعرفون عاد ..:shy:
وبأمانه بنات بصراحه والله الاكل لا يعلا عليه كل اللى حضر عرسى مدح اكلهم ,,,,
ومايخلون شى حلو مايحطونه ,, والكيكه ثلاث طوابق مجانا واذا تبين زياده تدفعين
وان شاء الله الصور تعيبكم واي سؤال انا حاظره
الله يجمع بينكم على خير بالتوفيق
ان شاء الله عرسي بيكون فيه
ادعولي بناااااااااات
الله يسعدك ويهنيك طوال حياتكم ياااااااارب
ادعيلي ربي يرزقني الزوج الصالح يارب عاجلا غير اجل
كم كلفتكم و كم عدد المعازييم سويتووااا