اشحالكم فديتكم ان شاء الله بخير
مع قرآآتي ل قصص البنآت
ومعاناتهن
ولاحظت الاغلبيه نفس مشكلتي
لاكني يابنآت ماقدرت اصبر زياده
قلت لازم اغلب الحزن ولا هو يغلبني
وتميت اقول ف نفسي انا قويه انا قويه
ويا بنات كل هذا ف يوم واحد
عانيت اللي ماعانيتوه
مشاكل الاهل والطلاق
مرض القلب –> وانا عمري 15
وكله من المشاكل
وشفت الخيانه
وتعلمت الناس كيف انهم مصلحجيين ويروحون عند اللي يفيدهم
شفت اللي ماشفتوهـ
يابنات اللي ساعدني وطلعني من ازمتي
صلآتي اللي اول ما اسمع الاذان اقوم اتوضا
حتا لو كنت ف سنتر اول ماسمع الاذان ادخل اصلي
وكتاب اذكاري معاي اربع وعشرين ساعه
كل ماكنت يالسه ماسوي شي ايلس اقرا
واهم شي الاستغفآر
مافي احسن من الاستغفار والله العظيم يحلي حياتج وان كانت مافيها نقطه حلاه
ايلسي بينج وبين نفسج
شوفي شو عيوبج
شوفي شو اللي مكرهنج في حياتج
وخليج قويه واتجهي للصوآب وصممي ع انج اتغيرين حياتج
اذا انتي مب متزوجه ومخلصه دراسه حاولي اتشوفين شو موهبتج وتيلسين تنمينها
او اشتغلي ف حضاانه منو منا مايحب الاطفال ^^
اذا متزوجه حاولي اتسوين اي شي عسب ترضين ريلج واكيد ريلج مابيقصر وياج
اذا عانس خلي ايمانج بربج قوي يمكن ربج ماعطاج الريال لنه بيخرب حياتج او ربج يايبلج فالطريق واحد احسن من كل اللي كنتي تتمنينهم
ترى ربج مايسوي شي الا لحكمه
وااذا انتي تدرسين شدي حيلج فالدراسه وففكري ف اهلج اللي عطوج كل شي عسب تنجحين ويتريون شهاده ترفع راسهم ويفتخرون فيها جدام الناس
بذمتكم يالطالبات , مب اذا يبتو ف امتحان علامه كامله ورآويتوها لاهلكم ماتشوفون السعاده والفخر في عيونهم وقلبهم
حاولي تسوين اي شي يرضيهم حتا لو قدراتج ماتكفي انج تنجحين فكل المواد بس شدي حيلج وحاولي اتنمين قدراتج
وفالنهآيه
اتعلمو من كل شي صآرلكم —> و إسعو ف حيآتكم وخلو كل شي يي بروحه لا تركضون ورآه
واللي تبا مساعدهـ يابنآت والله اني مابقصر معاها اعتبروني اختكم 
واللي اتمناهـ
دعوهـ صادقه منكم انه ربي يجمعني ب محمد بالحلال عاجلا وليس ااجلا
وانه ربي يديم عليه السعاده
ودعوهـ صادقه مني لكم
انه ربي يرزقكم الازواج الصالحين عاجلا وليس اجلا
ويسعدكم ف حياتكم
ويوفقكم ويحفظكم وين ماتروحون
والسموحه منكم ^^
ويارب فرج على كل مهمومه يارب
وتسلمين غلايه ع مرورج الغاوي يزاج الله الف خير
يالغلا
والله يشفيك يارب وتكون حياتك سعادة بسعادة
ربي يوفقك ويسعدك ويرزقك كل الي تتمنيه يارب
ويسهل امورك
وانتي صااادقه بكل كلمه
((الا بذكر الله تطمئن القلوب ))
والله رزق جميع بنات المسلمني بزواج الصالحه
وابغي اقول كل وحده تأخر نصيبها كل تأخيره فيها خير وهذا التأخير لسبب يعلمه رب العالمين
وسلامتك