كيفكم يابنات وياحريم ؟؟ عساكم بخير ان شاء الله …
بدخل في الموضوع على طوووووول
من زمان وانا ابغى انزل لكم هذي الاطباق لانها بجد لذيذه وصحيه وسهله ماتاخذ وقت
وغير كذا طعمها جدا مميز وانا متأكده انه الي بتجربها مارح تندم
الطبق الاول هو سمك فيليه بالحومر ( تمر هندي)
كيلو سمك فيليه
بطاطس شرايح
بصل شرايح
طماطم شرايح
فلفل رومي شرايح
كزبره وشبت مفرومين ناعم
زنجبيل مهروس وثوم مهروس
بهارات سمك او حسب الرغبه
فلفل حار ( اذا تحبيه )
كيس صغير تمر هندي منقوع في كوب ماء حار ومصفى
نرص شرايح البطاطس في صينيه مدهونه زيت …وعليها شرايح السمك المغسوله والمنظفه بالطريقه المعتاده ونتركها على جنب
نحط زيت في قدر ونحط البصل ثم الثوم والزنجبيل
نحط الفلفل الرومي ثم الطماطم ونقلبها ونتركها دقايق …ثم نضيف باقي المقادير
بعد حوالي 3 دقايق نحط البهارات والحومر ونتركها 5 دقايق تتسبك
نصب الخلطه على السمك وندخلها الفرن حوالي ساعه الا ربع او ساعه
وهذا شكلها بعد ماطلعتها من الفرن
وهذي صوره اقرب …..بس ترا لونها كذا لان مع الطبخ الحومر يصير لونه غامق
وهنا بعد ماغرفتها يم يم ……وتقدم طبعا مع الرز او العيش
وهنا اقرب >> حشا عارضة ازياء
الطبق الثاني كابلي الجمبري …..طبق رااااااااائع ولذيذ
كيلو جمبري منظف
بصل مفروم
طماطم مقطعه صغير
ثوم + زنجبيل + كزبره خضرا
بهارات صحيحه( هيل وقرفه وكزبره وكمون وليمون اسود)
رز بسمتي حوالي كاستين ونص
ملح وبهار حسب الرغبه
نغسل الرز وننقعه نص ساعه وبعدين نسلقه حوالي ثلاثة ارباع سلقه ثم نصفيه
نحط زيت في قدر ونحط اول شي البهارات الصحيحه …ولما تطلع ريحتها نحط البصل ونقلبه
نحط عليه الثوم والزنجبيل ونقلبه ….وبعد شوي نحط الجمبري ونقلبه ونتركه خمس دقايق وبعدين نحط باقي المقادير ونتركها تتسبك واذا حبيتي ممكن تحطي فلفل حار ( يطلع الذ)
نحط الرز المسلوق على خلطة الجمبري ونصب على الوجه خليط من ماء الكادي والزعفران ونتركه على نار هااااااااديه لمدة نص ساعه او ساعه الاربع
يقلب بطرف الملعقه عشان تختلط الالوان ثم يقدم بالهناء والعافيه
وطبعا انا قدمته مع السمك بالحومر وطلع مرررره روعه
وهذي صوره للسمك على السفره
والان سيداتي انساتي صورة السفره كااااامله ماشاء الله
وطبعا معاها سلطه خضرا وسلطة طحينه وفلفل حار
اااااااااااه تعبت
اتمنى ان اطباقي وسفرتي عجبتكم ..وياريت تجربوها لانها فعلا لذيذه والكل راح يسألكم عنها
انا في انتظار ردودكم …وأي سؤال انا حاضره …..باااااااااااااااااي
يمي يمييييي
ما شاء الله شكله لذيذ
الله يعطيج العافيه
شكلها لزييزة
يسلمو الايادي يارب
عجبني السمممج
تسلمين ويعطيج العافية
ويعطيج العافيه
ويعطيكي الف عافية
 |
اقتباس |  |
 |
المشاركة الأساسية كتبها انوار الحب  |
 |
 |
| يمي يمييييي
ما شاء الله شكله لذيذ الله يعطيج العافيه |
||
 |
 |
[QUOTE=pixma;5520721]حرااااااااام انا جوعت يسلم ايدك[/QUO
الله يسلمكم ويعافيكم ياعسل 
نورتو الموضوع بمروركم واسعدتوني بردودكم (a)
لكم مني كل الحب والتقدير :15: