خواتي الغاليات عضوات وزائرات مدونة عروس
رجعت لكم بموضوع جديد اتمنى يكون مفيد وخفيف عليكم
موضوعي اليوم هو قصه تعلقي وصداقتي الجديده مع مع عنصر من عناصر المكياج
الي صرت ما استغني عنه في اي لوك من لوكات
وصداقتي توطدت معاه مع زياده خبرتي بطريقه استخدامه و توزيعه بالطريقه الصحيحه
و طبعا صديقي الغالي هوووووو
PIGMENT
أو
LOOSE EYE SHEDOW
أو
STARE POWDER
أو
Eyeshadow powder
طبعا هذي كلها مسميات لشي واحد الي هووووووو الشدو السائب بأنواعه المختلفه
سواء الي بلمعه او المات
والحين ببتدي قصتي معاه وشلون تعرفت عليه؟؟؟ و وشو الي حببني فيه ؟؟؟:adore:
عرفت البيجمنت عن طريق النت وبحثي في مواقع المكياج وكنت حاطه فبالي اني
مستحيل اجربه لاني كنت مبتدأه بعالم المكياج ولين ذاك الوقت ماكانت عندي الخبره
الكافيه في عمليه الدمج و تثبيت الشدو وما الى ذلك ……….. بس ألوان البيجمت
و لمعته شدتني كثير خصوصا وانه فيه الوان من البيجمنت الوان مستحيل تكون او
نحصلها من الاي شدو العادي عشان جذي قررت اني ازور ماك واشوفه عندهم وبعد
اول زياره تعرفت على طريقه استخادمه و تثبيته من الماكيره الي كانت هناك وفادتني
باشياء كثيره و من حظي كانوا بذاك الوقت منزلين كولكشن الهوليدي فما ترددت لحظه
اني اشتري المجموعتين الي كانوا نازلين…..
و استانست عليهم وووووووووايد لان صدق لمعتهم والوانهم فوق الوصف
<<<<<<<<< هذي كانت بدايه قصتي معاه و معرفتي بهالمنتج الرائع
استخداماته :
- يستخدم للعيون كشدو لحاله او لاضافه اللمعه للاي شدو الاساسي
- يستخدم كبلشر
- يستخدم كلمعه او اضاءه للوجه خصوصا الوان الذهبي , الابيض , البرونزي
- يستخدم للشفايف بدمجه مع الروج او القلوس
- ايضا ممكن ندمجه مع المنكير للحصول على الوان جديده
والحين بتحدث عن الماركات البسيطه الي استخدمتها وطبعا فيه غيرها كثير لا تعد ولا تحصى بس انا بتكلم عن الي جربتهم بس
بس قبل كل شي اوجه دعوه لكل وحده جربت ماركات ثانيه إن تعرض لنا تجاربها مع هالماركات حتى يكون الموضوع مرجع للبيجمنت لكل البنات
بسم الله ,,, تبارك الرحمن
ببتدي بالبيجمنت من ماكMAC
ماعرف شاقولكم عنهم بس مهما وصفت وقلت لكم ما بخلص كل شي فيهم
حلو لون , ثبات , لمعه , تميز بالالوان احبهم واااايد وصرت ما استغني عنهم
بأي لوك اسويه …. سواء باضافه البيجمنت فوق الشدو لتعزيز لمعته أو استخدامه
كلمعه لتحت الحاجب أو كلبشر و احلى شي لين استخدم اللون اللؤلؤي تحت العين يعطي
اضاءه للمكياج والوجه كله … باختصار احب البيجمنت لكل شي بلوكاتي …
بتلاحظون المجموعات الي عندي انهم كلهم من مجموعات الهوليدي
الي تكون باحجام صغيره لاني احس انها افضل و الاحجام العاديه فيها
كميه كبيره جدااا ما احس اني محتاجتها عشان جذي احرص اني كل ما
ينزل كولكشن الهوليدي اخذ المجوعات الي تنزل فيه باستثناء اذا شفت
لون نزل لمتد ودااااش مزاجي حيل فاشتري الحجم الكبير منه …
هذا الPink Bronz كان مع المجموعه الي فوق بس انسكر و جمعته وحطيته بهالعلبه
هاللون رهيب قمه في الروعه اخضر فاتح و لمعته رااااااااقيه حيل كان لمتد وانا لحقت على
اخر حبه 
وصدقوني يوم الي خذته كان فيسي جذي >>>
وهذا سامبل عطوني اياه بماليزيا طبعا هني ما يعطون شي ابد على كثر
ما ناخذ من عندهم 😎
Make up for Ever
عندهم ال STARE POWDE طبعا هو ايضا نوع من انواع الشدو
السائب وفيه عندهم انواع بلمعه وبدون لمعه بس اللي خذتهم من عندهم كلهم
بلمعه و لمعتهم واااااااااااااااااااااااااااااااااااااااااو شي خيالي و لا تتغير ابدا لين
الوقت الي تشلين فيه المكياج
مجموعتي بسيطه جدا من عندهم وناويه على كم لون جداد بخذهم قريب باذن الله
الدايموند بودر ( قلتر ) ناعم جدا وبلمعه الالماس يوضع فوق الاي شدو
او البيجمنت لزياده اللمعه خصوصا للمناسبات وله استخدامات كثيره غير
اضافته للاي شدو ممكن يسخدم للوجه , الشعر , الجسم ……
مجموعتي من HR هلينا روبنشتاين
عباره عن 3 ألوان برونزي و رمادي مايل للاسود وفضي الوانهم روووووووعه
و ثباتهم ولمعتهم ولا اروع بس للاسف ماحصلت عندهم الوان اكثر بس ما ادري
اذا نزلوا الوان جديده لاني من فتره طويله ما مريت عند هالماركه ….
عيبهم صعوبه دمجهم مع الالوان الثانيه لانه ملمسهم خشن عشان جذي توزيعي
لهم دايما يكون فوق الاي شدو وبالطبطه بس 8o|
ماركه NYX
الي عندي منهم 4 الوان حلوه حيل و سهلين جدا بالدمج و ايضا لمعتهم
حلوه بس ثباتهم مب ذاك الزود بس احس ان بالنسبه لسعرهم :$: ثباتهم
حلو بالنسبه لاسعارهم الرخيصه الي ماتتقارن بباقي الماركات
حبايبي الصغار mini Bourjois
Eyeshadow powder حبيتهم من اول نظره و خذت كل الالوان
الي كانت موجوده لان حجمهم صغير و ناعمين حيل لمعتهم راااااقيه وحلوه
يصلحون لكل وقت حتى للطلعات الصباحيه لان لمعتهم نااااااعمه و ممكن نوزع
لون واحد بس على الجفن المتحرك و كحل وماسكرا وبتحصلين على انعم واحلى
لوك صباحي :thumbs_up:
ماركه elianto
من احلى ماركات الشدو السائب الي استخدمتها بس للاسف ماحصلت عندهم
غير هالالوان وقت الي كنت بماليزيا وانشاء الله اخذ منهم الوان اكثر المره الجايه …
لمعتهم خيال
هالماركه بعد خذتها من ماليزيا والحمد لله اني ما كثرت منها لان اللون مب ثااااابت ابدا
مكياجي
هالشدو البودره حصلته مع مجموعه الكحل الاسود الي خذتها
و سواااااااده فاحم استخدمه كبيس للاي شدو عشان اغمق بعض
الالوان و ايضا استخدمه لرسم العيون باستخدام الeye sael
من Make up for Ever باستخدام فرشاه رفيعه ….
خطوات بسيطه للحصول على احلى
Eyeshadow powder
ممكن انج تسوين لج بيجمنت او الشدو السائب بطريقه بسيطه و سهله
جدا ما تاخذ منج اي وقت والصراحه انا ما فكرت اني اسويها الا يوم انه
انكسر عندي كم شدو فجاتني هالفكره ……
و نفذتها و استوى عندي بيجمت حلووووووو و احلى من الاي شدو الاصلي
لان اللون يصيراقوى من قبل
- يفتت الاي شدو ويطحن ويوضع في علبه فاضيه
- يخلط مع قليل من القلتر الناعم وممكن الاستغناء عنه اذا كنتي ما تفضلين اللمعه القويه
- وبهذا تحصلين على احلى بيجمت في ثواني
الدايموند بودر ( قلتر ) هو من احلى الانوع الي ممكن تخلطينها
مع الشدو عشان تصنعين لج بيجمنت بلمعه الالماس 😉
طريقه تثبيتي للبيجمنت
استخدام المنتجات التاليه :
قطره الدريولاين الشهيره من انجلوت تثبت البيجمنت بطريقه حلوه وتكفي منها
كميه بسيطه جدا و يستوى البيجمنت ولا اروع …
eye seal استخدمه لتثبيت البيجمنت او الستار بودر وايضا استخدمه لين بغيت ارسم عيوني من اسفل بلون من الوان البيجمنت لانه يحول اي لون شدو سائب الى اي لاينر ثابت
جدا وهذا يوفر علينا شراء الوان كثيره من الاي لاينر وايضا يخليج تخطين اي لون
على عيونج يكون خاطرج فيه خصوصا اذا ما حصلتي اللون متوافر على شكل اي
لاينر :adore: بالسوق …..
الكحل الكريمي وطبعا استخدمه للبيجمنت الاسود او الرمادي
الكونسيلر اعتبره من احلى المثبتات واسهلها
البينت رووووووووعه لتثبيت البيجمنت
( اسمحوا لي خذت الصوره من النت لاني ما حصلت البينت الي عندي )
من مكياجي استخدامه سهل جدا لانه على شكل قلم وفيه منه الوان ثانيه تناسب
جميع الوان الشدو و تحصلون منه بجميع الماركات تقريبا خصوصا ماك…
ايضا فيه مثبتات ثانيه انا ما استخدمتها بس ممكن تستخدومنها انتوا و بتلاقون انواع اخرى كثيره في موضوع اختي مس بلنق فديتها عن تثبيت الاي شدو
وبجذي خلصت موضوعي
>>>>>> هذا الموضوع خاص وحصري لمنتدى عروس وما احلل اي وحده تنقله بأي شكل من الأشكال <<<<<<
اتمنى ان يكون نال على إعجابكم و كان فيه
ولو إفاده بسيطة لكم
:L: وما أتمنى منكم غير دعوه بظهر الغيب :L:
(( إن الله يحقق لي الي فبالي وييسر أموري عاجلا غير آجلا ))
😮لا تنسون التقييم اذا الموضوع يستاهل 😮
عاشقه الدوحه
:adore:
loved the idea :thumbs_up:
بصراحة موضوع ولا اروع ما شاء الله ومتعوب عليه
وما شاء الله ايضا مجموعتج وايد حلوة والالوان يبين من وحده ذوووووق
بس سؤال هي قطرة انجلوت هي اللي تخلي البينجمت مثل الآيلاينر ؟؟ او اللي من ماركه فورايفر
وشلون طريقته ؟ شجعتيني اشتري
.
.
.
ما شاء الله ما شاء الله
الموضوع حلوو ومتعوووب فعلا نصايح ذهبية وتجارب حلوووة منج
وايد شدتني سالفة البيجمنت الحين وفهمت اهميتها صح ما وايد استخدمه
بس بعد ما شفت المجموعه اشتهيت ان يكون نفس مجموعتك تجاربك حلووة
والبيجمنت ماك فعلا لا يعلى عليه…
ما شاء الله فعلا الموضوع مجهوده شي….
الله يوفقك يارب ويسير كل امر من امورك ويسهل عليج حبيبتي !!
:thumbs_up:
انا مو >اك الزود ويا الايشدووووا بس احب الاضاء والبلاشر
وبما انه ممكن نستخدم البيجمت مثل الايشدوووو
فصار في خاطري اجربهم
يعطيك العافية ع الموضوع الرائع
والله يوفقك يا رب
تسلمي يا رب على الموضوع المفيد
بالفعل و ايد استفدت
و التصوير و ترتيب الموضوع ولا اروع
الله يوفقك دوم
قمه الذوووق اختي بصراحه موووضوووع ولا احلى ولج احلى تقييم
مجموعه حلوه والوان راقيه عليج بالعافيه ..
ولج احلى تقيم..